DANIELA 2:4 - Khumi Common Language Bible

⁴ Huni khumichi my Arami leuhawi pathang nai ly “Samrang nang ly heng sau sy! Nang i amang thui pi cham; kaichi my thui pachai pi ai,” napi u.

DANIELA 2:4 Iomraidhean Croise

ATITI AWM ANGCHEI NAI 31:47

Labana ly huni leungcheng ai Jekar Sahadutha, nanai amyn pathi i, Jakob my ly Kaleed, na nai amyn pathi bo.

ATITI AWM ANGCHEI NAI 41:8

Khawn khutawi nai khala, samrang ly paleung mawn parai i, Aikupta pri y awm nai atam kakawpchi hawi khumi kacheng bawibawichi ai palau hai bo. Samrang ly mymy i amang amang naichi, huni khumichi teng y thui pi, na i py ami py thui pi pachai thai y.

1 ARENG KEH 1:25

Vaini my ni ly maichamra y chei iy si katai, beram, sicho veung hawi naichi hawi apathyp bo. Ni ly nang i chapo bawibawichi hawi, nang i tavailu areng Juaba hawi, pathyp pi nai keung Abiatha ai py heang i, vai i neng y nichi ly Adonijah hawi vanrei cha nei u iy, ‘samrang Adonijah heng sau sy!’ nanai aeu u bo.

1 ARENG KEH 1:31

Bathaseba ly lu meung naimy, “Kai i areng, kai i samrang ly heng sau sy!” nanai thui.

2 ARENG KEH 18:26

Huna nai khala Eliakim, Sebana, Joahchi ly huni miteaung keh teng y, “Areng awi, Aramai leu hawi kaichi ai leu pei ba. Huni leu ly kaichi pany thai; Hebrai leu teaung moh ba. Mary apai salo i khumi bawibawichi tangai u bo,” napi.

EZARA 4:7

Hunaibaly Pasia empara samrang Artazeret my peang nai khala y Bishalam, Mithreda, Tabeel hawi nichi i ahawichi ly samrang teng y cha pei pi u nai ne. Huni cha ai ly Aramileu hawi tapeang iy phain pi bo.

NEHEMIA 2:3

“Samrang nang ly deungtasarei heng sau na sy; kai i amsichi ai up nai mary ly phra seaungkhrang bo i, mary apaichi py mai y kang pawn nai deaungkho y, kai ly mana nai meimai kahawi awm pajau ai mo?” kanapi.

ISAIA 36:11

Huna nai khala y Elijakim, Shebana hawi Joahchi ly huni tavailu areng teng y, “Arami cheng leu hawi kaichi ai leu pei ba. Huni leu kaichi ly thai kawp; Hebrai cheng leu hawi thui pi moh. Mary apai salo y awm nai khumichi tangai u bo,” napi.

ISAIA 44:25

Kai ly leung sarachi ai kamthu lawm hai iy, ka-si kamhi pany nai keung i thui naichi phra hai bo. Khumi kachengchi i leu ei vui iy nichi i cheng naira ly ka-khum teu, nanai pany hai bo.

DANIELA 1:4

mo-cha hawi nai, tau cheng nai, ami tleaungtha cheng nai, kiu kheu tabai y nai, kawp nai sai rai y nai, huna nai leaungsaichi hawi angym iy, samrang i yhm y kalop sa pajau ai nai, thawndeang kacheng phyreichi ai vawi takhra ai nai leu pei bo. Nichi ai Babulon cheng leu phain kawp, tajiu kawp ai nai Asapenaza my patiu pi ai nai leu pei nai ne.

DANIELA 2:7

Huni khumichi my, “Samrang nang i amang theu nai kaichi teng y thui pi baly, kaichi thui pachai pi ai,” nanai thui u taleang bi bo.

DANIELA 3:9

Samrang Nebukhadnezar teng y, “Samrang awi, nang ly heng sau sy!

DANIELA 4:19

Naibaly Beltesazar napi nai Daniela ly khri pa-rei kaso theu nai deaungkho y, leu py katheu thai y na bo. Samrang my, “Nang Beltesazar awi, amang hawi amang i awm nai sai molam y kaso theu moh,” napi baly, Beltesazar my, “Samrang awi, huni amang hawi awm nai sai ly nang i vui ny y naimy, nang i paleung ka-echi i vui ne sy.

DANIELA 4:7

Hunaibaly awm nai ngierei, leung sarachi, mei amhyp sarachi, atam sarachi hawi ka-si lo kamtlau kane kawp naichi ly kai i mo y tym u nai ne. Kai ly nichi teng y kai i amang thui pi teu i py, nichi ly huni amang i awm nai sai, thui pi pachai thai y.

DANIELA 4:9

Kaimy ni teng y, “Leung sarachi i len keh nai Beltesazar awi, nang teng y chai parai nai tameuhchii phailo awm nanai py, thiu parai nai ati cheaungkhangchi ai nang ly pany thai nanai py, kai pany. Amang mang y kai i niu nai tangai iy, mo mang i satang kai teng y thui pi pachai ba.

DANIELA 5:10

Amhm samrangnu ly samrang hawi bangtangchi thui nai leu thai nai deaungkho y, cha nei pawi sa nai hall theung mang y kun i, “Samrang awi, nang ly heng sau sy! Hina tanrei paleung adi adiu nai hawi meimai takhuisui nai awm moh.

DANIELA 5:8

Samrang i tau pei nai miteaung kehchi tym u i py, huni cha ai ami py phain thai y. Huni cha i awm nai sai py, samrang teng y thui pi u thai y.

DANIELA 6:21

Daniela my, “Samrang awi, nang ly heng sau sy!

DANIELA 6:6

Naibaly nichi ly samrang teng y tym u i, “Samrang Dari awi, nang ly heng sau sy!

DANIELA 6:7

Samrang nang my leu pei nai harei thai hai ly huni leu pei nai ai khumichi my tangai iy sa khyp ai nai, lu sa nai kamkawmchi, bangtang kalenchi, pa-nyh bangtang kalenchi hawi tau pei nai miteaung kehchi napi nai, hini pri y lu sa nai keung kaichi bawibawi leu adyh nai ne. Kani phairei sala y ami py, samrang nang ai ny y baly takhra khumi teng py, tameuh teng py, chiu sa lawh baly, huni khumi ai khrangsi paeung nai angawm theung y aphi ai, nanai leu pei ba.

MATTHAI 21:9

Naibaly mymy i mo mang y tako nai hawi mymy ai hui nai khumi mipuichi ly, “Tameuh my Davida i chapo ai tahm pasang sy; Areng i amyn y jeu nai ly tahm hawi; salo mang i nai ly Tameuh my ni ai amtheaung hai sy,” nanai aeu u.

1 SAMUELA 10:24

Samuela my khumichi teng y, “Areng my vawi takhra nai ly hini khumi ne he! achi theung y ni hawi atawm nai khumi leaungrei py by y,” napi. Khumi bawibawichi my py, “Samrang ly heng sau sy!” nanai aeu u bo.