DANIELA 6:27 - Khumi Common Language Bible

²⁷ Mymy ly sabawm nai hawi atleu naimy, kani mang y py, khaileaung pri y py, lyh ai nairachi hawi rengrang ka-ma-rachi patei pi bo. Mymy ly Daniela ai khrangsichi teng i nai atleu bo,” nanai ne.

DANIELA 6:27 Iomraidhean Croise

JOBA 36:15

Na i py Tameuh ly khumichi ai no patang nai hawi parip iy, ngari kamtang hawi nichi i mei angvang hai bo.

SAM 145:13

Nang i pri ly deungtasarei ne; nang py deungtasarei samrang ne. Areng ly mymy i adeu naichi khaw hai iy, sa nai ngiereichira y tamen naira amteng nai ne.

SAM 18:48

paleung ka-echi kiu i nai kai ai atleu bo. Aw Areng, nang ly kai ai paleung ka-echi ai eaung ai nai pei bo. Khrukhra hai nai khumichi i patang hai naira i nai, kai ai ama hai bo.

SAM 18:50

Tameuh ly mymy i khai pi nai samrang ai eaung hai; mymy i khai takhra pi nai Davida i dengdairei, ni i kangpreangchi teng y khaw parai nai tamen naira deungtasarei patei pi bo.

SAM 32:7

Nang ly kai i abyh naira ne. Kai ai patangra i nai atleu kyh ba. Nang ly kai ai ama hai nai deaungkho y, kai ly nang i atleu pi nai satang tao pajeng parai naimy khulym kathui ai.

SAM 35:17

Aw Areng, nang ly mana tanrei khen veangveang ai mo? Nichi my tiu naira i nai, kai ai atleu kyh ba. Hini khrangsichi teng i nai, kai i tlang ai atleu kyh ba.

SAM 97:10

Areng ly hawi y naira ai niu ngai y nai khumichi ai tamen; mymy i khumichi nang chawn nai ai ama hai; mymy ly nichi ai khumi hawi y naichi kiu i nai atleu bo.

JEREMIA 10:10

Na i py aw Areng, nang ly Tameuh tatang ne. Nang ly heng nai Tameuh, deungtasarei samrang ne. Nang i kado theu nai khala, khaileaung pri ly kaso theu bo. Khumi cheng cheaungkhangchi ly nang i kado theu nai haiho kham pajau y.

DANIELA 2:44

Salo mang i samrangchi peang nai thym khala y my, Kani pri mang y awm nai Tameuh ly mana khala py phra pajau y nai pri harei palum ai. Huni pri ai mana khala py taphra pajau y ai. Huni pri ly takhra prichi ai taphra chum baly, khaw jojo ai.

DANIELA 4:31

Huna nai thui nai leu tem y rai khala y my, kani mang i raawi ly “Aw samrang Nebukhadnezar awi, kai i thui nai leu tangai ba. Nang i pri ai nang teng i nai, kaimy la vui bo.

DANIELA 4:34

Samrang my, “Kai ly saneng saryhrei neng khei nai khala y, kani mang y khen kalau i, khumi paleung nga ali teang nai deaungkho y, nang parai nai Tameuh ai palo bo. Deungtasarei heng nai Tameuh i nang parai nai hawi, sa thai naira ai palo bo. “Mymy ly khaileaung pri y deungtasarei peang ai. Mymy i pri ly deungtasa khrairei awm jo ai.

DANIELA 4:35

Mymy ly khaileaung pri i khumichi ai, ati sai py ny y nai niu; mymy ly kani pri amtaw thauchi ai py, khaileaung pri i khumichi ai py, peang nai ne. Ami py mymy i kangai ei vui pajau y, mymy ati mana sa mo nanai py, deng vam y nai ne.

DANIELA 6:20

Khrangsi angawm y tym nai khala, paleung mawn nai raawi hawimy, “Tameuh kangheng i miseaung Daniela awi! Nang i ka-ym awm naimy chiu nai Tameuh ly nang ai khrangsichi teng i nai atleu pi pajau a?” nanai deng.

JOHAN 4:48

Isu ly ni teng y, “Nangchi ly ka-ma-rachi hawi lyh ai awm naichi py niu y baly pipi ym ai ny y leang,” napi.

AMTAW 4:30

naibaly nang i miseaung kachai Isu i amyn deaungkho y ka-ma-rachi hawi, atiti lyh ai awm parai nai so hai kyh ba,” napi.

HEBRAI 2:4

Tameuh my py ka-ma-rachi hawi, atiti rengrangchi hawi, atiti sa thai naira cheaungkhang hawi, mymy i ngai nai kamta Phailo Kachai i atiti paji naichi deaungkho y nichi hawi pany hai bo.

1 SAMUELA 17:26

Davida ly sahawi i khumichi teng y, “Hini Philistin khumi ai padei nai keung hawi, Israela chengchi kangji nga ai naira i, atleu pi nai khumi ly ati nga ai mo? Hini Tameuh by y nai Philistin chengchi ly ati mana naichi ne iy, Tameuh kangheng i tavaimichi ai ka-jo hau lawh mo?,” nanai thui.