DANIELA 6:22 - Khumi Common Language Bible

²² Khrangsichi ly kai ai kei y ai nai Tameuh ly mymy i kani pri amtaw thau nai ai pato iy, khrangsichi i labeaung tamym pi vui bo. Hina nai kamta ang sa pi nai ly kai ly kamngo by y, nanai hawi kai ly samrang nang i tlang tleaung y tamang vai y, nanai py, pany nai deaungkho y ne,” napi.

DANIELA 6:22 Iomraidhean Croise

ATITI AWM ANGCHEI NAI 40:15

Kai ai Hebrai chengchi i pri i nai atho y my ang pahawi vui iy, hini Aikupta pri y kai ly theaung tla ai nai pa-rei tamang naira so y pui naimy theaung tla lawh nai ne,” napi.

2 SAMUELA 22:7

Kai ly patang naira theung i nai Areng ai kapalau bo; kasabawmra nga ai nai kaimy i Tameuh teng y aeu nai ne. Mymy ly Achura yhm theung i dengdairei, kai i raawi thai; kasabawmra nga ai nai kai i aeu nai raawi thai bo.

1 ARENG KEH 13:28

Naibaly amo miteaung pui ly keaungngo kano kasau atang iy theu i, lam y dei nai amo hawi, sahawi y angdo naimy awm rai nai keaungngo kano kasau hawi khrangsi ai py niu bo. Khrangsi ly khumi veu ai py cho y, keaungngo kano kasau ai py kei y.

2 NENG SATANG 32:21

Areng ly kani pri amtaw thau ai pato iy, Asuria tavaimi risachi hawi tavai luchi ai padei hai nai ne. Naibaly empara samrang ly kangji nga naimy Asuria pri mang y vawi bo. Kanirei nai khala y ni ly my i tameuh achura yhm y awm nai thym khala, chapo phyreichi my ni ai haisau hawi tleh u bo.

SAM 118:28

Nang ly kaichi i Tameuh ne i, kaichi ly nang ai kawn naimy palo ai; kaichi ly nang i nang parai nai saichi amthang hai ai.

SAM 26:6

Aw Areng, kai teng y kamngo by y nai sai patei ai nai kai ly kaimy i kiu asipan chum baly, nang i maicham taki iy chiu ai.

SAM 31:14

Na i py aw Areng, kai ly nang ai kang ym; Nang ly kai i Tameuh ne.

SAM 34:7

Areng ai jei kaji nai khumichi ai, mymy i kani pri amtaw thau my kry iy, ka-jeira i nai atleu bo.

SAM 38:21

Aw Areng, kai ai khai su moh ba; kai i Tameuh, kai hawi kamlo y awm vui moh ba!

SAM 84:11

Areng ly achi ai ama hai nai keung, phum-ang len nai samrang ne; mymy ly achi ai pahen iy tahm pasang bo. Mymy ly kateng sa nai khumichi ai hawi naira pei ai nai akhi y leang.

ISAIA 3:10

Khumi kahawichi ly taham hawi ai. Nichi i vui cheaungkhangra y amsym ai. Nichi ly mychi i dawn nai, tau nai, sa naichi molam y, hawi naira avum u ai.

ISAIA 63:9

Nichi ai atleu nai keung ly kani pri amtaw thau ny y. Na i py Areng mymy kypkyp ne. Mymy ly tamen naira hawi pahen naira awm nai deaungkho y, nichi ai atleu nai ne. Jangni y mymy ly nichi ai kry jojo teu i py,

JEREMIA 37:18

Huni bo y kaimy, “Kai ly nang hawi, nang i bangtangchi, ti y baly khumichi ai ati hawi y nai kasa iy nang ly kai ai theaung y paeung nai mo?

DANIELA 3:28

Samrang my, “Sadraka, Meshaka hawi Abedanekochi i chiu nai Tameuh ai palo u! Mymy ly kani pri amtaw thau ai pato iy, mymy ai ym u nai hini khumi leaung thomreichi ai atleu bo. Nichi ly mychi i Tameuh ai ny y baly, tameuh takhra teng y meung iy chiu ai nai tleaung y ly mychi i tlang dei vam nai, kai i leu tangai u y nai ne.

DANIELA 6:20

Khrangsi angawm y tym nai khala, paleung mawn nai raawi hawimy, “Tameuh kangheng i miseaung Daniela awi! Nang i ka-ym awm naimy chiu nai Tameuh ly nang ai khrangsichi teng i nai atleu pi pajau a?” nanai deng.

