DANIELA 2:44 - Khumi Common Language Bible

⁴⁴ Salo mang i samrangchi peang nai thym khala y my, Kani pri mang y awm nai Tameuh ly mana khala py phra pajau y nai pri harei palum ai. Huni pri ai mana khala py taphra pajau y ai. Huni pri ly takhra prichi ai taphra chum baly, khaw jojo ai.

DANIELA 2:44 Iomraidhean Croise

ATITI AWM ANGCHEI NAI 49:10

Juda ly samrang i tivi syn ai; ni i kangpreangchi teng y peang naira haiho awm jojo ai. Cheng cheaungkhangchi ly ni teng y langseaung pei u ai. Ni i leu tangai u ai.

2 SAMUELA 7:13

Ni ly kai i vui Achura Yhm sa ai nai nga ai. Kai ly ni i samrang atehra khaw hai jojo ai.

2 SAMUELA 7:16

Nang i kangpreang ly mana khala py, myh kang y naimy nang i pri ly deungtasa khaw hai jo ai. Nang i peang nai haiho ly mana khala py jum veng ai ny y,’ nanai leu pei nai amti pi,” napi.

SAM 145:13

Nang i pri ly deungtasarei ne; nang py deungtasarei samrang ne. Areng ly mymy i adeu naichi khaw hai iy, sa nai ngiereichira y tamen naira amteng nai ne.

ISAIA 60:12

Na i py nang i kalop sa ai nai ngai y nai khumichi ly tamyh pawn nai avum u ai.

Ezekiela 37:25

Nichi ly mychi i amsi pajochi awm reng nai pri, kai i miseaung Jakob teng y kaimy pei nai pri y awm u ai. Nichi kamta nichi i cho chanauchi hawi, nichi i kangpreang bawibawichi py, huni pri y awm u jojo ai. Kai i miseaung Davida kamta samrang ly nichi ai peang jojo ai.

DANIELA 2:28

Na i py thiu parai nai saichi ai pany hai nai Tameuh ly kani pri mang y awm. Huni Tameuh ly mo mang i neng y mana tym ai mo, nanai samrang nang pany ai nai pei bo. Samrang nang i nai thym khala y, niu nai amang ly vai, kaimy thui pi ai.

DANIELA 2:34

Samrang nang ly huni khumi myn pui ai khen nai thym khala y, lengseaung pui harei ly mawi i dengdairei, alyly naimy amli kathiu iy tamo hawi laikan sa nai myn pui i kheu y amli hai i, tleu piupa hai bo.

DANIELA 2:35

Naibaly tlenrei khyhmy tamo hawi laikan py, kheupaja py, tangka hawi mukuchi py, dei lawm vui bo. Hunichi ly kani pui y choh atyhra meingtym i spryh kamta, ali aho nai kamrawi y ahei pawn bo. Ati sai py lawi amny y na pa-rei, hm pawn nai ne. Na i py lengseaung pui ly khaileaung verei y kawi nanai mawi pui lawm bo.

DANIELA 2:37

Samrang awi, nang ly samrang leilachi theung y len keh nai ne. Kani pri mang y awm nai Tameuh ly nang ai empara samrang lawm ai nai sa thai naira hawi phum-angchi kawi hai bo.

DANIELA 2:43

Tamo hawi laikan katlen piupa nai py, nang i niu nai kamta, huni empara pri ai peang nai samrangchi ly mychi yhm dengtheung tengtawi apom nai molam y, amkawm naira nga ai nai atho sa u ai. Na i py tamo hawi laikan katlen iy ngo y nai kamta, nichi ly amkawm ai nai nga u ai ny y.

DANIELA 4:3

“Tameuh my achi teng y patei pi nai lyh ai nairachi ly khri pa-rei len parai na ly! Mymy i patei pi nai rengrang ka-ma-rachi ly khri pa-rei sa thai naira angym na ly! Tameuh ly deungtasarei samrang ne. Mymy ly khaileaung pri y neng tleirei peang jojo ai.

DANIELA 4:34

Samrang my, “Kai ly saneng saryhrei neng khei nai khala y, kani mang y khen kalau i, khumi paleung nga ali teang nai deaungkho y, nang parai nai Tameuh ai palo bo. Deungtasarei heng nai Tameuh i nang parai nai hawi, sa thai naira ai palo bo. “Mymy ly khaileaung pri y deungtasarei peang ai. Mymy i pri ly deungtasa khrairei awm jo ai.

