DANIELA 2:5 - Khumi Common Language Bible

⁵ Samrang my, “Kai i niu nai amang py, huni amang i awm nai sai py, nangchi my thui pi sy, nanai leu pacheang yb veng bo. Nangchi thui pi thai y lawh ai na baly, nangchi ai kang tawp piupa iy, nangchi i yhm py maidym satlawi lawm hai ai.

DANIELA 2:5 Iomraidhean Croise

2 ARENG KEH 10:27

Hunaibaly nichi ly bala leungcheng hawi bala achura yhm taphra u. Huni tameuh i achura yhm ai engmeaung lehra yhm palawn nai ly vaini khrairei awm jo nai ne.

EZARA 6:11

Kaimy leu kang pei bi nai ly hini leu pei nai tangai y nai khumi ai ly my i yhm kaleaung harei lo hai ly pasui iy apacheu naimy dei sy, ni i yhm py anyn aso aphi cheng nai kamta lawm na sy.

SAM 50:22

“Kai ai dawndan y nai khumichi awi, hini molam y adawn pasym u; ti y lawh baly kai ly nangchi ai kang tamyh pawn ai. Nangchi ai atleu ai nai khumi leaungrei py awm ai ny y.

SAM 58:7

Nichi ly leaung iy tama pawn reng nai tui kamta lawm u sy; khumi tako nai lamra i acha keungchi kamta, tei piu veng sy.

DANIELA 2:12

Naibaly samrang ly khri pa-rei kado theu i, Babulon pri y awm nai khumi kacheng bawibawichi ai, padei pawn ai nai leu pei bo.

DANIELA 3:29

Naibaly leu cheaungkhang katheu nai khumi bawibawichi hawi pri tleirei i ami py ne sy, Sadraka, Mesheka hawi Abedanekochi i Tameuh ai tahm khai y nai leu thui lawh baly, huni khumi ai tawp piupa iy ni i yhm py, maidym satlawi lawm hai sy, nanai vai, kaimy leu pei. Nichi leaung thomreichi i Tameuh kamta, mani tameuh py atleu pajau y leang,” napi.

DANIELA 4:9

Kaimy ni teng y, “Leung sarachi i len keh nai Beltesazar awi, nang teng y chai parai nai tameuhchii phailo awm nanai py, thiu parai nai ati cheaungkhangchi ai nang ly pany thai nanai py, kai pany. Amang mang y kai i niu nai tangai iy, mo mang i satang kai teng y thui pi pachai ba.

Leu Thui Nai 13:16

Huni mary y awm nai khumichi i vawnsai bawibawichi py mary umtang i ly-um y pakheng achu ai nai tla. Naibaly mary hawi vanrei vawnsai bawibawichi ai nangchi i Areng Tameuh teng y kapathypra palawn iy, leng patlum ai nai tla. Hu y mary kangtha palum u teang bi moh, phra seaungkhrang naimy awm jo sy.

JOSUA 6:26

Huna nai khala Josua my, “Jeriko mary palum teang nai khumi ly Areng i amsawi lawi kalei sy; mary palum teang ai nai langdeng sa nai khumi ly chapo chalu dei sy; mary katheu pa-kho sa nai khumi ly chapo sawi dei sy,” nanai pasawi kheih bo.

1 SAMUELA 15:33

Samuela my, “Nang i haisau hawi, amhm neangneangchi ly mychi i chanauchi sum u bo; huna nai y vai, nang i amhm py, my i chapo sum ai,” nanai thui i, Akad ai Kilakala mary i maicham mo y tawp piupa bo.