DANIELA 4:1 - Khumi Common Language Bible

¹ Samrang Nebukhadnezar ly khaileaung pri verei y awm nai, leu cheaungkhang katheu nai khumi bawibawichi teng y, pany hai ai ngai nai cha harei ly hina nai kamta pa nai ne. “Nangchi ly paleung awmnem naimy awm u sy!

DANIELA 4:1 Iomraidhean Croise

1 NENG SATANG 12:18

Tameuh teng i Phailo ly Amasai tlang tleaung y tym i, kangkhym y risa leaung phaireichi i tavailu areng lawm nai Amasai my, “Jese i chapo Davida awi, kaichi ly nang i khumichi ne! Tameuh ly nang mang y awm! Nang hawi vanrei nang ai sabawm nai khumichi ly eaung naira ngo u sy!” nanai aeu u bo. Davida ly nichi ai kawn i, mymy i tavaimi theung y miteaung kehchi lawm hai bo.

EZARA 4:17

Samrang i pathang nai ly “Samrang i bangtang kalen Rehum, ka-peang secretary Shimashai i kamkawm Samari mary khumichi hawi, Euphrat tavo pui nidym ka-peang khumichi teng y kawn nai leu kang thui.

EZARA 5:7

“Empara samrang Dari awi, nang ly tlamsa naimy peang sy.

ESTHER 3:12

Haman ly angchei lo kani holai thomrei kani y samrang i secretarychi ai palau iy, samrang i leu pei nai tajiu hai bo. Naibaly huni leu pei nai ly empara pri verei y awm nai khumi cheng cheaungkhangchi i leu y tapeang hai iy peang nai keungchi, samrang i bangtang kalenchi hawi miteaungkehchi teng y pei pi nai ne. Huni leu pei nai ai samrang Ahasuru i amyn hawi patheu nai, samrang i pajawp typ nai ka-ma-ra nip pi typ bo.

ESTHER 8:9

Huna nai kamta tym nai ly Sivan napi nai pa-thom lo, 23 rei kani y ne. Modekai ly samrang i secretarychi ai palau iy, India pri dengdairei Ethiopia pri y tym pa-rei, pri khu ka-peang 127 reita i samrang i bangtang kalenchi, peang nai keungchi hawi samrang i miteaung kehchi teng y leu taviu nai chachi tajiu ai nai labeaung mang thui pi bo. Huni chachi ai pri khu ka-peang tleireira y teaung nai cheng leuchi hawi py, Juda chengchi i vui Juda cheng leu hawi py tajiu pi nai ne.

DANIELA 3:29

Naibaly leu cheaungkhang katheu nai khumi bawibawichi hawi pri tleirei i ami py ne sy, Sadraka, Mesheka hawi Abedanekochi i Tameuh ai tahm khai y nai leu thui lawh baly, huni khumi ai tawp piupa iy ni i yhm py, maidym satlawi lawm hai sy, nanai vai, kaimy leu pei. Nichi leaung thomreichi i Tameuh kamta, mani tameuh py atleu pajau y leang,” napi.

DANIELA 3:4

satang thai hai nai keung leaungrei my, “Leu cheaungkhang katheu nai khumi bawibawichi hawi pri tleirei i khumi bawibawichi awi!

DANIELA 6:25

Naibaly samrang Dari ly khaileaung pri i cheng leu cheaungkhang katheu nai, khumi neangneangchi hawi pri neangneangchira i, khumi bawibawichi teng y cha tajiu nai ne. Huni cha theung y ly “Paleung awmnem nai awm sy!

DANIELA 6:27

Mymy ly sabawm nai hawi atleu naimy, kani mang y py, khaileaung pri y py, lyh ai nairachi hawi rengrang ka-ma-rachi patei pi bo. Mymy ly Daniela ai khrangsichi teng i nai atleu bo,” nanai ne.

DANIELA 7:14

Naibaly cheng leu cheaungkhang katheu nai khumi ngiereichi ly ni i kalop sa hai ai nai mymy ly ni teng y, peang ai naira hawi sa thai naira py, samrang i sa thai naira py, pei pi nai ne. Ni i sa thai naira haiho ly deungtasarei khaw jo ai i, ni i pri ly mana khala py phra ai ny y.

ZEKHARIAH 8:23

Huni neng kani y Juda khumi leaungrei ai, cheng takhra khumi leaung horeichi my, ‘Tameuh ly nang hawi vanrei awm, nanai kaichi thai bo. Hunai deaungkho y kaichi ly nangchi hawi vanrei, sih hawi amdai ahawi ai nai ngai,’ nanai thui ai,” napi.

AMTAW 2:6

Naibaly huni tyn thai bo nabaly khumi mipuichi jeu achu i, khumi leaung leaungrei nichi i leu ly amy i leu ana pa-rei thui nai thai lawh nai deaungkho y dawn ai nai ngo y.

ROM AVANGCHI TENG Y PAWLA I CHA PA NAI 1:7

Rom avang i Tameuh i ngai parai nai, khumi kachai lawn ai nai palau naichi bawibawi teng y, Tameuh achi i Ampo hawi Areng Isu Krista teng i dengdairei pahenra hawi awmnem naira ly nangchi teng y awm sy.

EPHESI 1:2

Tameuh achi Ampo hawi Areng Isu Krista i dengdairei pahenra hawi awmnem naira ly nangchi teng y awm sy.

I TIMOTHEI 1:2

ym naira y kai i chapo kypkyp Timothei teng y ly: Ampo Tameuh hawi Krista Isu achi i Areng teng i dengdairei tamen naira hawi, pahen naira hawi, awmnem naira py awm sy.

I PETERA 1:2

Bithunia pri y py ahei nai, leu tangai ai nai hawi Isu Krista i thi hei nai nga ai nai Phailo i khai takhra nai hawi, Ampo Tameuh i pany rym nai kamta vawi naichi teng y ly; Nangchi i tlang tleaung y pahenra hawi awmnem naira py peung hai dudu nai tym sy.