DANIELA 2:11 - Khumi Common Language Bible

¹¹ Samrang nang i deng nai ly khri pa-rei rai nai deaungkho y, tameuhchi ny y baly ami py pathang pajau ai ny y. Tameuhchi py khumichi hawi vanrei awm nai ny y leang,” napi u.

DANIELA 2:11 Iomraidhean Croise

ATITI AWM ANGCHEI NAI 41:39

Samrang my Josepha teng y, “Tameuh my nang teng y hini atitichi ang patei pi nai ne, nang kamta niu thai nai, dawn thai nai, cheng nai khumi ami py by y leang.

ATITI AWM ANGCHEI NAI 41:8

Khawn khutawi nai khala, samrang ly paleung mawn parai i, Aikupta pri y awm nai atam kakawpchi hawi khumi kacheng bawibawichi ai palau hai bo. Samrang ly mymy i amang amang naichi, huni khumichi teng y thui pi, na i py ami py thui pi pachai thai y.

1 ARENG KEH 8:27

“Na i py aw Tameuh, nang ly hini khaileaung salo y awm angchi khyp ai a? Kani pri verei malawn py nang awm ai nai meingtym kau y leang. Hunai deaungkho y kai i sa nai hini Achura Yhm ly nang awm ai nai mana kau ai mo?

2 NENG SATANG 6:18

“Na i py aw Tameuh, nang ly khaileaung salo i khumi neampacho, neampachychi theung y awm pajau na a? Kani khusang malawn py nang awm ai nai akeaung y na baly, kai i sa nai Achura yhm ly mana akeaung ai mo?

SAM 132:14

“Kai ly hini mary y kaawm jojo ai; kai ly hini mary ai peang ai nai ngai.

SAM 68:18

Mymy ly langheng hawi naichi ai hawi iy, asang nai meingtym mang y lyn kalau bo; mymy ly tiu nai khumichi teng i langseaungchi nga bo. Areng Tameuh ly huni meingtym y awm ai.

THEU NAI 29:45

Kai ly Israela cheng theung y kaawm hai ai i, kai ly nichi i Tameuh lawm ai.

THEU NAI 8:19

Huna nai khala atam kakawpchi my samrang teng y, “Hini ly Tameuh my sa nai ne!” napi. Na i py samrang ly paleung tang cheng jojo i, Areng my thui nai kamta, Mosi nini Aron i leu tangai pi y nai ne.

ISAIA 47:12

Nang i atam naichi hawi laphawichi arawi yb. Nang ly hunichi ai deaungdichy khala i ka-so teaung nai ne. Hunichi my nang ai ang sabawm lym ai. Nang i paleung ka-echi ai py, patheu pajau tan pajau lym ai.

ISAIA 57:15

“Kai ly deungtasarei heng nai Tameuh, tahm asang iy chai parai nai Tameuh ne. Na i py kai ly chai parai nai salo kangteng y awm nai ne teu i py, paleung phra nai khumi, paleung apanem nai khumichi ai paleung hawi phailo atho nga ali teang ai nai nichi teng y kaawm hai.

ISAIA 8:18

Areng my kai ai ang pei nai cho chanauchi hawi vanrei, kai ly hi y awm nai ne. Zion mawi salo y awm nai ati cheaungkhang sa thai nai Areng ly kaichi ai Israela chengchi i vui y leu pei nai kamta heng ai nai lawm hai bo.

DANIELA 4:4

Kai, samrang Nebukhadnezar ly yhm y paleung awmnem naimy awm nai thym khala y i ngym i,

DANIELA 5:11

Nang i pri theung y chai parai nai tameuhchi i phailo kawi nai khumi leaungrei awm. Ngampo samrang deung khala y, huni khumi teng y cheng naira hawi lulip pany nai, tameuh kamta cheng nanai pa-rei amthang nai ne. Ngampo samrang Nebukhadnezar ly ni ai leung sara, atam sara, vawinam pakun kawp nai sara, vawinam patheu kawp nai sara hawi amo sarachi i, miteaung keh y palyn pi bo.

Kati Nai 35:34

Kai ly Areng ne iy, Israela khumichi theung y kaawm hai nai ne; hunai deaungkho y nangmychi i pri ai amneaung hai moh,” napi.

MATTHAI 19:26

Naibaly Isu ly nichi ai khen i mymychi teng y, “Huni ly khumichi i vui ly sa pajau ai nai aveng; Areng Tameuh naini ati cheaungkhang sa thai,” napi.

JOHAN 1:14

Naibaly Leu ly ngan lawn i, pahen naira hawi leu meitang hawi kawi iy, achi teng y awm bo: Ampo i Chapo leaungrei awm khyh nai nang parai nai sai kamta, achi ly mymy i nang parai nai sai niu bo.

JOHAN 14:17

Huni ly Leu Meitang Phailo ne: khaileaung prichi ly mymy ai niu y nai hawi pany y nai deeaungkho y ngothai y; nangchi ly ni ai pany, ni ly nangchi teng y awm jo i, nangchi i paleung theung y py awm ai.

JOHAN 14:23

Isu my ni teng y, “Ami py kai ai tamen baly kai i leu pei nai tangai ai; Ngaai my ni ai tamen ai i kaini my ni teng y jeu ai, ni teng y py awm jo ai.

II KORINTH 6:16

Naibaly Tameuh i achura yhm ly mynchi hawi ati aly naira awm mo? Achi ly Tameuh kangheng i achura yhm ne; Tameuh my ly, “Mymychi teng y kaawm ai i, mymychi teng y kapavai ai; naibaly kai ly nichi i Tameuh ne ai i, nichi py kai i khumichi lawn ai,” napi nai kamta ly.

AMTENG HAI NAI 21:3

Naibaly areng atehra theung i dengdairei ly raawi pajeng naimy, “Khen cham, Tameuh i awm naira ly khumichi theung y awm bo: mymy ly nichi teng y awm hai ai i, nichi py mymy i khumichi lawm ai; Tameuh kypkyp my ly nichi teng y awm hai ai i, mymy ly nichi i Tameuh lawn ai.