DANIELA 7:14 - Khumi Common Language Bible

¹⁴ Naibaly cheng leu cheaungkhang katheu nai khumi ngiereichi ly ni i kalop sa hai ai nai mymy ly ni teng y, peang ai naira hawi sa thai naira py, samrang i sa thai naira py, pei pi nai ne. Ni i sa thai naira haiho ly deungtasarei khaw jo ai i, ni i pri ly mana khala py phra ai ny y.

DANIELA 7:14 Iomraidhean Croise

SAM 102:22

Zion mary salo y nang i amyn amthang hai ai; Jerusalem mary y nang i nang parai nai palo u ai.

SAM 103:19

Areng ly mymy i areng atehra ai kani mang y khai bo; mymy ly khusang deaungdu ai peang nai ne.

SAM 145:13

Nang i pri ly deungtasarei ne; nang py deungtasarei samrang ne. Areng ly mymy i adeu naichi khaw hai iy, sa nai ngiereichira y tamen naira amteng nai ne.

SAM 146:10

Areng ly deungtasarei samrang lawn ai. Aw Zion mary, nang i Tameuh ly deungtasarei peang ai. Areng ai palo u!

SAM 45:6

Nang ai Tameuh my pei nai atehra bailang ly deungtasarei awm ai. Nang ly nangmy i pri ai leu meitang adyh adawi naimy peang bo.

SAM 72:11

Samrang bawibawichi ly mymy i mo y ambeu u ai; khumi cheng cheaungkhangchi py, samrang i miseaung lawn u ai.

SAM 72:17

Samrang i amyn ly awm jojo sy; amyn amthang nai ly kanito kamta awm jojo sy. Tameuh ly samrang ai amtheaung naira pei nai kamta, khumi cheng cheaungkhangchi ly mychi ai py, amtheaung naira pei ai nai Tameuh teng y hnei u sy.

SAM 8:6

Nang ly nangmy sa nai ati cheaungkhangchi ai peang ai nai pei pi bo.

ISAIA 16:5

Huna nai khala y Davida katu chanau theung i leaungrei naini samrang lyn iy, mipuichi ai ka-ymra, ka-tamenra hawi peang ai. Ni ly kahawi sa ai nai patyh ai ny y; leu meitang naimy tara chih pi ai.)

ISAIA 60:12

Na i py nang i kalop sa ai nai ngai y nai khumichi ly tamyh pawn nai avum u ai.

ISAIA 9:6

Kaichi i vui deaungdi tapen pi! Kaichi i vui chapo ang pei bo! Ni ly kaichi ai ang peang ai. “Ni i amyn ly rengrang tlai,” “Tau pei nai keung,” “Sathai naira len parai nai Tameuh,” “Deungtasarei Ampo,” “Tlamsa nai samrang i Chapo,” nanai amyn pathi ai.

ISAIA 9:7

Ni i sa thai naira haiho ly hlo veangveang iy, ni i pri py tlamsa jojo ai. Ni ly samrang Davida i yhmtheaung amtym iy vai i dengdai deungtasa tem pa-rei leu meitang adyh adawi naimy peang ai. Ati cheaungkhang sa thai nai Areng ly hina naichi tym angym hai ai nai leu pacheang yb veng nai ne.

DANIELA 2:35

Naibaly tlenrei khyhmy tamo hawi laikan py, kheupaja py, tangka hawi mukuchi py, dei lawm vui bo. Hunichi ly kani pui y choh atyhra meingtym i spryh kamta, ali aho nai kamrawi y ahei pawn bo. Ati sai py lawi amny y na pa-rei, hm pawn nai ne. Na i py lengseaung pui ly khaileaung verei y kawi nanai mawi pui lawm bo.

DANIELA 2:37

Samrang awi, nang ly samrang leilachi theung y len keh nai ne. Kani pri mang y awm nai Tameuh ly nang ai empara samrang lawm ai nai sa thai naira hawi phum-angchi kawi hai bo.

DANIELA 2:44

Salo mang i samrangchi peang nai thym khala y my, Kani pri mang y awm nai Tameuh ly mana khala py phra pajau y nai pri harei palum ai. Huni pri ai mana khala py taphra pajau y ai. Huni pri ly takhra prichi ai taphra chum baly, khaw jojo ai.

DANIELA 3:4

satang thai hai nai keung leaungrei my, “Leu cheaungkhang katheu nai khumi bawibawichi hawi pri tleirei i khumi bawibawichi awi!

DANIELA 4:3

“Tameuh my achi teng y patei pi nai lyh ai nairachi ly khri pa-rei len parai na ly! Mymy i patei pi nai rengrang ka-ma-rachi ly khri pa-rei sa thai naira angym na ly! Tameuh ly deungtasarei samrang ne. Mymy ly khaileaung pri y neng tleirei peang jojo ai.

