DANIELA 12:10 - Khumi Common Language Bible

¹⁰ Khumi neangneangchi ly paleung chai u ai. Khumi hawi y naichi ly pany thai naira by y i, hawi y naira sa u veangveang ai. Khumi kacheng naini, pany thai naira nga ai.

DANIELA 12:10 Iomraidhean Croise

SAM 107:43

Khumi kachengchi ly huni atitichi ai, paleung theung y pateung me iy, Areng i khaw parai nai tamen nai satang dawn u pasym sy.

SAM 51:7

Kai i kamngo nawi su pi veng ba; hunaibaly kai ly chai ai. Kai ai paju pachai pi kyh ba; hunaibaly kai ly ji tleaung y kaleung ai.

LEU KACHENG 1:5

Hini leu kachengchi ly khumi kachengchi ai, cheng tleaung cheng haira ai.

ISAIA 1:18

Areng my, “Vai, nangchi i sa nai sai adawn pasym u sina. Nangchi ly kamngo thi akau naimy awm. Na i py kai ly nangchi ai ji amai kamta kaleung pa-rei paju pachai pi ai. Nangchi ly kamngo thi hawi pasen na teu i py, palopi kamta kaleung hai ai.

Ezekiela 36:25

Kai ly nangchi ai tui kachai hawi katheng iy, nangchi i mynchi hawi nangchi ai chai hai y nai ngiereichi ai py chai hai bawibawi ai.

Ezekiela 47:11

Na i py pangli kadei tui peang y awm nai aneaung laikanchi hawi tui sampumchira y ly tui chai y ai i, palawi theu naira lawm ai.

DANIELA 11:33

Mipuichi ai lu sa nai khumi kachengchi ly mipuichi ai pahawi iy lam patei pi ai. Na i py neng kra kyh nai khala y, nichi theung i khumi phyreichi ly tavai keung y dei iy, phyrei ly mai tamang y veang nai avum u ai. Phyrei khumichi ly lawm nai hawi theaung y paeung nai avum u ai.

DANIELA 11:35

Lu sa nai khumi kachengchi theung i phyrei khumichi ly tleh naira avum ai. Na i py huna nai tleh naira avum u nai molam y, khumichi i paleung ly chai ai. Hunichi ly Tameuh my khai pi nai neng tym pa-rei awm jo ai.

DANIELA 12:3

Lu sa nai khumi kachengchi ly kani mang i kangvang kamta, angvang phang na ai. Khumi neangneangchi ai teng nai kalopchi sa ai nai, thui parip pi nai khumichi py, ka-si taukichi kamta deungtasarei angvang ai,” napi.

HOSEA 14:9

Tau cheng nai khumi hawi dawn pasym thai nai khumichi ly hini cha-iura tajiu nai ngiereichi ai dawn pany thai iy, paleung theung y pateung u me na sy. Areng my khai pi nai reitachi ly teng nai deaungkho y khumi kahawichi ly huni reita lamchi kamta tangai iy, heng u bo. Na i py kamngo sa nai khumichi ly huni reita lamchira y tako u y nai deaungkho y, athei thleaung iy atlym u nai ne.

ZEKHARIAH 13:9

Naibaly kai ly tangka ai mai hawi pachai nai kamta, dei kamthum phy thomrei y phyrei ai pachai ai. Nichi ai cham iy khen ai. Kai ly muku ai cham nai kamta, nichi ai cham ai. Naibaly nichi ly kai teng y chiu sa u ai, Kai py pathang pi ai. Nichi ly kai i khumichi ne, nanai nichi teng y thui pi ai. Nichi my py kai ly mychi i Tameuh ne, nanai pany u ai,” napi.

MALAKHI 3:3

Mymy ly ei chaipyn hai ai nai tangka patlawn nai keung kamta, ang jeu iy tara chih ai. Muku ateaung, tangka ateaung thip kawp nai keung my, muku hawi tangka ai patlawn nai kamta, Areng i amtaw thau naimy ly pathyp nai keungchi ai chai pa-rei sa ai. Huna nai kamta sa nai ly pathyp pi nai keungchi my Areng teng y avo nai kapathyprachi syn pajau ai nai ne.

MARKA 4:11

Naibaly mymy ly nichi teng y, “Tameuh i peang naira leu kathiu ly nangchi nga ai nai ne: angam mang i khumichi i vui naini ati cheaungkhang ly pata nai leu y thui nai teu:

LUKA 24:25

Naibaly ni my ly nini teng y, “Khumi cheng y naichi awi! Amochi i leu thui nai bawibawi ym naira y kapawpchi awi!

