DANIELA 4:5 - Khumi Common Language Bible

⁵ ka-jei awm nai amang amang iy kaso theu ai hawi naichi paleung mei y nui nai ne.

DANIELA 4:5 Iomraidhean Croise

ATITI AWM ANGCHEI NAI 41:1

Naibaly saneng nyhrei bo y, Aikupta pri i samrang ly amang theu; ni ly amang mang y Naing tavo peang y angdo nai thym khala,

DANIELA 1:7

Miteaung keh my ly Daniela ai Beltesazar, ananiah ai Sadraka, Misaela ai Meshaka, Azariah ai Abedaneko, nanai amyn kangtha pathi bo.

DANIELA 2:1

Samrang Nebukhadnezar ly my i peang nai pa-nyh saneng y amang amang i, khri pa-rei paleung bi nai deaungkho y, i amhm y na.

DANIELA 2:3

samrang my, “Kai ai paleung bi hai nai amang theu bo. Huni amang i awm nai sai kai pany ai nai ngai,” napi.

DANIELA 4:10

“Kai ly i ngym nai thym khala y, khaileaung salo i umtang y awm nai dengkeaung pui ka-sang harei kaniu bo.

DANIELA 4:13

“Kai ly huni paleung mei y niu naichi ai adawn pasym nai thym khala y, ang khen ang kry nai kani pri amtaw thau nai leaungrei, satla kathiu nai kaniu.

DANIELA 4:15

Na i py khaileaung y awm nai dengkeaung miukhiu ai ly sengkry, kheupaja vuinawnchi hawi thang iy, adymra i acha theung y khai u su ba. “Ni ai kadam theung y amso tawnbawichi, acha keungchi hawi vanrei awm sy.

DANIELA 4:19

Naibaly Beltesazar napi nai Daniela ly khri pa-rei kaso theu nai deaungkho y, leu py katheu thai y na bo. Samrang my, “Nang Beltesazar awi, amang hawi amang i awm nai sai molam y kaso theu moh,” napi baly, Beltesazar my, “Samrang awi, huni amang hawi awm nai sai ly nang i vui ny y naimy, nang i paleung ka-echi i vui ne sy.

DANIELA 5:10

Amhm samrangnu ly samrang hawi bangtangchi thui nai leu thai nai deaungkho y, cha nei pawi sa nai hall theung mang y kun i, “Samrang awi, nang ly heng sau sy! Hina tanrei paleung adi adiu nai hawi meimai takhuisui nai awm moh.

DANIELA 5:11

Nang i pri theung y chai parai nai tameuhchi i phailo kawi nai khumi leaungrei awm. Ngampo samrang deung khala y, huni khumi teng y cheng naira hawi lulip pany nai, tameuh kamta cheng nanai pa-rei amthang nai ne. Ngampo samrang Nebukhadnezar ly ni ai leung sara, atam sara, vawinam pakun kawp nai sara, vawinam patheu kawp nai sara hawi amo sarachi i, miteaung keh y palyn pi bo.

DANIELA 7:1

Babulon samrang Belshazar my peang nai angchei saneng y, kai ly vum y paleung mei y niu nai amang amang bo. Huni amang satang ai hina nai kamta, katajiu typ nai ne.

DANIELA 7:28

Hini ly tym ai nai leaungsai i tem naira ne. Kai ly khri pa-rei kaso theu nai deaungkho y, meimai takhuisui vui bo. Hini leaungsai bawibawichi ai paleung theung y pateung me jo nai ne.