DANIELA 4:3 - Khumi Common Language Bible

³ “Tameuh my achi teng y patei pi nai lyh ai nairachi ly khri pa-rei len parai na ly! Mymy i patei pi nai rengrang ka-ma-rachi ly khri pa-rei sa thai naira angym na ly! Tameuh ly deungtasarei samrang ne. Mymy ly khaileaung pri y neng tleirei peang jojo ai.

DANIELA 4:3 Iomraidhean Croise

SAM 104:24

Aw Areng, nang i sa nai leaungsaichi ly nawi parai na ly! Cheng nai hawimy huni bawibawichi ai sa! Khaileaung ly nang i sa nai heng nai amjychi hawimy kawi na bo.

SAM 105:27

Nini ly Aikupta pri y Tameuh i lyh ai awm nai sa thai naira hawi rengrang ka-ma-rachi patei pi nai ne.

SAM 145:13

Nang i pri ly deungtasarei ne; nang py deungtasarei samrang ne. Areng ly mymy i adeu naichi khaw hai iy, sa nai ngiereichira y tamen naira amteng nai ne.

SAM 66:7

Mymy ly nang parai nai hawimy peang jojo iy, khumi cheng cheaungkhangchi i kheulang ai khen bo. Ami py mymy ai tiu moh sy.

SAM 72:18

Israela chengchi i Tameuh napi nai Areng ai ly palo u! Mymy naini hina nai lyh ai hawi parai naichi sa nai ne.

SAM 77:19

Nang ly pangli salo y aleaung iy, thiu parai nai suida pangli aleaung prei bo; na i py nang i kheu lawichi ai ly niu pajau nai ne.

SAM 86:10

Nang ly sa thai naira phum-ang len parai i, lyh ai nairachi sa pi bo; nang leaungrei naini Tameuh ne.

SAM 92:5

Aw Areng, nang i sa nai leaungsaichi ly khri pa-rei lyh parai na a! nang i dawn nai saichi py thiu parai na!

ISAIA 25:1

Aw Areng, nang ly kai i Tameuh ne. Kai ly nang ai tahm pasang iy, nang i amyn palo ai. Nang ly rengrang nairachi sa nai ne. Jangni khala i dengdairei pasym pi yb nai ka-dawnchi ai meitang khyp sa pi bo.

ISAIA 28:29

Ni ly hini cheng naira ngiereichi ai, ati cheaungkhang sa thai nai keung Areng teng i nga nai ne. Tameuh i sa nai katauchi ly cheng naira ka-dawn angym iy eaung naira nga jojo nai ne.

ISAIA 9:7

Ni i sa thai naira haiho ly hlo veangveang iy, ni i pri py tlamsa jojo ai. Ni ly samrang Davida i yhmtheaung amtym iy vai i dengdai deungtasa tem pa-rei leu meitang adyh adawi naimy peang ai. Ati cheaungkhang sa thai nai Areng ly hina naichi tym angym hai ai nai leu pacheang yb veng nai ne.

JEREMIA 10:10

Na i py aw Areng, nang ly Tameuh tatang ne. Nang ly heng nai Tameuh, deungtasarei samrang ne. Nang i kado theu nai khala, khaileaung pri ly kaso theu bo. Khumi cheng cheaungkhangchi ly nang i kado theu nai haiho kham pajau y.

DANIELA 2:2

Hunai deaungkho y mymy ati amang theu nai mo, nanai thui pi ai nai leung kawp naichi, atam kakawpchi, vawinam pakun kawp naichi, uimiu khawn naichi ai palau hai bo. Nichi ly samrang i mo y tym u nai khala y,

DANIELA 2:44

Salo mang i samrangchi peang nai thym khala y my, Kani pri mang y awm nai Tameuh ly mana khala py phra pajau y nai pri harei palum ai. Huni pri ai mana khala py taphra pajau y ai. Huni pri ly takhra prichi ai taphra chum baly, khaw jojo ai.

DANIELA 4:17

Hini ly ang khen ang kry nai kani pri amtaw thauchi i sa nai saichi ne. Hunai deaungkho y tahm asang parai nai Tameuh ly khaileaung prichi tlang tleaung y sa thai naira kawi angym nanai py, mymy ly tahm anem keh nai khumi ai malawn py vawi iy samrang y palyn pajau nanai py, meingtym tleirei y awm nai khumi bawibawichi pany u sy,” nanai tao pajeng parai naimy aeu bo.

DANIELA 7:14

Naibaly cheng leu cheaungkhang katheu nai khumi ngiereichi ly ni i kalop sa hai ai nai mymy ly ni teng y, peang ai naira hawi sa thai naira py, samrang i sa thai naira py, pei pi nai ne. Ni i sa thai naira haiho ly deungtasarei khaw jo ai i, ni i pri ly mana khala py phra ai ny y.

DANIELA 7:27

Tahm asang parai nai Tameuh i khumichi ly khaileaung pri y awm nai pri bawibawichi i, sa thai naira hawi phum-ang nga u ai. Nichi i sa thai naira ly mana khala py, tama vui ai ny y. Khaileaung pri i samrang bawibawichi py, nichi i miseaung y awm ai i, nichi i leu tangai u ai,” nanai thui pachai pi bo.

ROM AVANGCHI TENG Y PAWLA I CHA PA NAI 11:33

Aw! Tameuh i cheng naira hawi pany naira ly khri thiu na ly! Mymy i chih nairachi ly pipi pany pajau y, mymy i sa nai sai ly patawm pajau ai nai aveng!

Leu Thui Nai 4:34

Nangchi i Areng Tameuh ly Aikupta chengchi kiu i atleu iy, mymy i khumi palawn naimy pahawi bo. Tameuh takhra ly khumi cheng harei i vui, huna nai kamta sa pi vai sai a? Areng ly mymy i len parai nai sa thai naira patei nai, ka-jeira hawi tavai takai tym hai nai, rengrang ka-ma-rachi hawi lyh ai hawi nairachi sa pi nai, hunichi ai nangmychi kypkyp my niu u bo.

I TIMOTHEI 1:17

Deungtasarei awm jo nai Samrang, phra pajau y nai hawi, niu pajau y nai hawi, Tameuh harei awm khyh nai teng y ly tahm pasang naira hawi, palo naira py deungrasarei awm jojo sy. Amen

HEBRAI 1:8

Na i py Chapo i molam y naini hini thui nai ne; “Aw Tameuh, nang i areng atehra ly deungtasarei awm ai nai ne; Teng naira areng cheaungvawi py nang i peang naira i areng cheaungvawi ne.

HEBRAI 2:4

Tameuh my py ka-ma-rachi hawi, atiti rengrangchi hawi, atiti sa thai naira cheaungkhang hawi, mymy i ngai nai kamta Phailo Kachai i atiti paji naichi deaungkho y nichi hawi pany hai bo.

I PETERA 4:11

khumi ami py leu thui baly, Tameuh i leu kamta thui sy; khumi ami py sabawm baly Tameuh i ham naira ang pei nai kamta so sy; hunaibaly Isu Krista deaungkho y Tameuh ai ly ati cheaungkhangra y palo nai awm thai ai: nang parai naira hawi peang naira ly deungtasarei mymy i ne. Amen.

AMTENG HAI NAI 11:15

Naibaly kani pri i amtaw thau nai saryh i nai ly eng i, “Khaileaung pri y peang naira ly achi i Tameuh hawi mymy i Krista i peang naira lawn bo; mymy ly deungtasarei peang jojo ai,” nanai kani mang y ly raawi pajeng parai naichi theu tamangtang bo.