DANIELA 6:26

Kai i empara pri verei y awm nai khumi bawibawichi awi, nangchi ly Daniela i ym nai Tameuh ai tahm khai u ai nai tla, nanai leu kang pei. “Mymy ly Tameuh kangheng ne iy, deungtasarei peang jojo ai. Mymy i pri ly mana khala py phra ai ny y. Mymy i sa thai naira ly mana khala py, tem ai ny y.

DANIELA 6:27

Mymy ly sabawm nai hawi atleu naimy, kani mang y py, khaileaung pri y py, lyh ai nairachi hawi rengrang ka-ma-rachi patei pi bo. Mymy ly Daniela ai khrangsichi teng i nai atleu bo,” nanai ne.

DANIELA 7:27

Tahm asang parai nai Tameuh i khumichi ly khaileaung pri y awm nai pri bawibawichi i, sa thai naira hawi phum-ang nga u ai. Nichi i sa thai naira ly mana khala py, tama vui ai ny y. Khaileaung pri i samrang bawibawichi py, nichi i miseaung y awm ai i, nichi i leu tangai u ai,” nanai thui pachai pi bo.

DANIELA 8:25

Ati mana nai mo na baly ni ly tau awm nai khumi ne nai deaungkho y, li-tapawp naichira y eaung ai. Ni ly amlyh am-e iy khumi neangneangchi ai athang khai y naimy padei ai. Ni ly samrang leilachi i samrang ai malawn py tiu ai. Na i py ni ly khumi i kiu y ny y naimy, phra naira avum ai.

MIKHA 4:7

Nichi ly kheu tabai naimy, yhm i dengdairei kamlora y tym u nai ne. Na i py kai ly dei kamthumchi ai atho awm nai khumichi lawm hai ai. Kai ly Zion mawi salo y nichi ai, vai i dengdairei deungtasa khrairei ka-peang ai,” napi.

HAKAI 2:22

pri bawibawichi ai taphra iy, nichi i sa thai naira jum hai ai. Tavai keaungngo ka-richi atang nai keungchi hawi vanrei akhum hai meuh ai; keaungngochi ly dei ai. Keaungngo atang nai risachi py, mychi tengtawi atleh u ai.

HAKAI 2:7

Khumi cheng cheaungkhangchi ai taphra pawn ai. Huni khumichi i muku tangka, yhmtheaungchi ai, hini meingtym y khumichi ai syn hai ai. Achura yhm py muku tangka, yhmtheaungchi hawi kawi naimy awm ai, nanai ati cheaungkhang sa thai nai Areng my leu pei bo.

MATTHAI 28:18

Hunaibaly Isu ly nichi teng y chei i, nichi hawi arum iy, “Kani y hawi khaileaung y py aly peang naira bawibawi ly kai teng y ang pei nai bo.

JOHAN 12:34

Naibaly khumi mipuichi ly ni teng y, “Krista ly deungtasa khairei awm jo ai, nanai Reita theung i nai kaichi thai bo; Khumi i Chapo ai dang ai nai tla, nanai ly ati mana nai sai mo? Hini Khumi i Chapo ly ami mo?” nanai pathang.

HEBRAI 12:28

Hunaibaly achi ly tahyn pajau y nai pri nga nai deaungkho y kawn u sina; huni i saho y achi ly kaji nai hawi tahm khai nai tarawi y Tameuh i kawn nai kalop sa thai:

AMTENG HAI NAI 11:15

Naibaly kani pri i amtaw thau nai saryh i nai ly eng i, “Khaileaung pri y peang naira ly achi i Tameuh hawi mymy i Krista i peang naira lawn bo; mymy ly deungtasarei peang jojo ai,” nanai kani mang y ly raawi pajeng parai naichi theu tamangtang bo.

AMTENG HAI NAI 2:27

kai ly Ngaai teng i dengdairei kanga nai kamta, ni py tamo cheaungvawi y ang peang ai i, nichi ai ly laawm beu nai keung i laawmchi kamta kawi piupa ai: