DANIELA 2:45 - Khumi Common Language Bible

⁴⁵ Mawi i nai lengseaung pui harei ly alyly naimy amli iy tamo, kheupaja, laikan, muku, tangka hawi sa nai myn pui y amli hai nai ly nang niu nai ne. Nang parai nai Tameuh ly nang ai mo mang y tym ai nai saichi pany hai nai ne. Kai ly nang i niu nai kamta amang kang thui pi khyp iy, amang i awm nai sai py, nang ai pany hai pi chum bo,” napi.

DANIELA 2:45 Iomraidhean Croise

ATITI AWM ANGCHEI NAI 41:26

Si nu veung kahawi amai saryhrei, nanai ly saneng saryhrei, nanai sai ne; naibaly choh vui kahawi saryhrei, nanai py saneng saryhrei, nanai sai ne teang; awm nai sai ly vanrei ne.

ATITI AWM ANGCHEI NAI 41:28

Kai i nang teng y kang thui pi pachai nai ly teng khyp ai i, Tameuh ly mymy i sa ai naichi nang ai pany hai nai ne.

ATITI AWM ANGCHEI NAI 41:32

Amang tlen nyhrei amang hai nai sai ly kra y nai sala y Tameuh ly mymy i sa ai nai kalop ai sa khyp ai nai molam khaw hai nai amang ne.

2 SAMUELA 7:22

Aw Areng, nang ly khri pa-rei nang parai na ly! Kai i thai nai ryrei nang hawi atawm nai Tameuh, nang ny y baly Tameuh takhra by y.

1 NENG SATANG 16:25

Areng ly nang parai nai ne i, achi ly mymy ai palo ai nai tla; achi ly mymy ai tameuh takhrachi tleaung y tahm khai ai nai tla.

NEHEMIA 4:14

Kai ly mipuichi paleung bi paleung mawn nai sai kaniu i, nichi hawi vanrei, nichi i miteaung kehchi hawi peang nai keungchi teng y, “Achi i paleung ka-echi ai jei u moh; Areng ly nang parai nai hawi ka-jei hawi parai, nanai pany u ly nangchi i amjo amnau, aju chanau, yhm hlauchi i vui atiu u,” napi.

NEHEMIA 9:32

“Aw Tameuh, kaichi i Tameuh, nang ly khri pa-rei tahm asang parai na ly! Khri pa-rei jei hyn ai nai hawi iy, sa thai naira len parai na ly! Nang ly nangmy i Leu Maikawm molam adeu naichi ai ka-ym awm naimy kry bo. Kaichi ly kaimychi teng y Asuria samrangchi my ana kali kachi nai neng dengdairei, vaini khrairei ngari kamtang ka-vum u na bo ly! Kaichi i samrangchi, lu sa naichi, pathyp pi nai keungchi, amochi, kaimychi i amsi pajochi hawi mipui bawibawichi ly ngari kamtang avum u bo. Kaichi mana tanrei ngari kamtang avum mo, nanai pany pi jo kyh ba!

JOBA 36:26

Achi ly Tameuh i nang parai nai sai pany bawi pajau y; saneng py kati pajau y.

SAM 135:5

Achi i Areng ly nang parai, nanai kai ly pany; mymy ly tameuhchi bawibawi tleaung y py, nang parai keh nai ne.

SAM 145:3

Areng ly nang parai nai deaungkho y, palo ai ataing nai ne; nang parai nai sai py dawn pata pajau y leang.

SAM 2:9

Nang ly khumi cheng cheaungkhangchi ai tamo cheaungvawi hawi peang ai; nichi ai alai laawm pakhawi nai kamta kawi hai phro ai, nanai leu ang pei,” napi.

SAM 48:1

Areng ly nang parai keh nai ne iy, chai parai nai mawi pui napi nai achi i Tameuh i mary puira y, khri pa-rei palo ai ataing nai ne.

SAM 96:4

Areng ly nang parai keh nai ne iy, khri pa-rei palo ai ataing nai ne; mymy ly tameuhchi bawibawi tleaung y, jei kaji naimy tahm khai ai ataing nai ne.

ISAIA 28:16

Vai, ati cheaungkhang sa thai nai keung Areng my leu pei nai ly “Kai ly Zion y khaw parai pa-rei langdeng kapala ai. Kai ly ‘Hawihai palai ym naimy athang khai nai khumi ly kham tanga naimy ajeng nai ne,’ nanai tajiu typ nai cha abawi nai, khaw parai nai taki i lengseaung ai py, huni langdengra y khai pi ai.

