DANIELA 4:34 - Khumi Common Language Bible

³⁴ Samrang my, “Kai ly saneng saryhrei neng khei nai khala y, kani mang y khen kalau i, khumi paleung nga ali teang nai deaungkho y, nang parai nai Tameuh ai palo bo. Deungtasarei heng nai Tameuh i nang parai nai hawi, sa thai naira ai palo bo. “Mymy ly khaileaung pri y deungtasarei peang ai. Mymy i pri ly deungtasa khrairei awm jo ai.

DANIELA 4:34 Iomraidhean Croise

2 SAMUELA 22:31

Hini Tameuh i sa nai kalopchi ly angym nai ne; mymy i leu py ym ai nai hawi parai na ly! Mymy ly mymy ai ym nai khumi bawibawichi i vui khupui kamta ne.

1 NENG SATANG 29:10

Davida ly huni meingtym y awm nai khumi mipuichi i mo y Areng ai palo. Samrang my, “Kaichi i amsi pajo Jakob i Areng Tameuh, nang teng y ly deungtasarei palo nai awm sy!

1 NENG SATANG 29:13

Kaichi i Tameuh, kaichi ly nang ai kawn naimy palo iy, nang i amyn nang parai nai ai kang palo u nai ne.

JOBA 1:21

“Kai ly tapen nai khala beng tlairei, beng tlairei kadei ai; Areng my ang pei i, vai ly la ali teang nai bo; mymy i amyn ly taham hawi sy,” nanai thui.

SAM 10:16

Areng ly deungtasarei samrang ne; tameuh takhrachi ai chiu nai khumichi ly mychi i pri dengdairei tama u pawn ai.

SAM 102:24

Aw Tameuh, kai miteaung cheang y naimy, kai ai lo vui moh kyh ba. Aw Areng, nang ly heng jojo nai keung ne.

SAM 107:15

Nichi ly Areng i khaw parai nai tamen nai saho py, mychi ai sa pi nai lyh ai awm nairachi saho py, kawn naimy palo ai.

SAM 107:22

Nichi ly kapathypra hawi mymy ai kawn naimy palo u ai; amo theu naimy khulym thui u iy, mymy i sa nai saichi amteng hai ai.

SAM 107:31

Nichi ly Areng i khaw parai nai tamen nai saho y py, mychi i vui sa pi nai lyh ai awm nairachi saho y py, kawn naimy palo u ai.

SAM 107:8

Nichi ly Areng i tamen naira khaw parai nai molam y py, mychi ai sa pi nai lyh ai awm naichi molam y py, kawn nai leu thui naimy palo u ai.

SAM 111:7

Mymy i sa nai leaungsai bawibawichi ly ka-ym awm nai hawi, leu meitang py amlau nai ne; mymy i Reita leu pei nai bawibawichi ly ym ai nai hawi parai.

SAM 121:1

Kai ly mawichi mang y khen angdeang bo; kai ly ma mang i nai sabawm naira nga ai mo?

SAM 123:1

Aw Areng, nang i peang nai kani pri mang y, kai ly khen angdeang bo.

SAM 145:13

Nang i pri ly deungtasarei ne; nang py deungtasarei samrang ne. Areng ly mymy i adeu naichi khaw hai iy, sa nai ngiereichira y tamen naira amteng nai ne.

SAM 146:10

Areng ly deungtasarei samrang lawn ai. Aw Zion mary, nang i Tameuh ly deungtasarei peang ai. Areng ai palo u!

SAM 50:14

Kawn nai leu thui nai naini Tameuh teng y nangchi i apathyp nai palawn u; huni bo y ati cheaungkhang sa thai nai keung teng y, nangchi vaineng adeu nai kamta so u.

SAM 66:7

Mymy ly nang parai nai hawimy peang jojo iy, khumi cheng cheaungkhangchi i kheulang ai khen bo. Ami py mymy ai tiu moh sy.

SAM 7:17

Areng ly leu meitang ne nai deaungkho y, kai ly mymy ai palo ai. Salo kangteng Areng ai, kai ly khulym thui naimy palo ai.

SAM 9:2

Nang i saho y amo theu naimy khulym thui ai. Ati cheaungkhang sa thai nai Tameuh, kai ly nang teng y palo nai khulym thui ai.

SAM 92:1

Aw Areng, nang teng y kawn nai leu thui nai py, tahm asang keh nai Tameuh, nang i nang parai nai ai palo nai khulym thui nai py,

ISAIA 13:11

Areng my, “Kai ly ka-jeira ai khaileaung salo y tym hai iy, khumi hawi y naichi ai mychi i kamngo nai molam y, kamngo pajeng ai. Kai ly amlyh am-e nai khumi ngiereichi ai tahm panem iy, paleung kalen asa nai hawi pahyp y naimy ana nai khumi bawibawichi ai, kamngo pajeng ai.

