DANIELA 4:35 - Khumi Common Language Bible

³⁵ Mymy ly khaileaung pri i khumichi ai, ati sai py ny y nai niu; mymy ly kani pri amtaw thauchi ai py, khaileaung pri i khumichi ai py, peang nai ne. Ami py mymy i kangai ei vui pajau y, mymy ati mana sa mo nanai py, deng vam y nai ne.

DANIELA 4:35 Iomraidhean Croise

JOBA 23:13

Mymy ly mana khala py, paleung ka-dawn takhra vui y. Ami py mymy ai ka-keng ka-awi so pajau y. Mymy i sa ai ngai nai paka pajau y

JOBA 34:29

Tameuh ly ati sai py ny y naimy awm ai nai dawn lawh teu i py, ami py mymy ai thui tamawn pajau ai ny y. Mymy ly my i meimai hi pi vui lawh ai nabaly, khumichi ly kajeaung kamang lawm u ai.

JOBA 42:2

Aw Areng, nang ly ati cheaungkhang sa thai nai keung ne, nanai py, nangmy ngai nai kamta ati cheaungkhang sa pajau, nanai py, kai pany bo.

JOBA 9:4

Tameuh i cheng naira hawi sa thai naira ly len parai nai deaungkho y, ami py mymy ai tiu pajau ai ny y.

SAM 115:3

Kaichi i Tameuh ly kani pri mang y awm iy, mymy i ngai nai kamta, ati cheaungkhangchi ai sa bo.

SAM 135:6

Mymy ly kani hawi khaileaung tleaung y py, pangli hawi pangli thiu parai nai theung y py, mymy i ngai nai kamta, ati cheaungkhangchi ai sa nai ne.

SAM 33:14

Mymy ly my i peang nai meingtym i dengdairei meung iy, khaileaung pri y awm nai, heng nai bawibawichi ai khen nai ne.

SAM 39:5

Nang ly kai ai khri pa-rei deung dawi hai lawh ly! Nang i mo y kai i heng nai sai ly ati sai py ny y nai kamta ne. Meitang khyp, heng nai amjy khumi angso nanai ly taho kathiu, kaho kalau nai ryrei khyh.

SAM 49:1

Khumi bawibawichi awi, hini leu tangai u! tahm asang nai hawi tahm anem nai,

LEU KACHENG 21:30

Khumi ly my i cheng naira, sa thai naira, pany thai praw nai cheng nairachi hawimy, Areng ai ly ka-awi so pajau y leang.

Parip nai leu 8:4

Samrang i sa nai leaungsaichira y sa thai naira abawi; huna nai y ni i ati mo sa naira y deng patumpati pajau y.

ISAIA 19:17

Aikupta khumichi ly mychi i vui ati cheaungkhang sa thai nai keung Areng my khai pi yb nai khym taham adawn ali teang nai tleirei, Juda pri y jei u ai.

ISAIA 26:9

Vum y kai ly nang ai paleung hawi verei kadeaung bo; khaileaung hawi khaileaung pri i khumichi ai nang ly tara chih nai khala y, adyh adawi naira, nanai ly ati mo, nanai nichi pany u ai.

ISAIA 43:13

Kai ly Tameuh ne, mo mang py, hina nai kaawm jojo ai. Kai i sa thai naira ai ami py lawm vui pajau y. Kai i sa nai kalop ai ami py so thai y leang,” napi.

DANIELA 6:27

Mymy ly sabawm nai hawi atleu naimy, kani mang y py, khaileaung pri y py, lyh ai nairachi hawi rengrang ka-ma-rachi patei pi bo. Mymy ly Daniela ai khrangsichi teng i nai atleu bo,” nanai ne.

JONA 1:14

Hunaibaly sampho i khumichi my Areng teng y, “Aw Areng, hini khumi i dei nai molam y, kaichi ai dei ai nai pa-rei pajeng y ai nai kang takeng. AwAreng, hini kalop ly nangmy i ngai nai kamta sa nai kalop ne,” nanai chiu sa u bo.

AMTAW 11:17

Hunaibaly ‘Areng Isu Krista ai achi ym bo nabaly Tameuh my achi teng y atiti pei nai ly nichi teng y py pei teang nai bo y ly, kai nai Tameuh ai mana ei pajau ai a?” napi.

AMTAW 4:28

Heroda hawi Pontia Pilata hawi, Cheng Takhrachi hawi Israela khumichi py amkheng achu tatang nai bo.

AMTAW 5:39

Na i py Tameuh i sa nai ne lawh baly nangchi ly nichi ai tamo hai pajau y leang, ti y baly nangchi Tameuh ai tiu nai tlo lawh na,” napi.

AMTAW 9:5

Naibaly ni my ly, “Areng, nang ly ami mo?” napi. Ni my ly, “Kai ly Isu, nang i ana nai ne;

I KORINTH 10:22

Ti y baly achi ly Areng my takho ai nai pacheang nai tau lawh a? Achi ly mymy tleaung y ham keh lawh a?

I KORINTH 2:16

Areng i paleung ai pany chum iy, mymy ai patiu pajau nai keung ly ami mo? Achi naini Krista i paleung apu nai ne.

EPHESI 1:11

Ati cheaungkhangra y mymy i kangai tau nai kamta sa nai keung i kangai y ka-vo khai rym nai kamta, kaichi,

JOSUA 2:2

Jeriko mary i samrang ly Israela cheng phyrei, pri i awm nai sai khen paviu ai tym nai satang thai nai deaungkho y,

1 SAMUELA 3:18

Naibaly Samuela ly ati sai py takhawi y naimy, leu pei nai ngierei amti pi bo; Eli my, “Mymy ly Areng ne; mymy i ngai nai kamta so hai sy,” napi.