DANIELA 3:14 - Khumi Common Language Bible

¹⁴ Samrang my, “Sadraka, Meshaka hawi Abedanekochi awi, nangchi ly kai i tameuh ai chiu y, kai i leng nai muku myn pui ai lu meung u y, nanai ly teng a?

DANIELA 3:14 Iomraidhean Croise

ISAIA 46:1

“Hini ly Babulon tameuhchi i tem naira ne! Vaichi khala y khumichi ly Bala tameuh hawi Nebo tameuhchi ai chiu u. Na i py vai ly nichi ai keaungngo kano kasau tleaung y tang iy, akawm parai nai tawnbawichi my pho ai nai myn kajichi lawm u nai ne.

JEREMIA 50:2

“Babulon mary ly phra vui bo! Huni mary i Marduk tameuh ly tleu piupa pawn veng bo! Babulon mary i amso ngai hawi nai mynchi ly kangji nga iy taphra naira avum u lawh bo ly! Hini satang ai khumi cheng cheaungkhangchi teng y thai hai u! Ka-ma-ra tamkhawn patei iy thai hai u! Huni satang ai apha hai vui moh!

DANIELA 3:1

Samrang Nebukhadnezar ly ka-sang miu vui tariurei, ka kalen miu tariurei awm nai muku myn pui sa hai iy, huni ai ly Babulon theung i Dura adym y khai hai bo.

DANIELA 4:8

Naibaly Daniela ly kai i mo y ang tym. (Ni ai ly kai i chiu nai tameuh i amyn Beltesazar, nanai amyn pathi) Chai parai nai tameuhchi i phailo ly ni teng y awm nai deaungkho y, kai ly ni teng y kai, ati amang theu mo, nanai thui pi bo.