DANIELA 4:21 - Khumi Common Language Bible

²¹ Huni keung i changpichi ly apu parai iy, athaichi py pasu nai deaungkho y, khaileaung pri vereichi, cha ai nai nga u bo. Huni keung i anui y daichi tawnbawichi anawn u. Champichira y tavochi tabu sa u nai ne.

DANIELA 4:21 Iomraidhean Croise

SAM 104:17

Hunira y tavochi ly tabuchi sa; obeaung asangchi ly maicha keungchira y tabuchi sa u bo.

Ezekiela 17:23

Asang keh nai Israela mawi saleung y kaui ai. Huni keung ly changpichi ampho iy athai py athai ai i, apu parai nai saitleang keung lawm ai. Huni keung y tavo cheaungkhangchi tabu sa u ai i, keung ka-khuira y py abyh u ai.

Ezekiela 31:6

Huni changpichira y tavo cheaungkhangchi tabu sa; daichi mawichi ly huni dengkeaung keung anui y chochi tapen; khaileaung pri i khumi cheng cheaungkhangchi py, huni keung ka-khui y anawn u nai ne.

DANIELA 2:38

Mymy ly nang ai khumichi awm nai khaileaung pri verei ai py, amso tawnbawi hawi tavo bawibawichi ai py, peang ai nai ang pei bo. Samrang nang ly huni myn pui i muku lu ne.

DANIELA 4:11

Huni dengkeaung ly len ryh, asang ryh i, khaileaung salo y awm nai khumi bawibawichi niu ai nai pa-rei, kani y ang teu na.

DANIELA 4:20

Asang parai nai dengkeaung keung ly kani y angteu iy, khaileaung pri i khumi bawibawichi ly huni keung ai niu u bo.

DANIELA 4:22

“Samrang awi, nang ly huni dengkeaung keung pui ne. Nang ly kani y angteu na pa-rei asang iy, sa thai naira ly khaileaung pri verei y khiu nai ne.

LUKA 13:19

Anmawi hm amairei ami my la iy, akho y hei nai kamta atawm; huni ly prau i dengkeaung lawn bo; naibaly salo mang i tavochi ly changpi y jei,” napi.