DANIELA 4:36 - Khumi Common Language Bible

³⁶ “Kai ly khumi i paleung nga ali teang nai khala y, kaimy i pri phum-ang py, kaimy i nang parai nai hawi phum-ang py, nga ali teang nai ne. Kai i tau pei nai miteaung kehchi hawi bangtangchi py, kai ai kawn u ali teang bo. Vaichi khala i tleaung y tahm awm ai nai hawi samrang i sa thai naira py, ang pei ali teang nai ne.

DANIELA 4:36 Iomraidhean Croise

JOBA 13:12

Nangchi i leu kachengchi ly maidym kamta, ati sai py ny y. Nangchi i akhi nai leuchi ly aneaung kapan kamta khaw y.

LEU KACHENG 22:4

Areng ai jei kaji iy paleung apanem reng nai khumi ly nang chawn ai; tahm awm iy heng sau ai.

DANIELA 2:31

“Samrang awi, nang ly amang mang y khri pa-rei len, angvang teaung iy ka-jei hawi parai nai khumi myn pui ai niu nai ne.

DANIELA 4:22

“Samrang awi, nang ly huni dengkeaung keung pui ne. Nang ly kani y angteu na pa-rei asang iy, sa thai naira ly khaileaung pri verei y khiu nai ne.

DANIELA 4:32

Nang ai ly khumi kamkawm i nai kang patheu vui ai i, daichi mawichi hawi awm ai nai tla ai. Saneng saryh ryrei si kamta, acha cha ai nai tla ai. Naibaly Tameuh ly khaileaung prichi ai peang iy, hunichi ai mymy i ngai nai khumi teng y pei pajau, nanai nang adawn vau ai,” napi.

DANIELA 4:34

Samrang my, “Kai ly saneng saryhrei neng khei nai khala y, kani mang y khen kalau i, khumi paleung nga ali teang nai deaungkho y, nang parai nai Tameuh ai palo bo. Deungtasarei heng nai Tameuh i nang parai nai hawi, sa thai naira ai palo bo. “Mymy ly khaileaung pri y deungtasarei peang ai. Mymy i pri ly deungtasa khrairei awm jo ai.

MATTHAI 6:33

Na i py mymy i peang nai hawi mymy i hawi naira phai hau u man, hunaibaly hunichi bawibawi py ang pei panawi bi ai mang.

II KORINTH 4:17

Naibaly kaichi i patang nai di parai nai, vai mei amsymrei chy nai sala y awm nai my ly, khri pa-rei nang parai ai naira deungtasarei vui ang sa pi ryhryh nai ne;

1 SAMUELA 2:30

Israela chengchi i yhmkeung, kai Areng Tameuh ly nang i dengtheungchi hawi nupaichi ai, deungtasarei pathyp pi nai keung lawm hai ai, nanai jangni y adeu yb bo. Na i py vai ly huni adeu nai khaw hai y leang bo, nanai kathui. Kai ai tahm khai palo naichi ai, kaimy tahm khai palo ai; kai ai khumi aniu y nai sa naichi kaimy kapaso ai.