DANIELA 11:40 - Khumi Common Language Bible

⁴⁰ “Suria samrang my peang nai deung tlum nai neng kasa nai khala y, Aikupta samrang ly huni samrang ai tavai tiu ai. Suria samrang my py keaungngo atang nai risachi hawi, keaungngochi, sampho neangneang teaung iy, atho sa naimy tiu teang ai. Ni ly lem heung nanai tavo tiu kamta, pri neangneangchira kun iy peang vui ai.

DANIELA 11:40 Iomraidhean Croise

ISAIA 21:1

Hini leu pei nai ly Babulon mary i vui ne. Khutaha daichi ka-ym theung y aho prei nai ali tengkaleng kamta, ka-jeira ly jei hawi parai nai pri mang dengdairei ang tym ai.

ISAIA 5:28

Nichi i thailiho chynchi ly chiu parai i, thailihochi py a-eaung ai nai angveirym bo. Nichi i keaungngo muikenchi ly maiho lengseaung kamta tang iy, ka-ri amlira kheuchi py ali lengli kamta ami kaliki na bo.

ISAIA 66:15

Areng ly mai kangveaung atang iy ang jeu ai. Mymy ly my i kado theu hai nai khumichi ai pajeng ai nai, ali lengli atang iy ang jeu ai.

JEREMIA 4:13

Khen u cham, paleung ka-e ly khupanym kamta ang jeu ai. Ni i tavai ka-richi ly ali lengli hawi atawm iy, nichi i keaungngochi ly ahmtlauchi tleaung y rang nai ne. Kaichi ly sum bo! kaichi ly taham si lawh bo ly!

Ezekiela 38:4

Kai ly ni ai pahi iy ni i kajai y tamo leangkhawnchi hawi vawn iy, ni i tavaimichi hawi vanrei ryh jo ai. Ni i tavaimichi ly keaungngochi, ateaung ka-tawmri keaungngo atang nai tavaimichi kawi angym naimy, khri pa-rei hubai nawi na. Tavaimi ngireichi py khupui katheang kalen hawi, haisauchi pa u nai ne.

Ezekiela 38:9

Ni hawi my i tavaimi risachi py, ni hawi vanrei abang nai cheng takhra khumi neangneangchi py, huni pri y kamchai kamta tiu iy, khupanym kamta khiu u ai,” napi.

DANIELA 11:10

“Suria samrang i chapochi ly tavai atiu ai nai angveirym iy, tavaimi kamkawm pui harei kachu ai. Nichi theung i mangcho leaungrei ly tavo tui lem heu nai kamta amsa iy, paleung ka-e i amtangra ai tiu vui ai.

DANIELA 11:11

Aikupta samrang ly kado theu nai deaungkho y, Suria samrang ai tavai tiu ai i, ni i atho awm parai nai tavaimi kamkawm ai patiu vui ai.

DANIELA 11:13

“Suria samrang ly tavai athawn chum baly, vaichi khala i tleaung y atho awm nai tavaimi kamkawm pui harei kachu ai. Ni ly neng avo nai khala y, tavai ateaung kangym aeng yb nai tavaimi kamkawm pui hawi tavai thau ai.

DANIELA 11:22

Ni ai ka-awi sa nai khumi ly Tameuh i pathyp pi nai keung kalen py ne sy, taphra vui naira avum ai.

DANIELA 11:25

“Ni ly Aikupta samrang ai tiu ai nai, tavaimi kamkawm pui harei vam parai naimy kalym ai. Aikupta samrang py khri pa-rei atho awm nai tavaimi luchi hawi, ni ai amtang ai nai angveirym ai. Na i py Aikupta samrang ly li-tapawp nai avum ai i, eaung ai ny y.

DANIELA 11:35

Lu sa nai khumi kachengchi theung i phyrei khumichi ly tleh naira avum ai. Na i py huna nai tleh naira avum u nai molam y, khumichi i paleung ly chai ai. Hunichi ly Tameuh my khai pi nai neng tym pa-rei awm jo ai.

DANIELA 11:39

My i amtangra meingtymchi typ ai nai i vui y tamcheaung risachira y, pri takhra tameuh ai chiu nai khumichi ai teaung ai. My i peang nai anui y awm ai ngai nai khumichi ai naini, kalop kalenchi pei iy khaileaung meingtymchi py, kawn vang langseaung palawn iy pei ai.

DANIELA 11:7

Huni bo y kra y naimy, samrangnu hawi amjo amnau ka-bichi theung i leaungrei ly Aikupta samrang y lyn ai. Ni ly Suria samrang i tavaimichi ai tiu ai. Nichi i amtangra theung y kun iy, nichi ai tamyh ai.

DANIELA 12:4

Ni my kai teng y, “Aw Daniela awi, nang ly huni cha-iu pakhym vui ly khaileaung pri tem nai neng ryrei, huni salo y pajawp typ nai ka-ma-ra nip typ ba. Hina nai thym khala y khumi neangneangchi malawn py, huni leaungsaichi tym nai pany thai ai nai, atho sa u atyhtyh ai,” napi.

DANIELA 12:9

Ni my pathang nai ly “Daniela awi, khaileaung pri tem khala khrairei, hini leuchi ai tamym me nai deaungkho y vai, nang ly chei ai nai tla ai.

DANIELA 8:17

Kabriela ly kai i sahawi y jeu iy angdo nai khala, kai ly khri pa-rei kaso theu nai deaungkho y, khaileaung y atlym vui bo. Kabriela my kai teng y, “Dei nai khumi amjy awi, amteng hai nai i awm nai sai ai pany ba. Huni amteng hai nai ly kani khaileaung tem ai nai patei pi nai ne,” napi.

HABAKKUK 3:14

Nang i thailiho chyn ly tavailu areng ai ko nai pri leu vui bo. Ni i tavaimi kamkawm ly ali kamchai kamta, kaichi ai hm pawn ai nai ang jeu u. Nichi ly khumi kamawnchi ai ana pumpi nai khumichi kamta, khri pa-rei paleung ateng hai u bo.

ZEKHARIAH 9:14

Areng ly mymy i khumichi awm naira y jeu iy, thailihochi hawi amlosadi theu nai kamta ko ai. Kani pri tavai luchi i Areng ly baw eng iy, tokalawi mang aho nai ali kamchai hawi vanrei, ang jeu ai.

AMTENG HAI NAI 16:12

Hunaibaly tariu i nai ly mymy i khau i nai Euphratis jangpang y leu bo; hunaibaly nisi mang i dengdairei jeu nai samrangchi i vui y lam sa rym ai nai huni i tui ly kang veng bo.

AMTENG HAI NAI 9:16

Naibaly keaungngo tleaung y atang nai kamkawmchi i nawi nai sai ly kudi apomrei awm: nichi i nawi nai sai ly ang thui pi nai kathai.