DANIELA 5:23 - Khumi Common Language Bible

²³ Nang ly kani pri mang i Areng ai ka-awi sa iy, Achura yhm theung i muku khauchi la hai lawh bo. Nang hawi vanrei, nang i bangtangchi, samrangnuchi, samrangnu i aheaung apaichi ly huni muku khauchira y kreip hangchi tleng iy nei chum baly, mei niu y, kano thai y, ati sai py pany y nai muku, tangka, kheupaja, tamo, dengkeaung, lengseaungchi hawi sa nai tameuhchi ai palo u bo. Na i py nang ly nangmy i tlang ai py, nangmy i sa nai bawibawichi ai py, peang nai keung Tameuh ai ly palo y lawh.

DANIELA 5:23 Iomraidhean Croise

ATITI AWM ANGCHEI NAI 14:19

“Kani hawi khaileaung sa nai keung, salo keh i Tameuh my Abram ai amtheaung hai sy,” nanai thui i amtheaung hai bo.

ATITI AWM ANGCHEI NAI 2:7

Naibaly Areng Tameuh ly khaileaung salo i khaileaung phyrei la iy khumi myn sa; notareang mang hengra kangho hm pi i, khumi ly heng amteaung bo.

2 ARENG KEH 14:10

Amazia awi, vai nang ly Edom khumichi ai pajau nai deaungkho y, paleung len nai ne. Nangmy i amyn amthang nai hawimy paleung tuinem iy, nangmy i yhm y phai awmnem ba. Nang ly nangmy i khumichi tama hai ai nai patangra ly ati mana nai hau lawh mo?,” nanai leu pathang pi teang bo.

JOBA 12:10

Heng nai amjy cheaungkhangchi i, hengra lam patei nai keung ly Tameuh ne. Khumi luteng i hengra ly mymy i kiu tleaung y awm.

JOBA 31:4

Tameuh ly kai i sa nai ngiereichi ai pany iy, kai i takan nai kheukanchi niu nai ne.

SAM 104:29

Nang ly nichi teng i nai meimai hi pi veng nai khala y, nichi ly jei hyn u bo; nang ly nichi i hengra la pi veng nai khala y nichi ly dei i, spryh lawm u ali teang nai ne.

SAM 115:16

Kani khusang ai ly Areng leaungrei my peang khyh; na i py khaileaung ai ly achi khumichi ai pei nai ne.

SAM 139:3

Kai i kalop sa nai py ne sy, anawn nai py ne sy, nang ly kai ai niu; kai i sa nai ngiereichi ai pany.

SAM 146:4

Nichi ly dei nai khala y khaileaung y vawi u ai i, huni kani y my nichi i katau ly tama nai ne.

LEU KACHENG 20:24

Areng ly achi tako ai nai lam ang sa pi chum bo i, khumi ly my i heng nai lam ai, mana pany thai ai mo?

ISAIA 13:11

Areng my, “Kai ly ka-jeira ai khaileaung salo y tym hai iy, khumi hawi y naichi ai mychi i kamngo nai molam y, kamngo pajeng ai. Kai ly amlyh am-e nai khumi ngiereichi ai tahm panem iy, paleung kalen asa nai hawi pahyp y naimy ana nai khumi bawibawichi ai, kamngo pajeng ai.

ISAIA 14:13

Nang ly kani mang tym pa-rei lyn iy, asang keh nai ka-sichi salo y nangmy i samrang atehra khai ai nai leu pacheang yb bo. Nang ly tameuh takhrachi akachu u nai tosyh mang i mawi salo y samrang leaungrei kamta ateh ai nai nga ai, nanai athang khai bo.

ISAIA 2:12

Huni neng khala y ati cheaungkhang sa thai nai keung Areng ly sa thai naira len nai khumi, amlyh am-e nai khumi hawi paleung len nai khumi bawibawichi ai tahm panem pi vui ai.

ISAIA 33:10

Areng ly khumi cheng cheaungkhangchi teng y, “Vai, kai ly bawi la iy kang sa ai. Kai i sa thai naira len nai kang patei pi ai.

ISAIA 37:19

Nichi i tameuhchi ai ly mai veang pawn nai ly kaichi pany. Huni tameuhchi ly tameuh tatang ny y. Khumi i kiu y sa nai dengkeaung myn hawi lengseaung mynchi teu.

ISAIA 37:23

Nang ly ami ai cheh nai mo, nanai nang pany a? Israela chengchi i chai parai nai kai, Tameuh ai tahm khai y nai ne.

ISAIA 42:5

Tameuh ly kani khusang ai sa iy, khiu tapai bo. Mymy ly khaileaung hawi vanrei, heng nai amjy bawibawichi ai sa nai ne. Khaileaung y awm nai khumi bawibawichi ai, hengra hawi taho ai nai pei bo. Vai ly Areng Tameuh my, mymy i miseaung teng y thui pi nai ly

JEREMIA 10:23

Aw Areng, amimi py amy i khym taham ly so thai y, nanai kai pany. Amimi py amy i hengra ai peang pajau y.

JEREMIA 48:26

Areng my, “Moba pri ly kai Areng ai tiu nai deaungkho y, huni pri ai pavui hai u. Ni ly my i amleura y jawn tlawntlan ai. Khumichi my py ni ai panui hai ai.

JEREMIA 50:28

(Babulon pri i dengdairei law tleaung nai tavai kamtangchi ly Jerusalem mary y tym u iy, mymy i Achura yhm ai Babulon khumichi my taphra nai molam y, achi i Areng Tameuh ly nichi ai ati mana vawitheung tha mo, nanai thui pi u bo.)