JOHAN 18:37

Naibaly Pilata my ni teng y, “Nang ly samrang cham mo?” napi. Isu my, “Nangmy kai ai samrang napi be. Leu meitang pany hai ai nai kai ai tapen nai hawi, khaileaung pri y kang jeu nai tang. Ami py leu meitang awm nai ngierei ly kai i leu tangai,” napi.

JOHAN 7:17

Ami py mymy i kangai sa ai nai ngai nai khumi ly leu patiu nai ly Tameuh i patheu nai mo, kaimy i paseang iy thui nai mo, nanai pany ai.

JOHAN 8:47

Tameuh teng i theu nai ly Tameuh i leu tangai; nangchi ly Tameuh teng i theu nai ny y nai deaungkho y chy bo tangai y nai ly,” napi.

I KORINTH 6:11

Naibaly nangchi phyreichi ly jangni y huna nai khumi ne chy bo; na i py nangchi ly Areng Isu Krista i amyn y hawi, achi i Tameuh i Phailo y py amju bo, nangchi ai ly pachai bo, nangchi ly eaung naira nga bo.

II KORINTH 7:1

Hunaibaly ngai parai naichi awi, achi ly huni leu adeu naichi awm nai deaunkho y, tlang hawi phailo y chai y naira bawibawi apachai u sina; naibaly Tameuh ai tahm khai nai tarawi y chai naira so u angym sina.

TITA 2:14

mymy ly achi i taphra naira bawibawi i dengdairei achi ai atleu thai ai nai hawi, mymy i vui y atiti kahawi sa ai nai dawn kheng naichi, mymy i khumi kypkyp lawn iy amy i kavui y pachai thai ai nai py achi i vui y apei bo.

HEBRAI 12:10

Nichi ly avo, nanai dawn nai kamta kani kra y nai sala chy y achi ai ang parip mang ly ang parip; na i py achi ly mymy i chai naira phy nga thai ai nai, ni my ly achi hawi ai nai ang parip nai ne.

I PETERA 1:22

Amjo amnauchi ai tamen tatang ai nai leu meitang patawm u iy, nangchi i phailo ai chai hai u chum nai deaungkho y paleung y hawihai palai atamen u leungtang:

I PETERA 1:7

Isu Krista amteng nai khala y ly palo naira hawi, nang parai naira hawi, tahm asang naira py lawn thai ai nai, kra y nai sala y parawi naira cheaungkhang deaungkho y nangchi ly paleung mawn u rai.

I JOHAN 5:20

Naibaly achi ly meitang khyp nai keung pany i, mymy i Chapo Isu Krista meitang khyp nai keung y achi awm, nanai ly Tameuh i Chapo ly ang jeu iy achi ai pany thai naira ang nga hai bo. Huni ly Tameuh meitang khyp nai hawi, deungtasarei hengra py ne.

AMTENG HAI NAI 16:11

nichi ly no nai hawi angvawi awm nai deaungkho y py kani pri i Tameuh ai thui tamawn iy, mychi i atiti sa naichi uikhei nai paleung ngo u y leang.

AMTENG HAI NAI 19:14

Naibaly kani pri i atiu ai nai kamkawmchi ly kanih mai ka-syn kangleung hawi amchai nai akhiu naimy keaungngo kangleungchi tleaung y atang nai ni teng y abang u bo.

AMTENG HAI NAI 19:8

mymy ly kaleung pahathyp nai hawi amchai nai kanih mai ka-syn akhiu ai nai leu nga bo: huni kanih mai ka-syn ly khumi kachaichi i atiti kahawi sa nai ne lawh,” nanai kathai.

AMTENG HAI NAI 22:11

Hawi y sa nai khumi ly hawi y nai so palai sy: chai y nai khumi ly chai y nai awm palai sy: khumi kahawi ly atiti kahawi so rai sy: khumi kachai ly chai nai awm rai sy.

AMTENG HAI NAI 3:18

Hunai deaungkho y nang ly nang naira nga thai ai nai, mai y pachai chum nai muku hawi, nang i beng tlairei awm nai kangji kangngai nai sai amteng y ai nai ateaung kangleungchi amthyp thai ai nai hawi, nang i mei y atamui nai rimui py kai teng y van ai nai kadawn hai.

1 SAMUELA 24:13

‘Hawi y nai ly hawi y nai khumi naini sa khyh’ nanai jangni i thui achi nai leu nang pany. Hunai deaungkho y kai ly nang i tlang tleaung y ka-jei pei ai ny y.