DANIELA 5:28 - Khumi Common Language Bible

²⁸ Phy paji, nanai leu i awm nai sai ly nang i pri ai ly Medi chengchi hawi Pasia chengchi teng y phy paji pi veng bo, nanai sai ne.

DANIELA 5:28 Iomraidhean Croise

2 NENG SATANG 36:23

“Hini ly Pasia empara samrang Kuru i leu pei nai ne. Kani pri mang y awm nai Areng Tameuh my, kai ai khaileaung pri verei peang hai iy, Juda pri Jerusalem mary y mymy i vui Achura yhm sa ai nai kalop kai teng y au bo. Tameuh i khumichi napi nai khumi bawibawichi ly Jerusalem mary y chei u. Tameuh ly nangchi hawi vanrei awm hai sy,” napi.

ISAIA 13:17

Areng my, “Kai ly Medi chengchiai, Babulon pri y tiu ai nai kachyh nai ne. Nichi ly tangka ai tahm khai u y. Muku ai py paleung no u y.

ISAIA 21:2

Ana piupa nairachi, vaineng takan nai hawi taphra nairachi ai paleung mei y kaniu bo. Aw Elam tavaimichi awi, tiu u! Aw Media tavaimichi awi, marychi ai katanmeuh u! Tameuh ly Babulon mary i khumichi my pei nai ngari kamtang anawn hai ai.

ISAIA 47:11

Taham kasi ly nang i tlang tleaung y tym ai. Hini ai nang i atam kakawp my paka pajau ai ny y. Nang ly mana khala py, amang mang y amang vai y nai phra naira avum ai!

JEREMIA 25:13

Kai ly hini khumi chengchi ai vaichi khala kapajei nai kamta, khumi cheng cheaungkhangchi ai Jeremia my thui pi nai pajeng nairachi hawi py, hini cha-iu theung y abawi nai pajeng nairachi hawi py, kaparip ai.

JEREMIA 51:28

Media samrangchi, lu sa naichi hawi miteaung kehchi ai py, nichi i anui y awm nai pri bawibawichi ai py, Babulon mary y tiu ai nai angveirym hai u.

DANIELA 2:32

Huni myn pui i lu ly muku tangcheng ne; tang taang hawi kiu makeng nyhrei ly tangka hawi sa nai ne i, kajeu hawi phaichi ly kheupaja hawi sa nai ne.

DANIELA 2:39

Nang by y nai bo y, nang i empara tanrei len y nai empara pri harei awm ai. Huni bo y kheupaja pri napi nai, pa-thom empara pri awm ai. Huni empara pri ly khaileaung pri verei y peang ai.

DANIELA 5:31

Saneng 62 rei awm nai Medi cheng samrang Dari ly huni pri ai peang vui nai bo.

DANIELA 6:28

Daniela ly samrang Dari peang nai neng hawi, Pasia cheng samrang Kuru peang nai neng khala y, hawi naira nga nai ne.

DANIELA 6:8

Huni leu pei nai ai samrang nangmy, pajawp typ nai ka-ma-ra nip typ iy, kiu myn tajiu baly, huni leu pei nai ly palai vui ai ngo pajau y nai Medi hawi Pasia chengchi i reita lawm ai,” napi u.

DANIELA 8:20

“Nang i niu nai taki nyhrei awm nai beram katai ly Medi hawi Pasia prichi ai thui nai ne.

DANIELA 9:1

Medi khumi Asuiru i chapo Dari ly Babulon pri y peang nai ne.

AMTAW 2:9

Parthai cheng hawi, Medai cheng hawi, Elamitai cheng hawi, Mesopotamia pri i hawi, Judai pri i hawi, Kapadokia pri i hawi,