DANIELA 6:4 - Khumi Common Language Bible

⁴ Naibaly takhra lu sa nai kamkawmchi hawi bangtang kalenchi ly Daniela i kalop sa naira y, tamang naira hau u. Na i py tamang nai ati sai py avum y. Ati mana nai mo na baly Daniela ly ka-ym awm nai khumi ne i, tamang naira, teng y naira so y nai deaungkho y ne.

DANIELA 6:4 Iomraidhean Croise

ATITI AWM ANGCHEI NAI 41:38

Naibaly samrang ly nichi teng y, “Josepha ly Tameuh teng i cheng naira nga nai khumi ne; ni tleaung y hawi keh nai khumi hau i py achi niu pajau y leang,” napi.

ATITI AWM ANGCHEI NAI 43:18

Amjochi ly Josepha i yhm mang y abang u nai thym khala, “Hi y achi tym angchei nai khala achi i paiso pui theung y tangka ang khai pi teang nai molam y, achi ai ang palau nai ngaw khyh, nichi ly achi keaungngo kano kasauchi la u pawn iy achi ai py miseaung y ang khai ai ngaw khyh,” nanai dawn u i, jei pahui bo.

LEU KACHENG 29:27

Khumi kahawi ly khumi hawi y nai ai niu ngai y. Naibaly khumi hawi y naimy py, khumi kahawi ai niu ngai y teang nai ne.

Parip nai leu 4:4

Khumichi ly eaung naira nga ai nai khri pa-rei atho sa u; ati mana nai mo nabaly nichi ly saleaung deaungpachi i, atiti nga nai molam y paleung ano nai deaungkho y ne, nanai kapany. Na i py hini atitichi ly atyhtyh teu; ali ai patiu nai kamta ne.

JEREMIA 18:18

Huna nai khala khumichi my, “Jeremia ai paleang veng sina! Achi ai parip nai pathyp pi nai keungchi, tau pei nai khumi kachengchi hawi, Tameuh i leu thui pi nai amochi ang khai pi jojo nai ne. Jeremia ai achi my seu u sina. Ni i thui nai leu py tangai u moh sina,” nanai thui u bo.

JEREMIA 18:23

Na i py aw Areng, kai ai padei ai nai dawn paviu nai khumichi ai, nang ly pany nai ne. Nichi i hawi y nai sai pahen pi moh ba. Nichi ai mychi i kamngochira i nai lawi tleaung hai moh kyh ba. Nichi ai sum hai iy kado theu nai thym khala, nichi ai pasum takengkei kyh ba,” nanai takeng bo.

JEREMIA 20:10

Kai ly khumichi i leu kamsyh y thui nai raawi thai nai ne. Nichi ly kai ai, “Meingtym tleirei y jei hyn ai hawi nai khumi!” nanai amyn pei iy, “Ni i satang ai peang nai keungchi teng y thai hai u sina!” napi u. Kai hawi amrawi keh nai ahawi ka-dawichi malawn py, kai atlym nai ajeng u bo. Nichi my, “Ni ai achi my li-tapawp pajau lym ai; li hyp naimy patiu iy vawitheung tha pajau ai,” nanai thui u nai ne.

JEREMIA 29:7

Nangchi ai langheng y kang hawi nai marychi ai hawi naira so u. Huni marychi nang chawn baly nangmychi py nang chawn teang ai nai deaungkho y, huni marychi i vui kai teng y chiu so pi u.

DANIELA 3:8

Naibaly Babulon pri i khumi phyreichi ly Juda chengchi ai, thui tamawn ai nai neng ka-vo nga u bo.

DANIELA 5:12

Ni ly amangchi i awm nai sai thui pachai nai, thiu parai nai leu ka-nengchi py thui pachai thai nai, rai parai nai leuchi pany nai, hunichira y khri pa-rei cheng nai ne. Hunai deaungkho y ngampo my Beltesazar, nanai amyn pei nai Daniela ai palau u. Ni ly huni cha i awm nai sai ang thui pi ai,” napi.

DANIELA 6:22

Khrangsichi ly kai ai kei y ai nai Tameuh ly mymy i kani pri amtaw thau nai ai pato iy, khrangsichi i labeaung tamym pi vui bo. Hina nai kamta ang sa pi nai ly kai ly kamngo by y, nanai hawi kai ly samrang nang i tlang tleaung y tamang vai y, nanai py, pany nai deaungkho y ne,” napi.

