DANIELA 11:8 - Khumi Common Language Bible

⁸ Nichi i tameuh mynchi hawi, hunichi teng y talam nai muku khau, tangka khau bawibawichi ai py, Aikupta pri mang y syn pawn ai. Naibaly saneng neangneang tlamsa nai bo y,

DANIELA 11:8 Iomraidhean Croise

ATITI AWM ANGCHEI NAI 31:30

Nang ly ngampo i yhm y tym ai ngai nai awn ala nai bo, nanai kang pany pi mang; na i py nang ly ati mana nai kai i tameuh mynchi paviu vui lawh moh,” napi.

2 SAMUELA 5:21

Philistia chengchi ly mychi i chiu nai mynchi ai huni meingtym y khai u su i, hunichi ai Davida i khumichi my vym u bo.

THEU NAI 12:12

“Huni vum y kai ly Aikupta pri verei y amki ai i, khumi i chapo chalu hawi tawnbawi cho chalu ngiereichi ai padei ai; Aikupta pri verei i tameuhchi ai py kapajeng ai; Kai ly Areng ne.

ISAIA 2:16

Mymy ly len keh, apu keh nai samphochi ai py, tup hai pawn ai.

ISAIA 37:19

Nichi i tameuhchi ai ly mai veang pawn nai ly kaichi pany. Huni tameuhchi ly tameuh tatang ny y. Khumi i kiu y sa nai dengkeaung myn hawi lengseaung mynchi teu.

JEREMIA 46:25

Israela chengchi i Tameuh, ati cheaungkhang sa thai nai keung Areng my, “Kai ly Thebe mary y awm nai Ammon tameuh ai Aikupta pri, Aikupta tameuhchi, samrangchi hawi vanrei pajeng ai. Aikupta pri samrang hawi ni ai paleung pado nai ngiereichi ai pajeng ai.

DANIELA 10:3

Kani apom phai ha khei y ryrei ly teicha teinei kahawi, ti y baly mawi cho y, kreip hang nei y, sam py aseu y nai ne.

DANIELA 11:9

Suria samrang ly Aikupta pri theung y kun iy tiu ai. Na i py ni ly anaw ali teang ai.

HOSEA 13:15

Israela chengchi ly acha keungchi kamta angvai i py, kai ly khutaha daichi ka-vym mang dengdairei, nisi mang i ali kabi aho hai nai deaungkho y, nichi i tavo micheaungchi hawi tuikanchi kang hai iy, vang kateng vawnsai ngiereichi chau pawn ai.

HOSEA 8:6

Israela cheng kupe lasa kakawp hawi sa nai myn ly tameuh ny y! Samari khumichi chiu nai muku si katai myn ly dei lawm piu vui ai!

Kati Nai 33:4

Huna nai thym khala Aikupta chengchi ly Areng my pajeng naira avum nai chapo chaluchi i veu up thym nai ne. Huna nai pajeng nai molam y, Areng ly Aikupta chengchi i tameuhchi tleaung y sa thai naira len keh nai sai patei pi nai ne.

Leu Thui Nai 12:3

Nichi i maichamchi panawi iy, nichi i tameuh leungchengchi py taphra pawn ai nai tla. Nichi i chiu nai tameuh nu Aserah i leungchengchi py mai veang pawn ai nai tla. Nichi i mynchi ai pakhau piupa pawn ai nai tla. Hina nai kamta sa iy huni meingtymchira i, huni tameuhchi ai chiu nai tama ai.

TARA CHIH NAI KEUNGCHI 18:24

Mikha my nichi teng y, “Ati aly awm mo,’ nanai nangchi ati mana nai y thui u nai mo? Nangchi ly kai i pathyp pi nai keung hawi, kai i sa nai mynchi syn u pawn lawh ly! kai teng y ati awm jau mo?,” napi.