DANIELA 2:34 - Khumi Common Language Bible

³⁴ Samrang nang ly huni khumi myn pui ai khen nai thym khala y, lengseaung pui harei ly mawi i dengdairei, alyly naimy amli kathiu iy tamo hawi laikan sa nai myn pui i kheu y amli hai i, tleu piupa hai bo.

DANIELA 2:34 Iomraidhean Croise

SAM 118:22

Yhm sa nai khumichi my khai su nai lengseaung ly aly len keh nai taki i lengseaung lawm bo.

ISAIA 28:16

Vai, ati cheaungkhang sa thai nai keung Areng my leu pei nai ly “Kai ly Zion y khaw parai pa-rei langdeng kapala ai. Kai ly ‘Hawihai palai ym naimy athang khai nai khumi ly kham tanga naimy ajeng nai ne,’ nanai tajiu typ nai cha abawi nai, khaw parai nai taki i lengseaung ai py, huni langdengra y khai pi ai.

ISAIA 60:12

Na i py nang i kalop sa ai nai ngai y nai khumichi ly tamyh pawn nai avum u ai.

ISAIA 8:9

Nangchi pri takhra khumi bawibawichi awi, jei hyn naimy akachu u! Kamlora i khumi bawibawichi awi, tangai u! Tavai atiu ai nai angvei u rym. Na i py kaso theu u! Nangchi ly huna nai angvei u rym teu i py, jei hyn u nai ne.

Ezekiela 32:28

Aikupta khumichi ly tavai keung y dei nai lengkhym takip y nai khumichi hawi vanrei, sum naira avum nai ly hina nai kamta ne.

Ezekiela 47:5

Ni ly miu sangrei pata bi nai khala, kai angpeang pajau y nai tavo harei lawm bo. Huni tui ly thiu parai nai deaungkho y, kai ly kheu apho y i, jau ai nai tla bo.

DANIELA 2:33

Kheu pawm ly tamo hawi sa nai ne i, kheu pakhi hawi kheu padawichi ly tamo ka-hyhrei, laikan ka-hyhrei ne.

DANIELA 7:27

Tahm asang parai nai Tameuh i khumichi ly khaileaung pri y awm nai pri bawibawichi i, sa thai naira hawi phum-ang nga u ai. Nichi i sa thai naira ly mana khala py, tama vui ai ny y. Khaileaung pri i samrang bawibawichi py, nichi i miseaung y awm ai i, nichi i leu tangai u ai,” nanai thui pachai pi bo.

DANIELA 8:25

Ati mana nai mo na baly ni ly tau awm nai khumi ne nai deaungkho y, li-tapawp naichira y eaung ai. Ni ly amlyh am-e iy khumi neangneangchi ai athang khai y naimy padei ai. Ni ly samrang leilachi i samrang ai malawn py tiu ai. Na i py ni ly khumi i kiu y ny y naimy, phra naira avum ai.

ZEKHARIAH 12:3

Na i py huni neng khala y kai ly Jerusalem mary ai, ji parai nai lengseaung pui kamta lawm hai ai. Huni lengseaung pui ai atho sa iy kateang nai khumichi ly no nga u ai. Khaileaung pri y awm nai khumi cheaungkhangchi ly huni mary ai katanmeuh iy tiu u ai.

ZEKHARIAH 4:6

Kani pri amtaw thau naimy kai teng y, “Nang ly Zerubabela teng y Areng my pei nai hini satang thai hai ba. Mymy ly ni teng y, nang ly nangmy i sa thai naira haiho hawi py, tavaimi kamkawm atho hawi py, hina nai sa ai ny y. Na i py kai i phailo atho hawi naini sa pajau ai.

MATTHAI 16:18

Naibaly kang thui pi, nang ly Petera ne, naibaly hini lengseaung pui tleaung y ly kai i palau takhra kamkawm kapadyh kalau ai i, tavau kho i apai katheu pa-kho my ly huni ai pajau y ai.

JOHAN 1:13

nichi ly thi i tapen nai py ny y, tlang i kangai y tapen nai py ny y, khumi i kangai y tapen nai py ny y, Tameuh i tapen nai teu.

AMTAW 4:11

Nangchi yhm sa nai keungchi i lengseaung tahm khai y nai, taki i lengseaung avo keh lawn nai ly mymy ne nai bo he.

II KORINTH 5:1

Ati mana nai mo nabaly achi i awm nai khaileaung i yhm ly aphrei iy py, kani mang y kiu so y nai, deungtasarei awm ai nai, Tameuh teng i yhm awm, nanai achi pany.

HEBRAI 9:24

Krista ly kiu y sa nai Meingtym Kachai, meitang atawm hai naira y kun y leang; na i py vai ly Tameuh i mo y achi i jeng y angdo ai nai kani mang kypkyp y kun lawh veng;

I PETERA 2:7

Hunaibaly nangchi ym naichi i vui ly mymy ly vang teng parai nai ne; ym y naichi i vui naini, “Yhm sa nai keungchi i lengseaung ngai y nai ly, Huni kypkyp ai ly taki i lengseaung avo keh nai palawn bo,” nanai hawi,

AMTENG HAI NAI 11:15

Naibaly kani pri i amtaw thau nai saryh i nai ly eng i, “Khaileaung pri y peang naira ly achi i Tameuh hawi mymy i Krista i peang naira lawn bo; mymy ly deungtasarei peang jojo ai,” nanai kani mang y ly raawi pajeng parai naichi theu tamangtang bo.

AMTENG HAI NAI 17:14

Hunichi ly Beram Cho ai tiu ai i, Beram Cho ly arengchi i Areng, samrangchi i Samrang ne nai deaungkho y nichi ai pajau ai: mymy teng y awm naichi py, palau nai, vawi takhra nai, ka-ym awm naichi ly pajau u teang ai,” napi.