DANIELA 3:25 - Khumi Common Language Bible

²⁵ Samrang my, “Huna baly mai theung y khumi leaung palyhreichi aleaung nai ati mana kaniu lawh mo? Nichi ai kawm cheng nai py by y, nichi ai maimy kang nai py amny y. Huni bo i palyh i nai khumi ly angel hawi atawm,” napi.

DANIELA 3:25 Iomraidhean Croise

JOBA 1:6

Tameuh i mo y kani pri mang ichiahihawi nai neng kani tym nai khala, setanpy nichi hawi vanrei abawi teang.

JOBA 38:7

Huni kani khutawimo neng khala, ka-sichi ly khulym raawi kangngeng thui u bo. Kani pri mang ichi py, amo theu parai naimy palo u.

JOBA 5:19

Mymy ly avaw avawrei, nang ai patang naira i nai atleu ai.

SAM 34:7

Areng ai jei kaji nai khumichi ai, mymy i kani pri amtaw thau my kry iy, ka-jeira i nai atleu bo.

LEU KACHENG 30:4

Ami nai ly kani pri hawi amtawn abi nai cheng naira angym pa-rei pany vai mo? Ami nai ly ali ai kiu hawi patiu nai nga vai mo? Ami nai ly tui ai kanih hawi tapau vai mo? Khaileaung pri i khujyh ai ami my pata pi vai mo? Huna nai khumi ly ami mo? Ni i chapo ly ami mo, nang pany a?

ISAIA 43:2

Nangchi ly tui thiu mang y tapai nai khala y, kai ly nangchi hawi vanrei awm ai. Ngari kamtangchi ly nangchi ai khiu ai ny y. Nangchi ly mai theung y aleaung nai khala y, mai my kang ai ny y. Khri pa-rei cham nairachi ly nangchi ai no patang nairachi tym hai ai ny y.

JEREMIA 1:8

Kai ly nang hawi vanrei awm iy, nang ai asa hai ai. Hunai deaungkho y nang ly nichi ai jei moh; hini ly kai, Areng i thui nai leu ne! " nanai kai teng y leu ang pei bo.

JEREMIA 15:21

Nang ai khumi hawi y naichi kiu i nai atleu iy, khrukhra hai nai khumichi kiu i py lawi hai ai.”

DANIELA 3:18

Atleu y lawh teu i py, kaichi ly nang i tameuh ai chiu y, nang i muku myn pui ai py, lu meung ai ny y, nanai pany ba,” nanai pathang u.

DANIELA 3:24

Naibaly Nebukhadnezar ly lyh parai naimy, ang thau praw iy mymy ai tau pei nai miteaung kehchi teng y, “Achi ly khumi leaung thomreichi ai kawm cheng iy, mai pui kangveaung theung y aphi u nai ny y a?” nanai deng. Nichi my, “Ne, samrang awi,” napi u.

DANIELA 3:28

Samrang my, “Sadraka, Meshaka hawi Abedanekochi i chiu nai Tameuh ai palo u! Mymy ly kani pri amtaw thau ai pato iy, mymy ai ym u nai hini khumi leaung thomreichi ai atleu bo. Nichi ly mychi i Tameuh ai ny y baly, tameuh takhra teng y meung iy chiu ai nai tleaung y ly mychi i tlang dei vam nai, kai i leu tangai u y nai ne.

DANIELA 6:23

Samrang ly khrikhri pa-rei amo theu nai deaungkho y, Daniela ai khrangsi angawm i nai atheu kalau ai nai leu pei bo. Naibaly khumichi my atheu u i, Daniela ly Tameuh ai ym nai khumi ne nai deaungkho y, ati sai py phrumai by y nai niu u nai ne.

MARKA 16:18

dei asi nei i py ati sai py so hai pajau y leang; no naichi i tlang tleaung y kiu tamam u i, hawi teang ai,” napi.

LUKA 1:35

Naibaly kani pri i amtaw thau nai my ly pathang i mymy teng y, “Nang i tlang tleaung y Phailo Kachai tym ai i, Salo Kangteng i atiti sa thai naira ly nang ai khiu ai mang; hunai deaungkho y nang i tapen ai nai py kachai, Tameuh i Chapo napi ai.

AMTAW 28:5

Na i py ni my ly pavui ai mai y katheng pawp i, ati sai py no y.

ROM AVANGCHI TENG Y PAWLA I CHA PA NAI 1:4

naibaly chai naira phailo mang y ly Tameuh i Chapo ne, nanai ly kadeichi theung i nai angthau bi nai deaungkho y sa thai naira y khri pa-rei pany hai bo; huni ly Isu Krista achi i Areng ne;

I PETERA 3:13

Nangchi ly atiti kahawi mang y dawn pathyp baly, nangchi i tlang tleaung y hawi y sa nai keung ly ami awm ai mo?