DANIELA 6:24 - Khumi Common Language Bible

²⁴ Naibaly samrang ly Daniela ai thui tamawn nai khumi bawibawichi ai patiu hai iy, nichi i aju chanauchi hawi vanrei, khrangsi angawm theung y aphi ai nai leu pei bo. Nichi ly khaileaung y tym y rai khala y my, khrangsichi ly achaw iy hiuchi py, taai piupa pawn nai ne.

DANIELA 6:24 Iomraidhean Croise

2 ARENG KEH 14:6

Na i py hi ly huni khumichi i cho chanauchi ai ly padei y i, “Amhm ampochi ai cho chanauchi i kamngo nai molam y padei moh; cho chanauchi ai py amhm ampochi i kamngo nai molam y padei moh. Khumi ly mymy i sa nai kamngo molam y naini padei ai nai tla,” nanai Mosi i reita cha-iu theung y awm nai Areng i Reita leu pei nai ai teaung patawm nai ne.

ESTHER 7:10

Huna nai y Haman ly Modekai i vui leng pi nai akaeura yhmmawmra y my akaeu iy dei nai ne. Huni bo y amran ly kado theu nai rym bo.

ESTHER 9:25

Na i py Esther ly samrang teng y kun iy hnei takeng nai khala, samrang my leu pei nai cha patheu pi nai deaungkho y, Haman ly Juda chengchi i vui dawn yb nai deira y, mymy naimy avum nai ne. Mymy hawi mymy i chapo leaung horeichi ly akaeu nai yhmmawmra y dei naira avum u.

SAM 54:5

Kai i paleung ka-echi i hawi y nai sai ly nichi ai pajeng ali teang ai nai Tameuh my so pi sy. Mymy ly ka-ym awm nai deaungkho y, nichi ai tamyh pawn ai.

LEU KACHENG 11:8

Khumi meitangchi ly patang naira avum y ai; khumi hawi y naichi ly patang naira avum u nai ne.

LEU KACHENG 19:9

Teng y nai pany hai nai ly pajeng naira avum ai, ni ly sum naira py avum ai.

ISAIA 38:13

Kai i hiuchi ai khrangsi my taai nai kamta, kai ly no patang nai vumtorei kavo bo. Tameuh ly kai i heng nai deung dawi hai bo, nanai athang khai.

JEREMIA 34:17

Hunai deaungkho y nangchi ly kai i leu tangai y, nangmychi Hebrai cheng tengtawi ai py tlamsa naira pei u y, nanai my thui nai ne. Naibaly nangchi ai tavai takai, no kanghawi, tahum takangra y ngaingai dei ai nai kang pei ai. Kai ly nangchi i tlang tleaung y sa nai sai molam y, khaileaung pri i khumi cheng cheaungkhangchi ly kaso tahyn theu u ai.

DANIELA 3:22

Samrang my leu pei kheng nai kamta, mai pui ly khri pa-rei bi ai nai pareaung nai deaungkho y, Sadraka, Meshaka hawi Abedanekochi ai, mai pui kangveaung theung y aphi nai khumichi ly mai kabi my ang nai deaungkho y dei u bo.

Leu Thui Nai 24:16

“Cho chanauchi i kamngo nai molam y, amhm ampochi ai padei moh. Hunai kamta amhm ampochi i kamngo nai molam y, cho chanauchi ai padei moh. Khumi luteng ly amy i kamngo molam y naini padei ai nai tla.