DANIELA 6:23

Samrang ly khrikhri pa-rei amo theu nai deaungkho y, Daniela ai khrangsi angawm i nai atheu kalau ai nai leu pei bo. Naibaly khumichi my atheu u i, Daniela ly Tameuh ai ym nai khumi ne nai deaungkho y, ati sai py phrumai by y nai niu u nai ne.

DANIELA 6:4

Naibaly takhra lu sa nai kamkawmchi hawi bangtang kalenchi ly Daniela i kalop sa naira y, tamang naira hau u. Na i py tamang nai ati sai py avum y. Ati mana nai mo na baly Daniela ly ka-ym awm nai khumi ne i, tamang naira, teng y naira so y nai deaungkho y ne.

DANIELA 6:7

Samrang nang my leu pei nai harei thai hai ly huni leu pei nai ai khumichi my tangai iy sa khyp ai nai, lu sa nai kamkawmchi, bangtang kalenchi, pa-nyh bangtang kalenchi hawi tau pei nai miteaung kehchi napi nai, hini pri y lu sa nai keung kaichi bawibawi leu adyh nai ne. Kani phairei sala y ami py, samrang nang ai ny y baly takhra khumi teng py, tameuh teng py, chiu sa lawh baly, huni khumi ai khrangsi paeung nai angawm theung y aphi ai, nanai leu pei ba.

MIKHA 7:7

Na i py kai ly Areng ai ajeng ai. Kai ai atleu ai nai Tameuh ai ym naimy ajeng ai. Kai i Tameuh ly kai i chiu sa nai tangai pi ai.

Kati Nai 20:16

kaichi ly Areng teng y kasabawmra hnei nai khala, mymy ly pathang pi i Angel ai pato pi iy, kaichi ai Aikupta pri i dengdairei pahawi nai ne. Vai kaichi ly nang i peang nai khujyh kadesa mary y tym u bo.

MATTHAI 27:46

Naibaly kani ka-reu thym khala y Isu ly tao pajeng parai pa-rei my, “Elawi, Elawi, lama sabakthani?” nanai aeu; (huni ly, “Kai i Tameuh, kai i Tameuh, ati mana nai kai ai khai su lawh?” nanai sai ne.)

AMTAW 12:11

Naibaly Petera amcheng bo nabaly., “Areng my mymy i kani pri i amtaw thau nai ai pato i, Heroda i kiu i nai hawi, Judachi i tau nai bawibawi ra i dengdairei ly kai ai palawi bo, nanai vai ly kai pany khyp bo,” napi.

AMTAW 24:16

hunai deaungkho y kai Tameuh teng y hawi, khumi teng y py kai i pany nai ngierei sa naira y paleung tamang y naimy atyp jojo ai nai katau.

AMTAW 27:23

Ati mana nai mo nabaly vaivum kai i ahawi y Tameuh i kani pri i amtaw thau nai angdo i (kai ly mymy i ne, mymy i kalop py kasa),

II KORINTH 1:12

Kaichi i amlyh naira ly hini ne he, naibaly kaichi i hawi nai hawi y nai pany naira ly pany hai bo; kaichi ly chai naira hawi Tameuh i meitang naira y (tlang i cheng naira y ny y naimy Tameuh i pahenra y), khaileaung pri y awm nai sai kahawi awm u bo, nangmychi i mo y py hawi tleaung hawi ra bo.

II TIMOTHEI 4:17

Na i py aeu nai leu ly kaimy deaungkho y thui pi angym thai ai nai hawi, Cheng Takhra bawibawichi ly thai ai nai py Areng ly kai ai ama hai i, ham hai:khrangsi takai i labeaung i nai py kai ai ang tleaung hai.

HEBRAI 1:14

Nichi bawibawi ai ly kalop sa ai nai phailo, paheng naira amtym ai nai keungchi ai sabawm ai nai pato nai ny y nai sai a?

HEBRAI 11:33

ym naira deaungkho y nichi ly peang naira takhra takhra ai py pajau iy nga u, atiti kahawi py sa, leu adeu nairachi py nga, khrangsi takai i labeaung py pakhym hai,

1 SAMUELA 17:37

Areng ly kai ai khrangsi hawi tavym teng i atleu nai ne. Mymy ly kai ai hini Philistia khumi kiu i nai atleu ai,” napi. Sawla my, “Hawi mang, chei ba; Areng ly nang hawi vanrei awm hai sy,” napi.

1 SAMUELA 26:18

Naibaly Davida my teang, “Samrang nang ly ati mana nai nangmy i miseaung kai ai patiu ai nai hau jojo lawh mo? Kai ly ati hawi y nai kasa lawh mo?