DANIELA 5:6 - Khumi Common Language Bible

⁶ meimai takhuisui vui nai ne. Ni ly khri pa-rei jei hyn na i, meimai kadau vui nai kheukhu ahyn thlyhthlyh na bo.

DANIELA 5:6 Iomraidhean Croise

SAM 22:14

Kai i atho ly khaileaung y beu nai tui kamta phuirawm veng bo. Kai i hiu bawibawichi ly athlengthlai pawn bo. Taku theung i paleung pakawi ly tlawn vui nai phajeaungdeng kamta lawm bo.

SAM 69:23

Nichi ly niu pajau y ai nai, mychi i mei paju hai ba! Nichi i akengchi py no hai jojo sy!

ISAIA 35:3

Atho bai nai kiuchi py, atho di ahyn nai kheukhuchi py, atho pei pi ai

ISAIA 5:27

Nichi theung y akawm nai khumi, avah nai khumi, nanai by y. I kamhm ngam nai khumi, i nai khumi py by y. Nichi i khobaichi asu y, phainai vuichi py leu y.

JEREMIA 50:43

Babulon samrang ly huni satang thai nai khala, mymy i kiubanchi py heang pajau y bo. Ni ly paleung bi naira tym i, deaungdi tapen nai neampachy kamta patang naira avum bo.

Ezekiela 21:7

Nang ly ati mana nai y tangam nai mo, nanai khumichi my angdeang nai khala, nang i thai nai satangchi molam y tangam nai ne, nanai thui pi. Huna naichi tym nai khala, khumichi ly paleung kaso theu iy mynkym u na ai. Nichi i kiuchi ly nemthlo iy kheukhuchi py ahyn thlyhthlyh ai. Huna naichi tym ai nai neng tym bo, vaimy tym ryp bo,” napi. Hini ly sa thai naira angym nai Areng i thui nai leu ne.

Ezekiela 7:17

Khumi bawibawichi i kiuchi ly atho di iy, nichi i kheukhuchi py ahyn thlyhthlyh ai.

DANIELA 2:1

Samrang Nebukhadnezar ly my i peang nai pa-nyh saneng y amang amang i, khri pa-rei paleung bi nai deaungkho y, i amhm y na.

DANIELA 3:19

Naibaly Nebukhadnezar ly my i paleung apatawn pajau y i, Sadraka, Meshaka hawi Abedanekochi i tlang tleaung y, kado theu nai meimai amangrang na bo. Hunaibaly samrang ly mai pui ai, angchei i tleaung y phy saryhrei bi pa-rei, mai kangveaung pareaung ai nai leu pei.

DANIELA 4:19

Naibaly Beltesazar napi nai Daniela ly khri pa-rei kaso theu nai deaungkho y, leu py katheu thai y na bo. Samrang my, “Nang Beltesazar awi, amang hawi amang i awm nai sai molam y kaso theu moh,” napi baly, Beltesazar my, “Samrang awi, huni amang hawi awm nai sai ly nang i vui ny y naimy, nang i paleung ka-echi i vui ne sy.

DANIELA 4:5

ka-jei awm nai amang amang iy kaso theu ai hawi naichi paleung mei y nui nai ne.

DANIELA 5:5

Huna nai khala y tlenrei khyhmy, kiu makengrei amteng i, mai kangvang angvang keh nai samrang i yhm dengpangra y, cha lam harei tajiu bo. Samrang ly huna nai tajiu nai niu baly,

DANIELA 7:28

Hini ly tym ai nai leaungsai i tem naira ne. Kai ly khri pa-rei kaso theu nai deaungkho y, meimai takhuisui vui bo. Hini leaungsai bawibawichi ai paleung theung y pateung me jo nai ne.

NAHUM 2:10

Ninevi mary ly phra veng bo; khumi angso by y, savai tlang na bo! Khumichi ly khri pa-rei jei nai deaungkho y, paleung pakawi angto y vi na, kheukhu anghyn naimy, atho bai u na. Nichi i meimaira py, thi by y na bo.

HEBRAI 12:12

Hunai deaungkho y kiu thlawithli thlawithlai nai pataw u, kheukhu thla thla thla na ahyn nai py amtaw u vui;