DANIELA 7:27 - Khumi Common Language Bible

²⁷ Tahm asang parai nai Tameuh i khumichi ly khaileaung pri y awm nai pri bawibawichi i, sa thai naira hawi phum-ang nga u ai. Nichi i sa thai naira ly mana khala py, tama vui ai ny y. Khaileaung pri i samrang bawibawichi py, nichi i miseaung y awm ai i, nichi i leu tangai u ai,” nanai thui pachai pi bo.

DANIELA 7:27 Iomraidhean Croise

SAM 145:13

Nang i pri ly deungtasarei ne; nang py deungtasarei samrang ne. Areng ly mymy i adeu naichi khaw hai iy, sa nai ngiereichira y tamen naira amteng nai ne.

SAM 22:27

Khumi cheng cheaungkhangchi ly Areng ai pany u jo ai. Khaileaung pri meingtym tleirei i khumi cheng bawibawichi ly paleung amtlau iy, nang ai chiu u ai.

SAM 72:11

Samrang bawibawichi ly mymy i mo y ambeu u ai; khumi cheng cheaungkhangchi py, samrang i miseaung lawn u ai.

SAM 86:9

Nangmy sa nai khumi cheng cheaungkhangchi ly jeu iy, nang i mo y lu meung u ai; nichi ly nang i nang parai nai sai palo u ai.

ISAIA 14:2

Khumi cheng cheaungkhangchi ly Israela chengchi ai, Areng my pei nai pri y vawi u ali teang ai nai sabawm u ai. Huni pri y cheng takhra khumichi ly Israela chengchi teng y miseaung kamta kalop sa u ai. Israela chengchi ai patiu nai khumichi ai, vai ly Israela chengchi my patiu ali teang ai. Israela khumichi py, vaichi khala mychi ai ana nai khumichi ai peang u ai.

ISAIA 54:3

Nang ly amy i khujyhchi palen ai nai tla. Vai, cheng takhra khumichi awm nai pri ly nang i khumichi my nga u ali teang ai. Vai, khumi angso savai tlang nai marychi ly phuitaw na ai.

ISAIA 9:7

Ni i sa thai naira haiho ly hlo veangveang iy, ni i pri py tlamsa jojo ai. Ni ly samrang Davida i yhmtheaung amtym iy vai i dengdai deungtasa tem pa-rei leu meitang adyh adawi naimy peang ai. Ati cheaungkhang sa thai nai Areng ly hina naichi tym angym hai ai nai leu pacheang yb veng nai ne.

DANIELA 2:44

Salo mang i samrangchi peang nai thym khala y my, Kani pri mang y awm nai Tameuh ly mana khala py phra pajau y nai pri harei palum ai. Huni pri ai mana khala py taphra pajau y ai. Huni pri ly takhra prichi ai taphra chum baly, khaw jojo ai.

DANIELA 4:34

Samrang my, “Kai ly saneng saryhrei neng khei nai khala y, kani mang y khen kalau i, khumi paleung nga ali teang nai deaungkho y, nang parai nai Tameuh ai palo bo. Deungtasarei heng nai Tameuh i nang parai nai hawi, sa thai naira ai palo bo. “Mymy ly khaileaung pri y deungtasarei peang ai. Mymy i pri ly deungtasa khrairei awm jo ai.

DANIELA 6:26

Kai i empara pri verei y awm nai khumi bawibawichi awi, nangchi ly Daniela i ym nai Tameuh ai tahm khai u ai nai tla, nanai leu kang pei. “Mymy ly Tameuh kangheng ne iy, deungtasarei peang jojo ai. Mymy i pri ly mana khala py phra ai ny y. Mymy i sa thai naira ly mana khala py, tem ai ny y.

DANIELA 7:14

Naibaly cheng leu cheaungkhang katheu nai khumi ngiereichi ly ni i kalop sa hai ai nai mymy ly ni teng y, peang ai naira hawi sa thai naira py, samrang i sa thai naira py, pei pi nai ne. Ni i sa thai naira haiho ly deungtasarei khaw jo ai i, ni i pri ly mana khala py phra ai ny y.

