DANIELA 6:7 - Khumi Common Language Bible

⁷ Samrang nang my leu pei nai harei thai hai ly huni leu pei nai ai khumichi my tangai iy sa khyp ai nai, lu sa nai kamkawmchi, bangtang kalenchi, pa-nyh bangtang kalenchi hawi tau pei nai miteaung kehchi napi nai, hini pri y lu sa nai keung kaichi bawibawi leu adyh nai ne. Kani phairei sala y ami py, samrang nang ai ny y baly takhra khumi teng py, tameuh teng py, chiu sa lawh baly, huni khumi ai khrangsi paeung nai angawm theung y aphi ai, nanai leu pei ba.

DANIELA 6:7 Iomraidhean Croise

SAM 10:9

Nichi ly amso mawi kei ai nai mawi angawmra y o nai khrangsi kamta abyh reng. Nichi ly khumi kamawnchi ai o iy mychi i deaung hawi patiu nai ryh jo bo.

SAM 2:2

Huni khumichi i samrangchi ly tiu u bo. Hunichi i samrangchi ly Areng hawi mymy i khai takhra nai samrang ai tiu ai nai kangviu y arum u nai ne.

SAM 59:3

Kai ai huni khumichi my tiu ai nai ajeng u nai ly khen cham ba! pahyp y naimy ana nai khumichi ly kai ai ang tiu ai nai akachu u bo. Aw Areng, huni khumichi ly kai ai tiu ai nai meingtym la u kaliki nai ly

SAM 59:5

Aw ati cheaungkhang sa thai nai Areng Tameuh, ang thau iy kai ai sabawm ai nai jeu kyh ba; Israela chengchi i Tameuh, nangmy kypkyp khen kyh ba! Angthau iy tameuh pany y nai khumichi ai kamngo pajeng kyh ba; hawi y iy ka-ym by y nai khumichi ai pahen moh ba.

SAM 62:4

Nangchi ly ni ai tahm asang naira i nai paka vui ai naini dawn tau u; nangchi ly katapawp leu katheu ai nai ngai u. Ni ai labeaung mang amtheaungra pei iy, paleung theung y ly pasawi u bo.

SAM 83:5

Nichi ly paleung adyh naimy arum u iy, nang ai tiu u ai nai amsawi amnai asa u bo.

SAM 94:20

Nang ly teng y nai kalop ai kateng palawn reng nai, un cha nai tara chih keungchi hawi ly ati sai py amtawn abi y leang.

DANIELA 2:4

Huni khumichi my Arami leuhawi pathang nai ly “Samrang nang ly heng sau sy! Nang i amang thui pi cham; kaichi my thui pachai pi ai,” napi u.

DANIELA 3:11

Huni myn pui ai lu meung y nai khumi ngierei ai ly mai pui kangveaung theung y aphi vui ai, nanai nang my leu pei yb nai awm bo.

DANIELA 3:2

Samrang ly samrang i cho chanauchi, bangtang kalenchi, pa-nyh i bangtang kalenchi, peang nai keung kalenchi, tangka kry keungchi, tara chih nai keungchi, risa luchi napi nai miteaung keh bawibawichi ai, jeu achu ai nai leu pei bo. Nichi ly samrang Nebukhadnezar i sa nai muku myn pui khai takhra nai pawira y tym u achu nai ne.

DANIELA 3:27

Samrang i cho chanauchi, bangtang kalenchi, pa-nyh bangtang kalenchi hawi samrang ai tau pei nai miteaung keh bawibawichi ly mai my kang y nai khumi leaung thomreichi ai khen u kaleuteu bo. Nichi i sam amairei py kang y, baichu ateaungchi py kang y, nichi tlang i nai maikhyh mui py ngo y.

DANIELA 3:6

Ami py ne sy, lu meung iy chiu y nai khumi ai ly mai pui kangveaung theung y vaimy aphi ai,” nanai tao pajeng parai naimy aeu nai ne.

DANIELA 6:16

Hunaibaly samrang i leu pei nai kamta, Daniela ai khrangsi paeung nai angawm y aphi u bo. Samrang my Daniela teng y, “Nang i ka-ym awm naimy chiu nai Tameuh ly nang ai atleu pi na sy,” napi.

DANIELA 6:22

Khrangsichi ly kai ai kei y ai nai Tameuh ly mymy i kani pri amtaw thau nai ai pato iy, khrangsichi i labeaung tamym pi vui bo. Hina nai kamta ang sa pi nai ly kai ly kamngo by y, nanai hawi kai ly samrang nang i tlang tleaung y tamang vai y, nanai py, pany nai deaungkho y ne,” napi.

MIKHA 6:5

Kai i khumichi awi, Moba samrang Balak my, nangchi phra tleaung phra ra ai nai mana dawn mo, nanai py, Bera i chapo Balam my samrang teng y ati mana thui pi mo, nanai py, pany u jo. Akasia taira i dengdairei, Kilakala mary mang chei nai lam y avum nai leaungsaichi pany u jo baly, Areng ly nangchi ai ati mana atleu pi mo, nanai nangchi pany u ai,” napi.

NAHUM 2:12

Khrangsi ly mawi kei chum baly khrangsinu hawi chochi i vui, keibaw keibaw iy, huni mawi akawichi hawi, mawi tapiu y kawi mang hai reng nai ne.

MATTHAI 12:14

Hunaibaly Pharisaichi ly theu iy mymy ai padei thai ai nai sai arum u bo.

MATTHAI 26:4

nichi ly Isu ai tapawp paryp nai patiu iy padei u thai ai nai arum ryry.

MARKA 15:1

Naibaly khawn mang y ly pathyp pi nai keung kalenchi hawi, miteaung kehchi hawi, Reita patiu nai keungchi hawi, tara chih nai keungchi bawibawi py arum u i, Isu ai kawm iy pahawi i Pilata teng y au praw ryp.

JOHAN 12:10

Na i py pathyp pi nai keung kalenchi ly Lazara ai py padei ai nai arum u;