DANIELA 7:22 - Khumi Common Language Bible

²² Naibaly deungtasarei heng nai keung ly tym i, tahm asang parai nai Tameuh i khumi kachaichi molam y, tara chih pi nai ne. Tameuh i khumichi ly samrang i sa thai naira nga ai nai neng tym bo.

DANIELA 7:22 Iomraidhean Croise

SAM 149:5

Tameuh i khumichi ly tavai eaung nai deaungkho y amo theu u sy; vumtorei amo theu naimy khulym thui u sy.

ISAIA 63:4

Kai ly kaimy i khumichi ai atleu ai nai neng tym bo. Nichi i paleung ka-echi ai pajeng ai nai adawn yb veng bo.

DANIELA 7:18

Na i py tahm asang parai nai Tameuh i khumichi ly samrang i sa thai naira haiho nga u iy, deungtasarei peang u jojo ai,” napi.

DANIELA 7:23

Huni khumi my, “Palyh i mawi kasi ly khaileaung pri y ang tym ai nai palyh i empara pri ne iy, takhra prichi hawi atawm y ai. Huni empara ly khaileaung pri verei y pajawn ai i, chiu piupa vui ai.

MATTHAI 19:28

Naibaly Isu my nichi teng y, “Meitang khyp kang thui pi, atiti bawibawi kangtha sa palai bi naira y ly khumi i Chapo ly mymy i nang parai nai atehra y ateh nai khala y ly nangchi, kai teng y abangnaichi ly Israela cheng holai nyhreichi ai tara chih ai nai, nangchi py areng atehra holai nyhrei naira y ateh u teang ai.

II THESALONIKA 2:8

Huni bo y Reita Taphra Nai Keung ly amteng ai bo, naibaly Areng Isu my ni ai ly mymy i labeaung i taho nai y padei ai, naibaly ang jeu nai hawi amteng nai deaungkho y ni ai tama hai.

AMTENG HAI NAI 1:6

Achi ai tamen i mymy i thi y achi i kamngo nairachi pachai chum nai, achi ai mymy i Tameuh hawi Ampo i vui y peang naira hawi pathyp pi nai keungchi y palawn nai keung teng y ly nang parai naira hawi aly peang naira py deungrasarei awm sy. Amen.

AMTENG HAI NAI 20:4

Naibaly areng atehrachi kaniu, nichi ly hunichi tleaung y ateh iy tara chih ai nai leu nga bo: naibaly Isu i leu thui pi nai hawi, Tameuh i leu deaungkho y lu tameang nai, mawi kasi ai hawi ni i myn y py chiu y iy, mymychi i lukati y hawi kiu y py huni ka-ma-ra ngo y naichi i phailochi ai ly kaniu: nichi ly heng bi i, saneng sangrei sala y Krista hawi vanrei peang u bo.

AMTENG HAI NAI 3:21

Kai ly pajau i Ngaai teng y ni i areng atehra y ka-teh nai kamta ly, pajau nai keung ai ly kai teng y kai i areng atehra y ka-teh hai ai.

AMTENG HAI NAI 5:10

naibaly nichi ai ly achi i Tameuh i vui y peang naira hawi pathyp pi nai keungchi y nang palawn bo; naibaly nichi ly khaileaung pri y peang ai,” napi.