DANIELA 7:18

Na i py tahm asang parai nai Tameuh i khumichi ly samrang i sa thai naira haiho nga u iy, deungtasarei peang u jojo ai,” napi.

DANIELA 7:22

Naibaly deungtasarei heng nai keung ly tym i, tahm asang parai nai Tameuh i khumi kachaichi molam y, tara chih pi nai ne. Tameuh i khumichi ly samrang i sa thai naira nga ai nai neng tym bo.

OBADIA 1:21

Eaung pawi nga nai Jerusalem mary i khumichi ly Edom pri y tiu i peang u ai. Huna nai khala Areng mymy kypkyp ly huni pri y samrang lawm ai.”

ZEKHARIAH 14:9

Naibaly khaileaung pri verei y Areng my peang ai. Khumi bawibawichi my py, mymy ai mychi i Tameuh palawn iy chiu ai i, huni amyn harei naini pany u ai.

LUKA 1:33

mymy ly Jakob kangpreangchi tleaung y deungtasarei areng lawn ai i, my i peang nai ly temra awm ai ny y,” napi.

JOHAN 12:34

Naibaly khumi mipuichi ly ni teng y, “Krista ly deungtasa khairei awm jo ai, nanai Reita theung i nai kaichi thai bo; Khumi i Chapo ai dang ai nai tla, nanai ly ati mana nai sai mo? Hini Khumi i Chapo ly ami mo?” nanai pathang.

I KORINTH 15:24

Hunaibaly mymy ly peang naira bawibawi hawi, aly peang naira hawi, atiti sa thai naira bawibawichi ai tama hai iy, Tameuh teng y, Ampo kypkyp teng y ly peang naira ang pei nai bo y ly neng tem veng ai bo;

AMTENG HAI NAI 11:1

Naibaly kai teng y cheaungvawi kamta siju ang pei: naibaly ami my mo, “Angthau ly, Tameuh i achura yhm kalen pui hawi, maicham hawi huni theung y chiu naichi ai py pata.

AMTENG HAI NAI 11:15

Naibaly kani pri i amtaw thau nai saryh i nai ly eng i, “Khaileaung pri y peang naira ly achi i Tameuh hawi mymy i Krista i peang naira lawn bo; mymy ly deungtasarei peang jojo ai,” nanai kani mang y ly raawi pajeng parai naichi theu tamangtang bo.

AMTENG HAI NAI 17:14

Hunichi ly Beram Cho ai tiu ai i, Beram Cho ly arengchi i Areng, samrangchi i Samrang ne nai deaungkho y nichi ai pajau ai: mymy teng y awm naichi py, palau nai, vawi takhra nai, ka-ym awm naichi ly pajau u teang ai,” napi.

AMTENG HAI NAI 19:16

Naibaly mymy i kanih hawi phai tleaung y ly, “Samrangchi i Samrang, Arengchi i Areng,” nanai amyn tajiu angchi ne.

AMTENG HAI NAI 20:4

Naibaly areng atehrachi kaniu, nichi ly hunichi tleaung y ateh iy tara chih ai nai leu nga bo: naibaly Isu i leu thui pi nai hawi, Tameuh i leu deaungkho y lu tameang nai, mawi kasi ai hawi ni i myn y py chiu y iy, mymychi i lukati y hawi kiu y py huni ka-ma-ra ngo y naichi i phailochi ai ly kaniu: nichi ly heng bi i, saneng sangrei sala y Krista hawi vanrei peang u bo.

AMTENG HAI NAI 22:5

Vum, nanai ly awm ali ai ny y ; nichi ly maisi kangvang hawi kanito kangvang py aly ngai u y ai; Areng Tameuh my ly nichi ai angvang hai ai i, nichi ly deungtasarei peang u jojo ai.