DANIELA 2:27 - Khumi Common Language Bible

²⁷ Daniela my, “Samrang awi, nang i deng nai leu pathang pajau nai leung sara, amo leu kawp sara, atam sara, vawinam patheu kawp sara by y leang.

DANIELA 2:27 Iomraidhean Croise

ATITI AWM ANGCHEI NAI 40:8

Nini my, “Kaini ly amang amang akyhkyh nai ne; na i py amang thui pi pachai pajau nai keung leaungrei py by y,” napi. Josepha my, “Tameuh my naini amang thui pachai pajau ai nai chengra pei pajau khyh, nangni i amang kai teng y thui pi cham,” napi.

ATITI AWM ANGCHEI NAI 41:8

Khawn khutawi nai khala, samrang ly paleung mawn parai i, Aikupta pri y awm nai atam kakawpchi hawi khumi kacheng bawibawichi ai palau hai bo. Samrang ly mymy i amang amang naichi, huni khumichi teng y thui pi, na i py ami py thui pi pachai thai y.

ISAIA 19:3

Kai ly Aikupta chengchi i dawn pasym naichi phra hai iy, nichi i paleung ka-dawn py phra hai ai. Nichi ly mychi i chiu nai mynchi teng y, kasabawmra hnei u ai. Vawinam pakun kawp naichi teng y chei iy leu deng ai i, khumi kadeichi i phailochi teng y katau hnei u ai.

ISAIA 44:25

Kai ly leung sarachi ai kamthu lawm hai iy, ka-si kamhi pany nai keung i thui naichi phra hai bo. Khumi kachengchi i leu ei vui iy nichi i cheng naira ly ka-khum teu, nanai pany hai bo.

JEREMIA 10:7

Khumi cheng cheaungkhangchi i samrang lawm nai nang ai tahm khai y nai ami awm ai mo? Nang ai tahm khai ai nai ataing parai nai ne. Khumi cheng cheaungkhangchi theung i khumi kachengchi theung y py, nichi i samrangchi theung y py, nang hawi atawm nai leaungrei py by y.

DANIELA 1:20

Samrang ly mani leu deng nai py ne sy, mani rai nai py ne sy, huni khumi leaung palyhreichi ly pri verei y awm nai leung kakawpchi, atam kakawpchi tleaung y phy horei pany kawp nai niu.

DANIELA 2:2

Hunai deaungkho y mymy ati amang theu nai mo, nanai thui pi ai nai leung kawp naichi, atam kakawpchi, vawinam pakun kawp naichi, uimiu khawn naichi ai palau hai bo. Nichi ly samrang i mo y tym u nai khala y,

DANIELA 4:7

Hunaibaly awm nai ngierei, leung sarachi, mei amhyp sarachi, atam sarachi hawi ka-si lo kamtlau kane kawp naichi ly kai i mo y tym u nai ne. Kai ly nichi teng y kai i amang thui pi teu i py, nichi ly huni amang i awm nai sai, thui pi pachai thai y.