DANIELA 7:16 - Khumi Common Language Bible

¹⁶ Huni meingtym y angdo nai khumi leaungrei teng y chei i, hunichi i awm nai sai deng nai khala y, ni my ang thui pi pachai bo.

DANIELA 7:16 Iomraidhean Croise

DANIELA 7:10

Huni areng atehra mang dengdairei, tavo leaung nai kamta kangvang sangso theu. Huni meingtym y ly mymy i kalop sa nai khumi sang neangneangchi awm. Mymy i mo y angdo naimy kalop sa nai py, meaung neangneangchi awm nai ne. Tara chih nai neng amteaung ai bo i, cha-iuchi kadai u bo.

DANIELA 7:17

Huni khumi my, “Huni mawi kasi pui palyhrei ly khaileaung pri y ang tym ai nai empara pri palyhreichi ne.

DANIELA 8:17

Kabriela ly kai i sahawi y jeu iy angdo nai khala, kai ly khri pa-rei kaso theu nai deaungkho y, khaileaung y atlym vui bo. Kabriela my kai teng y, “Dei nai khumi amjy awi, amteng hai nai i awm nai sai ai pany ba. Huni amteng hai nai ly kani khaileaung tem ai nai patei pi nai ne,” napi.

DANIELA 9:22

Kabriela my, “Daniela awi, kai ly amo leu nang pany thai ai nai molam y sabawm ai nai hini meingtym y kang tym nai ne.

ZEKHARIAH 1:19

Kai ly kaimy hawi vanrei leu arum nai kani pri amtaw thau nai teng y, “Hini taki palyhrei i awm nai sai ly ati mo?,” nanai kadeng cham bo. Huni kani pri amtaw thau nai my, “Huni takichi ly Juda khumi, Israela khumi hawi Jerusalem mary i khumichi ai ahei hai phro nai khaileaung pri i sa thai naira awm nai khumichi ai pata nai ne,” napi.

ZEKHARIAH 2:3

Naibaly kai hawi leu arum nai kani pri amtaw thau nai ly mo y ang jeu i, takhra kani pri amtaw thau nai leaungrei my, niteng y jeu i ka-vum sa nai kaniu.

ZEKHARIAH 3:7

ati cheaungkhang sa tha nai Areng my, “Nang ly kai i reita leuchi ai tangai iy, nang teng y kaimy kang pei nai kalopchi sa ai na baly, kai i Achura yhm hawi Achura yhm apaichi kry ai nai nga bi ai. Kai py kaimy i mo y awm nai kani pri amtaw thau naichi i chiu sa hnei takeng naichi thai nai kamta, nang i chiu sa nai py thai ai.

AMTENG HAI NAI 5:5

naibaly miteaung kehchi theung y leaungrei ly kai teng y, “Vo moh! Khen cham, Juda cheng theung i theu nai Khrangsi Takai, Davida i Tangjyn ly huni cha-iu aeang i pajawp typ nai ka-ma-ra saryhrei su iy cha-iu aeang lam ai nai pajau bo,” napi.