ISAIA 2:11

Khumichi i haiho jum nai neng, paleung len am-e naira dyhp nai neng tym ai. Huna nai khala Areng leaungrei naini, tahm asang naira avum ai.

ISAIA 24:15

nisi mang i khumichi my, mymy ai palo u ai. Pangli peang y awm u nai khumichi py, Israela chengchi i Areng Tameuh ai palo u ai.

JEREMIA 10:10

Na i py aw Areng, nang ly Tameuh tatang ne. Nang ly heng nai Tameuh, deungtasarei samrang ne. Nang i kado theu nai khala, khaileaung pri ly kaso theu bo. Khumi cheng cheaungkhangchi ly nang i kado theu nai haiho kham pajau y.

TANGAM NAI LEU 3:38

Hawi nai hawi y nai ly mymy i leu pei nai kamta, lawm nai ne.

DANIELA 12:7

Huni kani pri amtaw thau nai ly kiu nyhrei kani mang y pheu iy, deungtasarei heng nai Tameuh i amyn y vaineng abeu nai ly “Huni ly saneng thomrei bo y lo tariurei ateng ai. Tameuh i khumichi avum nai, ana nai leaungsaichi tem nai neng khala y, hini leaungsai bawibawichi py tem ai,” nanai thui nai kathai bo.

DANIELA 2:44

Salo mang i samrangchi peang nai thym khala y my, Kani pri mang y awm nai Tameuh ly mana khala py phra pajau y nai pri harei palum ai. Huni pri ai mana khala py taphra pajau y ai. Huni pri ly takhra prichi ai taphra chum baly, khaw jojo ai.

DANIELA 4:2

“Tahm asang keh nai Tameuh my kai ai ang patei nai lyh ai hawi naichi hawi rengrang ka-ma-rachi tangai u.

DANIELA 4:26

Kani pri amtaw thau my dengkeaung miukhiu ai, khaileaung y khai su ai nai leu pei nai kamta, nang ly hini khaileaung pri ai Tameuh my peang nai ne, nanai pany vau nai khala y, nang ly samrang lawm teang bi ai.

DANIELA 4:3

“Tameuh my achi teng y patei pi nai lyh ai nairachi ly khri pa-rei len parai na ly! Mymy i patei pi nai rengrang ka-ma-rachi ly khri pa-rei sa thai naira angym na ly! Tameuh ly deungtasarei samrang ne. Mymy ly khaileaung pri y neng tleirei peang jojo ai.

DANIELA 4:32

Nang ai ly khumi kamkawm i nai kang patheu vui ai i, daichi mawichi hawi awm ai nai tla ai. Saneng saryh ryrei si kamta, acha cha ai nai tla ai. Naibaly Tameuh ly khaileaung prichi ai peang iy, hunichi ai mymy i ngai nai khumi teng y pei pajau, nanai nang adawn vau ai,” napi.

DANIELA 4:36

“Kai ly khumi i paleung nga ali teang nai khala y, kaimy i pri phum-ang py, kaimy i nang parai nai hawi phum-ang py, nga ali teang nai ne. Kai i tau pei nai miteaung kehchi hawi bangtangchi py, kai ai kawn u ali teang bo. Vaichi khala i tleaung y tahm awm ai nai hawi samrang i sa thai naira py, ang pei ali teang nai ne.

DANIELA 5:18

“Tahm asang parai nai Tameuh ly ngampo samrang Nebukhadnezar teng y peang nai sa thai naira hawi tahm asang parai nai samrang leaungrei lawm hai iy, tahm awm nai hawi phum-ang angym hai bo.

DANIELA 5:21

Ni ly khumi kamkawm theung i nai patheu vui nai avum iy, amso tawnbawi paleung kun bo. Ni ly daichi keaungngo kano kasau karamchi hawi vanrei awm iy, si kamta acha cha nai ne. Abyhra by y naimy, kadam theung y i ai nai tla bo. Kangkhym y ly tahm asang parai nai Tameuh my khaileaung pri verei ai peang iy, mymy i ngai nai khumi ami ai py ne sy, huni prichi ai pei pajau, nanai samrang ly adawn vau nai ne.

DANIELA 6:26

Kai i empara pri verei y awm nai khumi bawibawichi awi, nangchi ly Daniela i ym nai Tameuh ai tahm khai u ai nai tla, nanai leu kang pei. “Mymy ly Tameuh kangheng ne iy, deungtasarei peang jojo ai. Mymy i pri ly mana khala py phra ai ny y. Mymy i sa thai naira ly mana khala py, tem ai ny y.

