DANIELA 5:20 - Khumi Common Language Bible

²⁰ Na i py ni ly paleung len amlyh naimy paleung tang i, pahyp y naimy ana nai khala y, sa thai naira tama i samrang i nai tla vui bo.

DANIELA 5:20 Iomraidhean Croise

2 ARENG KEH 17:14

Na i py nichi ly tangai pi y; mymychi i Areng Tameuh ai ym y nai amsi pajochi kamta, paleung kyh chawn u bo.

2 NENG SATANG 32:25

Na i py samrang Hezekia ly amlyh am-e nai deaungkho y, Areng i sa pi nai ai kawn ai nai pany y. Huna nai y Juda pri khumichi hawi Jerusalem mary i khumichi ly patang naira avum u.

2 NENG SATANG 36:13

Zedekiah ly samrang Nebukhadnezar ai tiu. Nebukhadnezar ly mymy tlang tleaung y ka-ym awm ai nai, ni ai athorei my Tameuh i amyn y, vaineng abeu hai bo. Zedekiah ly paleung tang i uikheih y. Israela chengchi i Areng Tameuh teng y ali teang y naimy awm bo.

THEU NAI 18:11

Areng ly Aikupta chengchi my Israela chengchi tlang tleaung y mei aniu y nai saichi sa nai molam y, Areng ly tameuhchi bawibawi tleaung y sa thai naira len, nanai vai kai pany bo,” napi.

THEU NAI 9:17

Na i py nang ly tahm apasang veangveang i, kai i khumichi ai chei ai nai pei y lawh.

THEU NAI 9:7

Samrang ly Israela chengchi teng y khumi pato i, tawnbawi harei py dei y, nanai pany bo. Na i py samrang ly paleung tang rara i, Israela chengchi ai chei ai nai pei y bi nai ne.

LEU KACHENG 16:18

Amlyh am-e parai nai ly phra naira mang py, paleung len naira ly atlym naira mang py, pahawi nai ne.

LEU KACHENG 16:5

Areng ly paleung len nai khumi ngiereichi ai ly niu ngai y. Nichi ly mana khala py, kamngo pajeng naira i nai lawi hai ai ny y.

ISAIA 47:1

Areng my, “Aw, Babulon mary napi nai neampachy awi, nang ly samrang atehra tleaung i dengdairei satla iy, khaileaung y ateh. Vaichi khala nang ly phrumai avum vai y nai anglo lengmyn, sum vai y rai nai mary ne. Na i py vai, nang ly paleung nau nem nai khumi ny y leang bo! Vai, nang ly miseaung lawm veng bo!

JEREMIA 13:18

Areng ly kai teng y, “Samrang hawi my i amhm i apu parai nai areng lukhymchi ly mychi lu i nai tla pawp veng bo i, nichi teng y mymychi i samrang atehra i nai satlo u sy, nanai thui pi.

JEREMIA 19:15

Israela chengchi i Tameuh, ati cheaungkhang sa thai nai keung Areng my, “Nangchi ly paleung tang iy kai i leu tangai u y. Hunai deaungkho y hini mary hawi tengpang i marychi tlang tleaung y, jangni y thui yb nai kamta, pajeng naira tym hai ai,” nanai leu pei nai nichi teng y thui pi bo.

JEREMIA 48:18

Dibon mary y awm nai khumichi awi, nangchi ly tahm awm nai meingtym i nai satla iy, spryh tleaung y ateh u. Moba pri ai phra hai nai keung ly hini meingtym y tym iy, nang i amtangrachi taphra veng bo.

Ezekiela 30:6

Areng my, “Tosyh mang Mikadol mary i ka-so, tokalawi mang Asavan mary y khrairei, Aikupta pri mang y asa iy amtang nai khumichi ly tavai keung y dei u ai. Aikupta pri my amlyh hai nai tavaimichi py phra pawn ai. Hini ly sa thai naira angym nai kai Areng i pei nai leu ne.

Ezekiela 31:10

“Huna nai y huni keung ly ati mana lawm ai mo, nanai sa thai naira angym nai kai, Areng my kang thui pi ai. Saitleang keung ly changpichi salo mang y khupanym khrairei asang bo. Huni keung ly hina nai asangryh asangryh iy, amlyh am-e ra amlyh am-e ra bo.

DANIELA 11:36

“Suria samrang ly mymy i paleung y ngai nai kamta sa ai. Mymy ly tameuhchi bawibawi tleaung y len keh nanai py, tahm asang parai nai Tameuh tleaung y len nanai py, amlyh nai leu katheu ai. Ni ly mymy ai Tameuh my kamngo pajeng nai neng tym nai ryrei, hina nai amlyh pajau ai. Ati mana nai mo na baly Tameuh ly mymy i dawn nai kamta, sa ai nai deaungkho y ne.

DANIELA 4:26

Kani pri amtaw thau my dengkeaung miukhiu ai, khaileaung y khai su ai nai leu pei nai kamta, nang ly hini khaileaung pri ai Tameuh my peang nai ne, nanai pany vau nai khala y, nang ly samrang lawm teang bi ai.

DANIELA 4:28

Huna nai thui pi nai kamta ly samrang Nebukhadnezar i tlang tleaung y tym bo.

DANIELA 4:37

“Hunaibaly kai, samrang Nebukhadnezar ly kani pri mang y awm nai samrang ai kapalo bo. Nang parai nai hawi phum-ang ai py kapalo bo. Mymy i sa nai ngiereichi ly teng parai. Mymy ly leu meitang ne i, paleung len amlyh nai khumichi ai anem hai bo,” nanai tajiu nai ne.

DANIELA 8:8

Mi-i ly paleung len tleaung len ra bo. Na i py ni i sa thai naira len parai nai neng tym nai khala y, ni i taki ly tleu vui i huni taki meingtym y, khuteng taki palyhrei mang y lyh ai hawi nai taki palyhrei sai bo.

LUKA 18:14

Kang thui pi, huni khumi tleaung y ly hini khumi ly eaung naimy yhm y vawi kathiu bo. Tahm apasang nai ngierei ai ly tahm panem ai, na i py tahm apanem nai ai ly tahm pasang ai,” napi.

HEBRAI 3:13

“Vaini” nanai sala y kani tleirei phai apachei u leungtang, ti y baly nangchi theung y ami py kamngo tapawp naira y paleung tang hai nai awm lawh na;

1 SAMUELA 6:6

Nangchi ly ati mana nai y Aikupta samrang hawi Aikupta chengchi kamta, paleung tang u lawh mo? Nichi ly Israela chengchi ai Aikupta pri i dengdairei theu ai naipei y ryrei ly Tameuh my nichi ai ati mana pajeng mo, nanai nangchi tami u moh.