DANIELA 2:24

Hunai deaungkho y Daniela ly Babulon pri i, khumi kachengchi ai padei ai nai samrang teng i leu nga nai Ario teng y chei i ni teng y, “Huni khumichi ai padei moh kyh. Kai ai samrang teng y hawi ba. Kai ly samrang i amang thui pachai pi ai,” napi.

DANIELA 2:28

Na i py thiu parai nai saichi ai pany hai nai Tameuh ly kani pri mang y awm. Huni Tameuh ly mo mang i neng y mana tym ai mo, nanai samrang nang pany ai nai pei bo. Samrang nang i nai thym khala y, niu nai amang ly vai, kaimy thui pi ai.

DANIELA 2:29

“Samrang nang ly i nai thym khala y, mo mang i neng y ati mana awm ai mo, nanai satang amang amang nai ne. Thiu parai nai saichi ai pany hai nai Tameuh ly mo mang y tym ai nai saichi nang ai pany hai bo.

DANIELA 2:44

Salo mang i samrangchi peang nai thym khala y my, Kani pri mang y awm nai Tameuh ly mana khala py phra pajau y nai pri harei palum ai. Huni pri ai mana khala py taphra pajau y ai. Huni pri ly takhra prichi ai taphra chum baly, khaw jojo ai.

DANIELA 8:25

Ati mana nai mo na baly ni ly tau awm nai khumi ne nai deaungkho y, li-tapawp naichira y eaung ai. Ni ly amlyh am-e iy khumi neangneangchi ai athang khai y naimy padei ai. Ni ly samrang leilachi i samrang ai malawn py tiu ai. Na i py ni ly khumi i kiu y ny y naimy, phra naira avum ai.

HAKAI 2:22

pri bawibawichi ai taphra iy, nichi i sa thai naira jum hai ai. Tavai keaungngo ka-richi atang nai keungchi hawi vanrei akhum hai meuh ai; keaungngochi ly dei ai. Keaungngo atang nai risachi py, mychi tengtawi atleh u ai.

ZEKHARIAH 12:3

Na i py huni neng khala y kai ly Jerusalem mary ai, ji parai nai lengseaung pui kamta lawm hai ai. Huni lengseaung pui ai atho sa iy kateang nai khumichi ly no nga u ai. Khaileaung pri y awm nai khumi cheaungkhangchi ly huni mary ai katanmeuh iy tiu u ai.

MALAKHI 1:11

Khaileaung katemra y khrairei, khumichi ly kai ai tahm khai nai palo u bo. Nichi ly meingtym tleirei y mui katuichi patawi iy, paleung ka-nora hawi nai kapathyprachi kai teng y talam u. Nichi bawibawi py kai i amyn palo u bo!

MATTHAI 21:24

Ami my leu ang pei nai mo?” napi. Naibaly Isu my ly nichi teng y, “Kai py nangchi teng y leu sairei kang deng teang ai, huni ly kai ai nangchi my thui pi baly hini kai i atitichi sa nai py ami i leu y sa nai mo, nanai kang thui pi teang ai.

MATTHAI 24:35

Kani khaileaung ly tama ai i, kai i leu ly tamo y ai.

LUKA 17:20

Naibaly Pharisaichi my Tameuh i peang nai tym ai nai neng deng nai deaungkho y ni ly mymychi teng y, “Tameuh i peang nai ly niu thai naira y tym y leang;

Leu Thui Nai 10:17

Nangchi i Areng Tameuh ly tameuh bawibawichi hawi areng bawibawichi tleaung y py len keh. Areng ly nang parai iy sa thai naira angym nai Tameuh, tahm khai iy jei kaji ai hawi nai Tameuh ne. Mymy ly khumi ai patleh takhra y i, un py cho y nai ne.

AMTENG HAI NAI 1:19

Hunaibaly nang i atiti niu chum naichi hawi, vai atiti awm naichi hawi, vai momang y atiti awm ai naichi i satang py tajiu;

AMTENG HAI NAI 19:17

Naibaly kanito y angdo nai kani pri i amtaw thau nai leaungrei ai kaniu; naibaly ni ly kani laileaung y angkheng nai tavo bawibawichi teng y ly tao pajeng parai naimy,

AMTENG HAI NAI 4:1

Huni bo y kai ly khen i, khen cham kani pri y katheu am-eaung nai ne, naibaly kai i thai man nai raawi ly baw katyn ka-tawm kai teng y atiti thui pi nai ly, “Hi y jeu kalau, vai momang y atiti tym ai nai tla naichi ly kang khen hai ai mang,” napi.