MATTHAI 26:4

nichi ly Isu ai tapawp paryp nai patiu iy padei u thai ai nai arum ryry.

MATTHAI 27:18

Barabba ai a? Isu, Krista napi nai ai a?” napi. (Nichi ly paleung ano nai deaungkho y mymy ai patiu hai nai ne, nanai pany bo.)

LUKA 20:20

Naibaly mymy ai ly aripeng i tara chih naira y hawi, aly peang naira y au thai ai nai, mymy i leu thui tamang naira amo jo ai nai, khen paryp nai khumi, khumi kahawi kamta awm hyp veng naichi ai py pato.

LUKA 20:26

Hunaibaly nichi ly khumi mipuichi i mo y ni i leu thui tamang naira y patiu ai nai ngo y iy, ni i pathang nai ly lyh parai i sai py katheu y.

LUKA 22:2

Naibaly pathyp pi nai keung kalenchi hawi, Reita patiu nai keungchi my ly khumi mipuichi ai jei nai deaungkho y mymy ai padei ai nai sai hau ryry.

JOHAN 19:4

Naibaly Pilata ly theu bi i nichi teng y, “Khen cham, ati sai py kamngo kaniu y leang, nanai nangchi pany ai nai kang pahawi bi bo he,” napi.

II KORINTH 11:12

Hunaibaly nichi i amlyh naira y ly nichi ly kaimychi i awm nai kamta awm u thai ai nai, avo naira nga ai ngai naichi teng i dengdairei avo naira ka-teng baw ai nai, kai i sa reng nai ly kasa veangveang ai.

PHILIPI 2:15

jo sei naira hawi aei naira by y naimy ati cheaungkhang so u; hunichi theung y ly heng nai leu amteng hai nai, khaileaung pri y angvang hai nai keungchi kamta amteng u reng;

I TIMOTHEI 5:14

Hunaibaly lumai anglo kyh rai naichi ly juvo nang iy chanau sa ai nai hawi, yhm angtheung y kry iy paleung ka-e ai cheh ai naira ngo hai y ai nai py kangai;

TITA 2:8

nang ly ati cheaungkhangra y kahawi sa nai lam y khen pata naira kahawi ne, nanai amteng hai ba; nang i patiu naira y ly nang i leu meitang patiu nai sai hawi, nang i tahm awm nai sai hawi, nang i chih pajau y nai leu thui nai sai kateng py amteng hai ba.

I PETERA 2:12

Cheng Takhrachi theung y nangchi i amhi amtlau nai sai ly apu parai nai ne sy, hunaibaly nangchi ai kamngo sa nai keungchi kamta ang thui tamawn naira y ly nangchi i atiti kahawi sa naichi niu nai deaungkho y, de nai kani y ly Tameuh ai ang palo thai ai.

I PETERA 3:16

hawi nai hawi y nai pany naira chai parai nai awm u ly, hunaibaly nichi i ang thui tamawn naira y ly nangchi i Krista y amhi amtlau nai sai kahawi ai thui tamawn nai keungchi ai ly amthang hai leaung ai.

TARA CHIH NAI KEUNGCHI 14:4

Na i py Areng ly Philistia chengchi ai tiu ai nai neng kahawi hau nai deaungkho y, Samson ai hina nai sa hai nai ne, nanai ly ni i amhm ampo ly pany y. Huni neng ly Israela chengchi tlang tleaung y, Philistia chengchi my pajau nai neng ne.

1 SAMUELA 12:4

Khumi mipuichi my, “Ny y leang, nang ly kaichi ai tapawp nai py, kaichi ai ana nai py awm vai y leang; ami i vawnsai py la pi vui nai by y leang,” napi.

1 SAMUELA 18:14

Areng ly ni hawi vanrei awm nai deaungkho y, ni i sa nai ngierei ly eaung nai ne.

1 SAMUELA 22:14

Ahimelek my, “Davida ly nang i tlang tleaung y ka-ym awm keh nai bangtang leaungrei ne! Ni ly nang i meaungcha khyh chang y i, nangmy ai typ nai tavailu py ne. Samrang yhm theung i khumi bawibawichi my, tahm khai keh nai keung py ne.