DANIELA 7:13 - Khumi Common Language Bible

¹³ Vum y huni paleung mei hawi niu naira y, kai ly khumi leaungrei ka-tawm niu bo. Ni ly khupanym my taki teungtareung iy, kai teng y ang jeu. Hunaibaly deungtasarei heng nai keung teng y tym vui nai deaungkho y, ni ly mymy i mo y kun ai nai nga.

DANIELA 7:13 Iomraidhean Croise

SAM 110:2

Areng ly nang i sa thai naira ai Zion mary i dengdairei, meingtym tleirei y tym pa-rei khaw hai ai. Mymy ly nang ai, “Nang i paleung ka-echi ai peang ba,” nanai leu pei bo.

SAM 2:8

Hnei, khumi cheng cheaungkhangchi ai nang teng y kang pei ai; khaileaung pri verei y nangmy peang ai.

SAM 47:5

Tameuh ly mymy i atehra bailang mang y lyn kalau bo; Areng lyn kalau nai khala, amo theu aeu nai raawichi hawi baw eng nai katynchi thai u nai ne.

JEREMIA 49:19

Kai ly Jordan tavo jeungrei y awm nai daichi kabeng theung i dengdairei, heng-a nai sui tlai naira meingtym y theu nai khrangsi kamta theu iy, Edom chengchi ai mychi pri i nai paryh pawn ai. Hunaibaly kai ly huni pri y peang ai nai samrang leaungrei vawi takhra pi ai. Kai ai ami hawi pata pajau ai mo? Kai ai ami tiu pajau ai mo? Mani samrang ly kai ai awi pajau ai mo?

Ezekiela 1:26

Huni takhuru nai salo y ly saphire lengseaung hawi sa nai areng atehra ka-tawm harei awm. Huni areng atehra tleaung y ly khumi i mo-cha hawi atawm nai leaungrei ateh.

DANIELA 2:44

Salo mang i samrangchi peang nai thym khala y my, Kani pri mang y awm nai Tameuh ly mana khala py phra pajau y nai pri harei palum ai. Huni pri ai mana khala py taphra pajau y ai. Huni pri ly takhra prichi ai taphra chum baly, khaw jojo ai.

DANIELA 7:12

Takhra mawi kasichi ly mychi i sa thai naira la pi vui nai ne teu i py, neng khai pi nai ka-vo ryrei, heng ai nai nga u bo.

DANIELA 7:2

Ali ly khuteng taki palyhrei mang aho nai deaungkho y, pangli tui saleung y tuisampyh khri pa-rei amsau na.

DANIELA 7:22

Naibaly deungtasarei heng nai keung ly tym i, tahm asang parai nai Tameuh i khumi kachaichi molam y, tara chih pi nai ne. Tameuh i khumichi ly samrang i sa thai naira nga ai nai neng tym bo.

DANIELA 7:9

Kai ly khen nai thym y, areng atehrachi awm nai py, atehra harei salo y deungtasarei heng nai keung ateh nai py, kaniu nai ne. Mymy i ateaungchi ly ji kamta kaleung iy, sam py beram mui tatang hawi atawm. Aai nanai amlira kheuchi tai nai, mymy i areng atehra ly mai kangveaung kamta angvang na bo.

DANIELA 8:15

Kai, Daniela ly paleung mei hawi niu nai i awm nai sai pany pajau ai nai atho sa nai thym y, khumi i mo-cha atawm nai ly kai i mo y angdo nai kaniu.

MATTHAI 13:41

Khumi i Chapo my ly mymy i kani pri i amtaw thau naichi ai pato ai i, mymy i peang naira i dengdairei kamngo sa hai reng nairachi ai hawi, atiti hawi y sa reng nai keungchi bawibawi ai ly patheu ai i, mai pui kangveaung y aphi ai:

MATTHAI 24:30

huna nai kha y ly Khumi i Chapo i ka-ma-ra ly kani mang y amteng ai: naibaly huna nai khala y ly khaileaung pri i cheng cheaungkhangchi ly vo iy paleung y atum ai i, Khumi i Chapo ly atiti sa thai naira hawi khri pa-rei nang parai naira hawi kani mang i khupanym tleaung y jeu nai niu ai.

MATTHAI 25:31

“Na i py Khumi i Chapo ly kani pri i amtaw thau nai bawibawichi hawi, mymy i nang parai naira amthyp naimy ang jeu nai neng khala y ly, mymy i nang parai nai atehra y ateh ai;

MATTHAI 26:64

Isu my ly ni teng y, “Nang ly thui khyp bo. Na i py kang thui pi, nangchi ly vai mo mang y Khumi i Chapo ly atiti py sa thai nai keung i lamtang mang y ateh nai, kani mang i khupanym tleaung y jeu nai niu u ai,” napi.

