DANIELA 7:10 - Khumi Common Language Bible

¹⁰ Huni areng atehra mang dengdairei, tavo leaung nai kamta kangvang sangso theu. Huni meingtym y ly mymy i kalop sa nai khumi sang neangneangchi awm. Mymy i mo y angdo naimy kalop sa nai py, meaung neangneangchi awm nai ne. Tara chih nai neng amteaung ai bo i, cha-iuchi kadai u bo.

DANIELA 7:10 Iomraidhean Croise

1 ARENG KEH 22:19

Mikha my Ahab teng y thui pi bi nai ly “Vai ly Areng i leu pei nai tangai ba! Areng ly kani pri mang y awm nai mymy i atehra tleaung y ateh nai ai py, mymy i sahawi y kani pri amtaw thau naichi angdo nai ai py kaniu bo.

2 NENG SATANG 18:18

Mikaia my Ahab teng thui pi bi nai ly “Areng my thui nai leu vai, tangai ba! Areng ly kani pri bailang salo y ateh nai ai py, mymy sahawi y kani pri amtaw thauchi angdo u nai ai py, kaniu bo.

JOBA 25:3

Mymy i miseaung kani pri amtaw thau naichi ai, ami kati pajau ai mo? Tameuh i kangvang tym y nai meingtym, napi nai ly ma y awm mo?

SAM 103:21

Mymy i ngai nai kamta sa pi nai miseaung, kani pri amtaw thau bawibawichi awi, Areng ai palo u!

SAM 18:8

Mymy i notareang theung i dengdairei maikhyhchi py, labeaung mang dengdairei kang hai thai nai mai kadeu hawi mai-aichi py theu nai ne.

SAM 50:3

Achi i Tameuh ly ang jeu bo; na i py tyn kryh y naimy ang jeu nai ny y. Mymy i mo y ly mai kadeu kangveaung tawn kalawn naimy, mymy i sahawi y ali kamchai aho nai ne.

SAM 68:17

Areng ly atho awm parai nai tavai ka-ri sang neangneangchi hawi, Sinai mawi i nai chai parai nai meingtymra y ang jeu bo.

ISAIA 30:27

Areng i sa thai naira hawi nang parai naira ai kamlo mang my niu pajau nai ne. Mai kangvang hawi maikhyhchi ly mymy i kado theu nai sai patei pi bo. Mymy leu pei nai khala y labeaung mang theu nai leuchi ly mai kamta kang hai bo.

ISAIA 30:33

Jangni khala y my Asuria samrang ai mai hawi patawi ai nai, patawira yhm sa yb nai ne. Huni patawira yhm ly tamdo thiu iy kau bo. Huni meingtym y thengheaung pui ka-sang harei py awm. Areng ly labeaung mang dengdairei mai kangveaung patheu iy, huni thengheaung ai mai amtawi i, kang hai ai.

DANIELA 12:1

Ateaung kanem amthyp nai kani pri amtaw thau naimy, “Huni neng khala y tahm asang parai nai kani pri amtaw thau nai Mikhaela ly amteng ai. Ni ly nang i chengchi ai kry nai keung ne. Naibaly khumi neangneangchi awm angchei khala i dengdairei, mana khala py avum vai y nai ngari kamtang avum nai neng tym ai. Huni neng tym nai khala y Tameuh i cha-iu theung y amyn abawi yb nai khumi, nang i cheng bawibawichi ly law tleaung naira nga u ai.

DANIELA 7:22

Naibaly deungtasarei heng nai keung ly tym i, tahm asang parai nai Tameuh i khumi kachaichi molam y, tara chih pi nai ne. Tameuh i khumichi ly samrang i sa thai naira nga ai nai neng tym bo.

DANIELA 7:26

Naibaly kani pri mang i tara chih nai keung ly tara chih ai nai ateh iy ni i sa thai naira la pi veng ai i, ni ai tamyh vui ai.

ZEKHARIAH 14:5

Nangchi ly mawi aseih thla nai nyhrei, leaunghawi lam mang preang iy tleaung u ai; Juda samrang Uzia deung y kaleih theu nai thym khala, nangchi i amsi pajochi preang u pawn nai kamta, nangchi py preang u teang ai. Kai i Areng Tameuh ly mymy hawi vanrei, kani pri amtaw thauchi ai hawi iy ang jeu ai.

MATTHAI 25:31

“Na i py Khumi i Chapo ly kani pri i amtaw thau nai bawibawichi hawi, mymy i nang parai naira amthyp naimy ang jeu nai neng khala y ly, mymy i nang parai nai atehra y ateh ai;

Leu Thui Nai 33:2

Areng ly Sinai mawi salo mang dengdairei ang jeu; mymy ly kanito kamta Edom pri salo y amteng iy, Paran mawi salo mang dengdairei mymy i khumichi teng y kangvang ko bo. Mymy i lamtang mang y mai kangveaung hawi sang neangneang chang y nai kani pri amtaw thau naichi abang u bo.

HEBRAI 1:14

Nichi bawibawi ai ly kalop sa ai nai phailo, paheng naira amtym ai nai keungchi ai sabawm ai nai pato nai ny y nai sai a?

HEBRAI 12:22

Na i py nangchi ly Zion mawi teng y hawi, Tameuuh kangheng i avang kani mang i Jerusalem teng y hawi, tep rep ma pany y nai kani pri i amtaw thau nai kamkawmchi teng y hawi,

JUDA 1:14

Naibaly Adam i dengdairei kangthau saryhrei nai Enoka ly hunichi teng y py leu thui yb i, “Khen cham, khumi bawibawichi ai tara chih ai nai hawi,

AMTENG HAI NAI 11:18

Naibaly chengchi ly kado theu u i, nang i kado theu nai ly tym teang; naibaly kadeichi ai tara chih ai nai hawi, nang i miseaung amochi teng y hawi, khumi kachaichi teng y hawi, nang i amyn tahm khai nai khumi katheang kalenchi teng y py mychi i kawn nai vang pei ai nai hawi, khaileaung pri ai taphra nai keungchi ai taphra ali teang ai nai neng ly ang tym bo,” nanai Tameuh ai chiu bo.

AMTENG HAI NAI 5:11

Naibaly kai ly khen i, areng atehra hawi heng nai amjy palyhreichi hawi, miteaung kehchi ai taki teungtareung nai kani pri i amtaw thau nai neangneangchi i raawi kathai: nichi i nawi nai sai ly meaungkateaung neang neangchi, sang neangneangchi ne.