DANIELA 12:7 - Khumi Common Language Bible

⁷ Huni kani pri amtaw thau nai ly kiu nyhrei kani mang y pheu iy, deungtasarei heng nai Tameuh i amyn y vaineng abeu nai ly “Huni ly saneng thomrei bo y lo tariurei ateng ai. Tameuh i khumichi avum nai, ana nai leaungsaichi tem nai neng khala y, hini leaungsai bawibawichi py tem ai,” nanai thui nai kathai bo.

DANIELA 12:7 Iomraidhean Croise

ISAIA 62:12

Nangchi ly “Tameuh i chai parai nai khumichi,” “Areng i atleu nai khumichi,” nanai ang palau ai. Jerusalem mary ai, “Tameuh i tamen nai mary pui,” “Tameuh my khai su y nai mary pui,” nanai amyn palau nai avum ai.

JEREMIA 4:2

kai i amyn y tau iy vaineng abeu nai ly kataw kateng lawm ai. Huna nai khala y khumi cheng cheaungkhangchi ly mymychi amtheaung naira nga ai nai hnei takeng u ai. Kai ai py palo u ai,” napi.

Ezekiela 20:5

Kai Areng my ati mana leu pei mo, nanai py thui pi. Israela chengchi ai kaimy vawi takhra iy, Jakob i nupaichi theung y kaimy leu adeu pi bo. Kai ly Aikupta pri y nichi teng amteng iy, kai ly nichi i Areng Tameuh ne, nanai adeu pi bo.

DANIELA 10:5

Naibaly angdeang iy khen nai khala, ateaung kanem amthyp iy, muku khobai akawm nai khumi leaungrei ai kaniu.

DANIELA 11:13

“Suria samrang ly tavai athawn chum baly, vaichi khala i tleaung y atho awm nai tavaimi kamkawm pui harei kachu ai. Ni ly neng avo nai khala y, tavai ateaung kangym aeng yb nai tavaimi kamkawm pui hawi tavai thau ai.

DANIELA 12:6

Leaungrei my tavo syh mang angdo nai kani pri amtaw thau teng y, “Hini lyh ai hawi parai nai leaungsaichi ly ati mana khala tem ai mo?,” nanai deng.

DANIELA 12:8

Ni i thui pi nai leu thai teu i py, kai ly pany thai y nai deaungkho y kai ly “Na i py areng awi, huni leaungsaichi ly mana khala tem ai mo?,” nanai deng.

DANIELA 4:31

Huna nai thui nai leu tem y rai khala y my, kani mang i raawi ly “Aw samrang Nebukhadnezar awi, kai i thui nai leu tangai ba. Nang i pri ai nang teng i nai, kaimy la vui bo.

DANIELA 4:34

Samrang my, “Kai ly saneng saryhrei neng khei nai khala y, kani mang y khen kalau i, khumi paleung nga ali teang nai deaungkho y, nang parai nai Tameuh ai palo bo. Deungtasarei heng nai Tameuh i nang parai nai hawi, sa thai naira ai palo bo. “Mymy ly khaileaung pri y deungtasarei peang ai. Mymy i pri ly deungtasa khrairei awm jo ai.

DANIELA 7:21

Kai ly khen nai thym y huni taki katheang ly Tameuh i khumichi ai tiu amteaung i, pajau vui bo.

DANIELA 7:25

Ni ly tahm asang parai nai Tameuh ai ka-awi leu katheu iy, mymy i khumichi ai ana ai. Ni ly Tameuh i khumichi i reita pawichi hawi reita leaungsaichi py, takhra hai vui ai nai atho sa ai. Tameuh i khumichi py, ni i sa thai naira anui y saneng thomrei bo y lo tariurei awm u ai.

DANIELA 8:14

Pa-nyh i kani pri amtaw thau my pathang nai ly “Kani 2,300 rei kra ai. Huna nai neng khala y, dym, khawn apathyp naichi sa u ai ny y. Naibaly Achura yhm ai ly palum pachai teang ai,” napi.

DANIELA 8:24

Ni ly mymy i haiho by y pui naimy, sa thai naira awm ai. Ni ly ka-jei hawi nai tleh nai, taphra naichi sa iy ati mo sa i py eaung ai. Ni ly sa thai naira awm nai khumichi hawi Tameuh i khumichi ai taphra ai.

LUKA 21:14

Naibaly nangchi i tlau ai nai leu dawn u rym y ai nai, nangchi i paleung hawihai khaw u.

LUKA 21:24

Naibaly nichi ly haisau bo y dei ai i, cheng cheaungkhangchi teng y miseaung y hawi ai; naibaly Cheng Takhrachii neng angym y ryrei ly Cheng Takhrachi my Jerusalem ai ly chiu nai tli ai.

Leu Thui Nai 26:19

Mymy ly mymy i sa nai khumi cheng bawibawichi tleaung y, nangchi ai cheng kalen lawm hai ai. Nangchi saho y mymy i nang parai nai sai tahm asang ai. Mymy i adeu nai kamta nangchi ly mymy i khumi lawm u ai,” napi.

Leu Thui Nai 32:36

Areng ly mymy i khumichi atho kheih nai, paha nai niu nai khala atleu ai. Mymy teng y ahihawi iy chiu nai chiu nai khumichi jeaungmang nai niu nai khala, nichi ai pahen ai.

Leu Thui Nai 32:40

Kai ly deungtasarei heng nai keung ne khyp i, kai ly kani mang y kiu pheu iy katauh bo.

Leu Thui Nai 7:6

Nangchi i Areng Tameuh ly nangchi ai peang nai deaungkho y, huna nai sa ai nai tla. Khaileaung pri y awm nai khumi cheaungkhangchi theung i nangchi ai, mymy i khumi y palawn ai nai Areng my vawi patyp nai ne.”

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;

AMTENG HAI NAI 12:14

Naibaly neampachy ly daichi ka-vym y mymy i meingtym y angkheang iy, pavui i niu pajau y naira y neng hawi, nengchi hawi, neng ka-hyhrei sala y py mymy ai pacho thai ai nai mymy teng y ahm pui pakhi angvawi amtang pei bo.

AMTENG HAI NAI 12:6

Naibaly mymy ai ly kani sang atlo chungvai nyh pa-thom vui tariurei sala y pacho thai ai nai, neampachy ly daichi ka-vym y, Tameuh i sa rym nai meingtym y angpreng vui.

AMTENG HAI NAI 13:5

Naibaly leu akawi kalen hawi Tameuh ai thui tamawn nai leu thui nai labeaung ni teng y pei bo: naibaly lo vui palyh pa-ngo lo nyhrei sala y aly peang ai nai ni teng y leu au bo.

AMTENG HAI NAI 4:10

huni miteaung keh leaung apom phai palyhreichi ly areng atehra tleaung y ateh nai keung i mo y ly kheukhudi nai meung u i, deungtasarei heng jojo nai keung ai chiu hai; naibaly nichi i areng lukhym ly areng atehra mo y khai iy,

AMTENG HAI NAI 4:9

Naibaly huni heng nai amjychi ly areng atehra tleaung y ateh nai deungtasarei heng jojo nai keung ai palo nai hawi tahm pasang nai hawi, kawn nai leu thui nai khala y ly,