MATTHAI 28:18

Hunaibaly Isu ly nichi teng y chei i, nichi hawi arum iy, “Kani y hawi khaileaung y py aly peang naira bawibawi ly kai teng y ang pei nai bo.

MATTHAI 8:20

Naibaly Isu ly ni teng y, “Khivachi ly kho awm, salo mang i tavochi py tabu awm, na i py Khumi i Chapo ly awm ai nai meingtym ha py by y,” napi.

MARKA 13:26

Huna nai khala y ly Khumi i Chapo ly atiti sa thai naira ka-teng ny y nai hawi, nang parai naira hawi khupanym theung y jeu nai niu u ai.

LUKA 21:27

Huna nai khala y ly Khumi i Chapo ly atiti sa thai naira hawi, khri pa-rei nang parai naira hawi khupanym theung y jeu nai niu u ai.

LUKA 21:36

“Hunaibaly huni atiti tym ai nai bawibawi ly nangchi lawi ai ataing ai nai hawi, Khumi i Chapo i mo y angdo ai ataing ai nai py, mana khala y py chiu sa nai tarawi y ajeng u paryp,” napi.

LUKA 24:27

Naibaly Mosi hawi amochi i tajiu nai bawibawi amteaung iy, Tameuh i cha-iu bawibawi y amymy isatang tajiu nai ngierei ly nini ai thui pi pachai bo.

JOHAN 12:34

Naibaly khumi mipuichi ly ni teng y, “Krista ly deungtasa khairei awm jo ai, nanai Reita theung i nai kaichi thai bo; Khumi i Chapo ai dang ai nai tla, nanai ly ati mana nai sai mo? Hini Khumi i Chapo ly ami mo?” nanai pathang.

JOHAN 3:13

Kani pri i dengdairei satla kathiu nai keung ny y baly ami py kani pri y lyn vai y; huni ly Khumi i Chapo ne:mymy ly kani pri y awm nai he.

JOHAN 5:27

naibaly ni my ly Khumi i Chapo ne nai deaungkho y mymy teng y tara chih ai nai au bo.

AMTAW 7:56

naibaly “Khen cham, kai ly kani am-eaung nai niu i, Tameuh i lamtang mang y Khumi i Chapo angdo nai py kaniu,” napi.

I THESALONIKA 4:17

huni bo y ly achi vai heng naichi ly Areng ai lamchung ai nai kani laileaung y mymychi hawi vanrei khupanym theung y achi ai ang la kalau ai; hunaibaly achi ly Areng teng y deungtasarei awm jojo ai.

I TIMOTHEI 6:16

mymy leaungrei dei thai y nai sai awm khyh, ni ly kangvang chei kasa pajau ai nai vuilam ny y naira y ly awm nai, mymy ai ly ami py niu vai y, niu py niu pajau y; mymy teng y tahm pasang naira hawi, deungtasarei aly peang naira py awm sy. Amen.

HEBRAI 2:14

Hunaibaly mymy ly dei naira i saho y dei naira ai aly peang nai keung (huni ly Diabola ne), tama hai thai ai nai hawi, dei naira ai jei nai deaungkho y heng nai sala y miseaung y awm nai bawibawichi ai ly lawi hai thai ai nai,

HEBRAI 9:24

Krista ly kiu y sa nai Meingtym Kachai, meitang atawm hai naira y kun y leang; na i py vai ly Tameuh i mo y achi i jeng y angdo ai nai kani mang kypkyp y kun lawh veng;

AMTENG HAI NAI 1:13

Naibaly amhi iy muku maisi khai naira saryhrei kaniu; naibaly maisi khai naira theung y ly ami mo khumi i chapo kamta, kheu y tym pa-rei kanih akhiu nai, tangtaang y muku khobai y akawm nai ai kaniu.

AMTENG HAI NAI 1:18

“Jei moh; kai ly kangman keh nai hawi kangkhym keh nai hawi, heng nai keung py ne; kai ly dei i, na i py khen cham, deungtasarei i vui y kai ly heng teang nai ne, deira hawi tavaukho i sawchi py kai teng y awm.

AMTENG HAI NAI 1:7

Khen u cham, mymy ly khupanym theung y ang jeu ai bo; naibaly mei bawibawi hawi, ni ai thun naichi py mymy ai niu ai; naibaly khaileaung pri cheng cheaungkhangchi ly mymy deaungkho y vo hang u ai. Ne sy. Amen.

AMTENG HAI NAI 14:14

Naibaly kai ly khen i, khen cham, khupanym kangleung kaniu: naibaly huni khupanym tleaung y ly khumi i chapo ka-tawm, areng muku lukhym amym nai, mymy i kiu y cheaungchen kachiu syn naimy ateh nai kaniu.