JEREMIA 50:29

“Babulon mary y tiu ai nai thailiho pa nai khumichi ai thui pi u. Thailiho teaung kawp nai khumi ngiereichi ai pato u. Mary ai katan u meuh; leaungrei py tleaung moh sy. Huni mary i khumichi ai vawitheung tha u. Nichi ly khumi takhrachi ai sa nai kamta, nichi ai py so u teang. Ati mana nai mo nabaly nichi ly Israela chengchi i chai parai nai keung kai ai amlyh am-e naimy ka-awi sa u nai ne.

Ezekiela 28:17

Nang ly nangmy i mo-cha kahawi ai amlyh iy nangmy i amyn amthang naimy ly khumi ka-khum kamta lawm hai bo. Huna nai y kai ly khaileaung y khrairei tahm panem iy samrang takhrachi pany pa-rei amtiura lawm hai ai.

Ezekiela 28:2

Mymy ly “Nang khumicho awi, “Turu samrang teng y sa thai naira angym nai kai, Areng i leu pei nai amti pi ai nai ly: nang ly paleung len amlyh naimy nangmy ai tameuh ne na iy, pangli my katanmeuh nai samrang atehra tleaung y tameuh kamta ateh ai nai nga, nanai thui bo. Nang ly tameuh kamta cheng naira awm, nanai athang khai teu i py, nang ly tameuh ny y, khumicho teu.

Ezekiela 28:5

Nang ly ka-sum ka-pai sa naira y py kawp parai nai deaungkho y, kamranchi nga ra nga ra nai ne. Nang ly nangmy i nang chawn naira y khri pa-rei amlyh am-e na!

Ezekiela 31:10

“Huna nai y huni keung ly ati mana lawm ai mo, nanai sa thai naira angym nai kai, Areng my kang thui pi ai. Saitleang keung ly changpichi salo mang y khupanym khrairei asang bo. Huni keung ly hina nai asangryh asangryh iy, amlyh am-e ra amlyh am-e ra bo.

DANIELA 11:12

Ni ly tavai eaung nai molam y py, tavaimi neangneangchi ai padei pajau nai deaungkho y py, amlyh am-e ai. Na i py ni ly eaung naira nga bi ai ny y.

DANIELA 4:37

“Hunaibaly kai, samrang Nebukhadnezar ly kani pri mang y awm nai samrang ai kapalo bo. Nang parai nai hawi phum-ang ai py kapalo bo. Mymy i sa nai ngiereichi ly teng parai. Mymy ly leu meitang ne i, paleung len amlyh nai khumichi ai anem hai bo,” nanai tajiu nai ne.

DANIELA 8:11

Kani mang tavailuchi i areng ai malawn py, amtang naimy mymy teng y apathyp reng nai katalamrachi anawn hai vui iy, Achura yhm py taphra hai vui bo.

HABAKKUK 2:4

Pany hai nai leu ly ‘khumi hawi y naichi ly heng pajau y leang; khumi kahawichi ly Tameuh ai ym nai deaungkho y heng u ai.’ ” napi.

AMTAW 17:25

atiti avaw nai kamta ly khumichi i kiu y kalop sa pi nai py awm vai y leang, ati mana nai mo nabaly mymy naini ati cheaungkhangchi teng y hengra hawi, taho naira hawi, atiti bawibawi py pei nai keung ne;

I KORINTH 8:4

Hunaibaly myn y apathyp nai atiti cha nai leu ly pathang si. Khaileaung pri y myn, nanai ly ati sai py ny y nai sai hawi, leaungrei ny y baly Tameuh takhra ha py by y nai sai ly achi pany.

I TIMOTHEI 3:6

ym nai khumi kangtha ly avo y, ti y baly am-e ai i, diabola i sum naira y tym teang lawh na.

HEBRAI 4:13

Naibaly mymy i mei ka-niu y ly atiti sa nai bawibawichi theung y amteng y nai ha py by y; achi ai ang sa nai keung i mei ka-niu y ly ati cheaungkhang ka-keu hawi am-eaung nai angchi awm lawh veng nai ne.

AMTENG HAI NAI 9:20

Naibaly huni patang hai naira y padei nai kamthomchi ly vawinamchi hawi, muku mynchi hawi, tangka mynchi hawi kheupaja mynchi hawi, lengseaung mynchi hawi, dengkeaung mynchi hawi, niu py niu thai y nai, thai py thai y nai, tako py tako thai y naichi ai chiu u y ai nai, mychi i kiu y atiti sa naichi uikhei nai by y leang:

TARA CHIH NAI KEUNGCHI 16:23

Philistia samrangchi ly mychi i tameuh Dakon teng y apathyp ai nai hawi, eaung pawi sa ai nai akachu u. Nichi my, “Achi i tameuh ly achi ai, amychi i paleung ka-e Samson i tlang tleaung y eaung hai bo,” nanai khulym thui u.

1 SAMUELA 17:26

Davida ly sahawi i khumichi teng y, “Hini Philistin khumi ai padei nai keung hawi, Israela chengchi kangji nga ai naira i, atleu pi nai khumi ly ati nga ai mo? Hini Tameuh by y nai Philistin chengchi ly ati mana naichi ne iy, Tameuh kangheng i tavaimichi ai ka-jo hau lawh mo?,” nanai thui.

1 SAMUELA 17:36

Kai ly khrangsi hawi tavym ai kapadei nai khumi ne i, Tameuh kangheng ai ym nai tavaimi ai ka-jo hau nai khumi, Tameuh by y nai Philistin khumi ai kapadei pajau.