DANIELA 7:14

Naibaly cheng leu cheaungkhang katheu nai khumi ngiereichi ly ni i kalop sa hai ai nai mymy ly ni teng y, peang ai naira hawi sa thai naira py, samrang i sa thai naira py, pei pi nai ne. Ni i sa thai naira haiho ly deungtasarei khaw jo ai i, ni i pri ly mana khala py phra ai ny y.

DANIELA 7:27

Tahm asang parai nai Tameuh i khumichi ly khaileaung pri y awm nai pri bawibawichi i, sa thai naira hawi phum-ang nga u ai. Nichi i sa thai naira ly mana khala py, tama vui ai ny y. Khaileaung pri i samrang bawibawichi py, nichi i miseaung y awm ai i, nichi i leu tangai u ai,” nanai thui pachai pi bo.

DANIELA 9:14

Kaichi i Areng Tameuh awi, nang ly kaichi ai pajeng ai nai angveirym nai kamta pajeng ba. Ati mana nai mo na baly nang ly kahawi sa jojo nai ne teu i py, kaichi ly nang i leu tangai u y nai deaungkho y ne.

JONA 1:14

Hunaibaly sampho i khumichi my Areng teng y, “Aw Areng, hini khumi i dei nai molam y, kaichi ai dei ai nai pa-rei pajeng y ai nai kang takeng. AwAreng, hini kalop ly nangmy i ngai nai kamta sa nai kalop ne,” nanai chiu sa u bo.

MIKHA 4:7

Nichi ly kheu tabai naimy, yhm i dengdairei kamlora y tym u nai ne. Na i py kai ly dei kamthumchi ai atho awm nai khumichi lawm hai ai. Kai ly Zion mawi salo y nichi ai, vai i dengdairei deungtasa khrairei ka-peang ai,” napi.

LUKA 1:33

mymy ly Jakob kangpreangchi tleaung y deungtasarei areng lawn ai i, my i peang nai ly temra awm ai ny y,” napi.

LUKA 18:13

Na i py akeu cheaung nai keung ly palo paraira y angdo i, kani mang y py dengtheang vam y nai, ‘Aw Tameuh, kai khumi kamngo ai pahen kyh,’ nanai paleung y atum ryry lawh.

JOHAN 5:26

Ampo ly amy teng y hengra awm nai kamta ly, Chapo ai py amy teng y hengra awm ai nai pei bo:

Leu Thui Nai 32:4

“Areng ly nangchi ai ama hai nai keung ne; mymy i sa nai ngiereichi ly angym iy hawi parai. Nangchi i Tameuh ly ka-ym awm nai hawi leu meitang py ne; mymy ly apu parai nai hawi, hawi parai nai Tameuh py ne.

I TIMOTHEI 1:17

Deungtasarei awm jo nai Samrang, phra pajau y nai hawi, niu pajau y nai hawi, Tameuh harei awm khyh nai teng y ly tahm pasang naira hawi, palo naira py deungrasarei awm jojo sy. Amen

I TIMOTHEI 6:16

mymy leaungrei dei thai y nai sai awm khyh, ni ly kangvang chei kasa pajau ai nai vuilam ny y naira y ly awm nai, mymy ai ly ami py niu vai y, niu py niu pajau y; mymy teng y tahm pasang naira hawi, deungtasarei aly peang naira py awm sy. Amen.

AMTENG HAI NAI 10:6

“Ajeng veangveang bi ai nai ly by y leang bo:na i py kani pri i amtaw thau nai saryh i nai eng ai nai neng thym khala y ly Tameuh i leu kathiu, mymy i miseaung amochi teng y satang kahawi thui pi nai kamta angym ai bo,” nanai,

AMTENG HAI NAI 11:15

Naibaly kani pri i amtaw thau nai saryh i nai ly eng i, “Khaileaung pri y peang naira ly achi i Tameuh hawi mymy i Krista i peang naira lawn bo; mymy ly deungtasarei peang jojo ai,” nanai kani mang y ly raawi pajeng parai naichi theu tamangtang bo.

AMTENG HAI NAI 4:10

huni miteaung keh leaung apom phai palyhreichi ly areng atehra tleaung y ateh nai keung i mo y ly kheukhudi nai meung u i, deungtasarei heng jojo nai keung ai chiu hai; naibaly nichi i areng lukhym ly areng atehra mo y khai iy,

AMTENG HAI NAI 4:9

Naibaly huni heng nai amjychi ly areng atehra tleaung y ateh nai deungtasarei heng jojo nai keung ai palo nai hawi tahm pasang nai hawi, kawn nai leu thui nai khala y ly,