DANIELA 6:26

Kai i empara pri verei y awm nai khumi bawibawichi awi, nangchi ly Daniela i ym nai Tameuh ai tahm khai u ai nai tla, nanai leu kang pei. “Mymy ly Tameuh kangheng ne iy, deungtasarei peang jojo ai. Mymy i pri ly mana khala py phra ai ny y. Mymy i sa thai naira ly mana khala py, tem ai ny y.

DANIELA 7:18

Na i py tahm asang parai nai Tameuh i khumichi ly samrang i sa thai naira haiho nga u iy, deungtasarei peang u jojo ai,” napi.

DANIELA 7:27

Tahm asang parai nai Tameuh i khumichi ly khaileaung pri y awm nai pri bawibawichi i, sa thai naira hawi phum-ang nga u ai. Nichi i sa thai naira ly mana khala py, tama vui ai ny y. Khaileaung pri i samrang bawibawichi py, nichi i miseaung y awm ai i, nichi i leu tangai u ai,” nanai thui pachai pi bo.

OBADIA 1:21

Eaung pawi nga nai Jerusalem mary i khumichi ly Edom pri y tiu i peang u ai. Huna nai khala Areng mymy kypkyp ly huni pri y samrang lawm ai.”

MIKHA 4:7

Nichi ly kheu tabai naimy, yhm i dengdairei kamlora y tym u nai ne. Na i py kai ly dei kamthumchi ai atho awm nai khumichi lawm hai ai. Kai ly Zion mawi salo y nichi ai, vai i dengdairei deungtasa khrairei ka-peang ai,” napi.

MATTHAI 11:27

Ngaai my ati cheaungkhang bawibawi kai teng y au bo; naibaly Ampo ny y baly ami py Chapo ai pany y leang; naibaly Chapo hawi, ami teng y Chapo my amteng hai ai nai ngai nai ny y baly ami py Ampo ai pany y.

MATTHAI 28:18

Hunaibaly Isu ly nichi teng y chei i, nichi hawi arum iy, “Kani y hawi khaileaung y py aly peang naira bawibawi ly kai teng y ang pei nai bo.

LUKA 1:33

mymy ly Jakob kangpreangchi tleaung y deungtasarei areng lawn ai i, my i peang nai ly temra awm ai ny y,” napi.

LUKA 10:22

Ngaai my ati cheaungkhang bawibawi kai teng y au bo. Naibaly Chapo ami mo, nanai ly ampo ny y baly ami py pany y; Ampo py ami mo, nanai ly Chapo hawi, ami teng y Chapo my amteng hai ai nai ngai nai ny y baly ami py pany y,” napi.

JOHAN 12:34

Naibaly khumi mipuichi ly ni teng y, “Krista ly deungtasa khairei awm jo ai, nanai Reita theung i nai kaichi thai bo; Khumi i Chapo ai dang ai nai tla, nanai ly ati mana nai sai mo? Hini Khumi i Chapo ly ami mo?” nanai pathang.

JOHAN 3:35

Ampo my Chapo ai tamen i, ati cheaungkhang bawibawi ai ly ni teng y au bo.

HEBRAI 12:28

Hunaibaly achi ly tahyn pajau y nai pri nga nai deaungkho y kawn u sina; huni i saho y achi ly kaji nai hawi tahm khai nai tarawi y Tameuh i kawn nai kalop sa thai:

I PETERA 3:22

Isu Krista ly kani pri mang y lyn kalau iy Tameuh i lamtang mang y awm bo; kani pri i amtaw thau naichi hawi, aly peang nairachi hawi, atiti sa thai nairachi py mymy i ngaingai y awm hai bo.

AMTENG HAI NAI 1:6

Achi ai tamen i mymy i thi y achi i kamngo nairachi pachai chum nai, achi ai mymy i Tameuh hawi Ampo i vui y peang naira hawi pathyp pi nai keungchi y palawn nai keung teng y ly nang parai naira hawi aly peang naira py deungrasarei awm sy. Amen.

AMTENG HAI NAI 11:15

Naibaly kani pri i amtaw thau nai saryh i nai ly eng i, “Khaileaung pri y peang naira ly achi i Tameuh hawi mymy i Krista i peang naira lawn bo; mymy ly deungtasarei peang jojo ai,” nanai kani mang y ly raawi pajeng parai naichi theu tamangtang bo.

AMTENG HAI NAI 17:14

Hunichi ly Beram Cho ai tiu ai i, Beram Cho ly arengchi i Areng, samrangchi i Samrang ne nai deaungkho y nichi ai pajau ai: mymy teng y awm naichi py, palau nai, vawi takhra nai, ka-ym awm naichi ly pajau u teang ai,” napi.

AMTENG HAI NAI 3:21

Kai ly pajau i Ngaai teng y ni i areng atehra y ka-teh nai kamta ly, pajau nai keung ai ly kai teng y kai i areng atehra y ka-teh hai ai.