DANIELA 2:9 - Khumi Common Language Bible

⁹ Nangchi ly kai i amang thui pi thai y lawh ai na baly, nangchi ai kang tawp piupa iy nangchi i yhmchi py maidym satlawi lawm hai ai nai, kai dawn yb veng bo. Nangchi ly mo mang i neng khala, awm nai sai amtlau lym ai, nanai athang khai iy kai ai tapawp ai nai paleung adyh u bo. Kai i amang thui pi u; huni amang thui pi thai baly, awm nai sai py thui pi pachai pajau ai,” napi.

DANIELA 2:9 Iomraidhean Croise

1 ARENG KEH 22:22

Areng my, ‘mana tapawp ai mo?’ nanai deng baly, huni phailo my, ‘kai ly Ahab i amo bawibawichi teng chei iy nichi ai ka-chawi thui hai ai,’ napi. Areng my py, ‘nang chei ly Ahab ai ka-chawi naimy tapawp hyp, eaung ai mang,’ nanai leu pei bo,” napi.

1 ARENG KEH 22:6

Hunai deaungkho y Ahab ly amo leaung 400 virei ai palau iy, “Kai ly Ramoth mary y tiu ai nai avo a, avo y a?,” nanai deng. Amochi my, “Huni mary ai tiu ba; Areng my nang ai eaung hai ai mang,” napi u.

ESTHER 4:11

“Neampacho py ne sy, neampachy py ne sy, samrang palau y naimy samrang yhm theung, samrang teng y kun lawh nai khumi ai ly padei ai nai ne; hini ly reita ne nai deaungkho y samrang ai tau pei nai bangtangchi dengdairei, pri khu ka-peang tleirei y awm nai khumi bawibawichi pany u nai ne. Huni reita ai envui thai nai lam harei awm khyh; samrang my muku tivi talam pi lawh baly kun nai khumi ly tlang hengra nga ai. Na i py kai ai samrang my palau y nai lorei awm bo,” napi.

LEU KACHENG 12:19

Ka-chawi leu ly deung dawi; na i py ka-ym awm nai leu ly deung sau nai ne.

ISAIA 41:23

Mo mang y ati tym ai mo, nanai kaichi ai thui pi u; huna nai khala naini, nangchi ly tameuh ne, nanai kaichi pany ai na a! Atiti kahawi so u, ti y baly ka-jeira sai sairei tym hai u. Kaichi ai jei hyn pa-rei so u!

ISAIA 44:25

Kai ly leung sarachi ai kamthu lawm hai iy, ka-si kamhi pany nai keung i thui naichi phra hai bo. Khumi kachengchi i leu ei vui iy nichi i cheng naira ly ka-khum teu, nanai pany hai bo.

Ezekiela 13:17

Areng my, “Nang khumicho awi, nang i chengchi theung y leu pei naichi ai phym amang iy thui u nai neampachychi ai khen cham; nichi ai thui tamawn ba.

Ezekiela 13:19

Chohpui chamaw nei kiukawirei hawi tako maidenreichy nga ai nai molam y, kai i khumichi i mo y kai ai tahm khai u y. Nangchi ly padei ai ataing y nai khumichi ai padei u iy, padei ai ataing naichi ai kangheng khai u lawh; hunai deaungkho y nangchi ly kai i khumichi ai li-tapawp i nichi ly ym u bo,” napi.

Ezekiela 13:6

Nichi i paleung mei y niu naichi ly kateng ny y iy, nichi i thui yb nai amo leuchi py ka-chawi leuchi ne. Areng i leu pei nai ne, nanai thui u i py, huni leu ly kaimy pei nai ny y leang. Na teu i py nichi thui nai kamta tym khyp ai, nanai athang khai u lawh ly!

DANIELA 2:16

Daniela ly vaimy samrang i mo y kun i, “Amang i awm nai sai thui pachai pi ai nai neng pei kyh ba,” nanai takeng.

DANIELA 2:21

Mymy ly neng hawi kani lo kamtlehchi ai peang nai ne. Mymy ly samrangchi ai palyn py palyn, pala py pala. Khumichi teng y cheng naira hawi pany thai naira pei bo.

DANIELA 2:8

Huna nai khala samrang my, “Nangchi ly kai athang khai nai kamta, neng kasau atheu u lawh ly!

DANIELA 3:15

Vai nangchi ly bawchi, byhlyhchi, atymchi, taro katheang kalenchi hawi takhra katyn kapauchi beu nai katyn thai phai thai u baly, muku myn pui ai lu meung u. Huna nai kamta so u y lawh baly, nangchi ai mai pui kangveaung theung y vaimy aphi ai. Nangchi ai atleu pajau nai tameuh awm, nanai nangchi athang khai u a?” napi.

DANIELA 5:28

Phy paji, nanai leu i awm nai sai ly nang i pri ai ly Medi chengchi hawi Pasia chengchi teng y phy paji pi veng bo, nanai sai ne.

DANIELA 5:31

Saneng 62 rei awm nai Medi cheng samrang Dari ly huni pri ai peang vui nai bo.

DANIELA 7:25

Ni ly tahm asang parai nai Tameuh ai ka-awi leu katheu iy, mymy i khumichi ai ana ai. Ni ly Tameuh i khumichi i reita pawichi hawi reita leaungsaichi py, takhra hai vui ai nai atho sa ai. Tameuh i khumichi py, ni i sa thai naira anui y saneng thomrei bo y lo tariurei awm u ai.

II KORINTH 2:17

Khumi neangneangchi ly amichi ai tapawp ai nai Tameuh i leu ai ly ka-pai sa ai nai teaung u nai kamta kaichi ly teaung y leang; kaichi ly meitang khyp naimy Tameuh my ang pato nai, Tameuh i mei ka-niu y Krista y ly leu thui nai ne.