DANIELA 11:4 - Khumi Common Language Bible

⁴ Na i py ni i sa thai naira khri pa-rei len nai thym khala y, empara pri ly phra iy phy palyhrei lawm vui ai. Ni i kangpreang ny y nai khumichi ly huni pri y peang u ai. Na i py nichi ly huni samrang tanrei, sa thai naira awm ai ny y.

DANIELA 11:4 Iomraidhean Croise

SAM 39:6

Pa-pui kamta tanareichy heng khyh. Ni i sa nai leaungsaichi ly atyhtyh teu; ni ly yhmtheaung katui pateung achu teu i py, mani ai ly ami my amtym ai mo, nanai ni ly pany y leang.

Parip nai leu 4:8

Khumi ami mo leaungrei ly mymy tlairei awm; ni ly chapo py by y, amjo amnau py by y; na i py ni ly kalop sa jojo. Mymy teng y awm nai yhmtheaung katuichi hawi mana khala py paleung anyp vai y. Ni ly huna tanrei atho sa iy amo theu naira y py paleung apei y naimy awm nai ly ami i vui mo? Hini py atyhtyh teu, paleung phra ai hawi nai heng nai sai py ne.

JEREMIA 12:15

Na i py kai ly nichi ai huna nai atleu chum baly, kapahen ai. Huni khumi cheng bawibawichi ai, mychi i khu ka-peang mang y hawi, mychi i pri y kapahawi teang ai.

JEREMIA 12:17

Na i py kai i leu tangai y nai khumi chengchi ai, kai ly tangjyn akyn iy taphra vui ai. Hini ly kai, Areng i thui nai leu ne,” napi.

JEREMIA 18:7

Kai ly mana khala py hina nai khumi chengchi hawi hina nai prichi ai akyn vui, kataphra vui, katamyh vui ai, nanai thui lawh teu i py,

JEREMIA 31:40

Khumi kadei veuchi up nai hawi, anyn angso aphi nai leaunghawi verei py, nisi ngan keaungngo katheu pa-kho khrairei, Kidron micheaung ka-neang i angdym angdeang bawibawi py, kai i vui meingtym kachai lawm ai. Hini mary pui ai ly mana khala py, panawi iy taphra bi ai ny y,” napi.

JEREMIA 45:4

“Na i py kai Areng ly kaimy i palum naichi ai taphra iy, ui naichi py akyn teang nai ne. Khaileaung pri verei y hina nai kamta kasa ai.

JEREMIA 49:36

Kani mang khuteng taki palyhra i dengdairei aho nai ali ly Elam pri mang y aho hai iy, khumichi ai meingtym tleirei y ahei hai ai. Huni patang nai khumichi tym y nai pri harei py awm ai ny y.

Ezekiela 37:9

Tameuh my kai teng y, “Nang khumicho awi, ali teng y amo leu thui pi; khuteng taki palyhrei mang aho ly hini khumi kadeichi heng ali teang ai nai taho hai thai nai ali pakun pi ai nai, sa thai naira angym nai Areng my leu ang pei, nanai ali teang y leu pei,” napi.

DANIELA 7:2

Ali ly khuteng taki palyhrei mang aho nai deaungkho y, pangli tui saleung y tuisampyh khri pa-rei amsau na.

DANIELA 7:6

Kai ly khen patawm nai thym y, takhra mawi kasi harei ai niu. Huni mawi kasi ly takaikheng hawi atawm. Ni i nithun anam y tavo pakhichi hawi atawm nai, pakhi palyhrei awm. Ni ly lu palyhrei awm. Ni ly sa thai naira awm nai atawm.

DANIELA 7:8

Huni takichi ai khen nai thym khala, hunichi sala i taki katheang harei theu nai kaniu. Huni taki katheang my, awm yb nai taki thomrei ai takheaung vui nai ne. Huni taki katheangra y khumi kamta meichi hawi, amlyh reng nai labeaung awm.

DANIELA 8:22

Huni taki tleu vui nai khala y sai nai taki palyhreichi ly huni pri i dengdairei amprei ai nai pri palyhreichi ne. Na i py huni prichi ly angchei i pri tanrei, sa thai naira awm u ai ny y.

DANIELA 8:8

Mi-i ly paleung len tleaung len ra bo. Na i py ni i sa thai naira len parai nai neng tym nai khala y, ni i taki ly tleu vui i huni taki meingtym y, khuteng taki palyhrei mang y lyh ai hawi nai taki palyhrei sai bo.

ZEKHARIAH 2:6

Areng my mymy i khumichi teng y, “Kai ly nangchi ai pri tleirei y ahei hai bo. Na i py nangchi pri pala naira avum nai khumichi awi, vai, nangchi ly Babulon pri dengdairei preang iy, Jerusalem mary y vawi u teang.

ZEKHARIAH 6:5

kani pri amtaw thau naimy, “Hunichi ly ali amjy palyhreichi ne; huni alichi ly khaileaung pri verei y peang nai keung Areng mo i dengdairei vai, theu u naichi ne,” nanai pathang.

MATTHAI 12:25

Naibaly Isu ly nichi i dawn naichi ly pany i nichi teng y, “Mani pri y py amy tengtawi atiu nai ngierei ly tama ai; naibaly mani avang y py dengtheung py amy tengtawi atiu nai ngierei ly awm thai ai ny y.

LUKA 12:20

Na i py Tameuh my ni teng y, ‘Kamthu awi, vai dym ly nang i hengra kang la pi ai bo; naibaly nang i yhmtheaung pateung achu nai ly ami nga ai mo?’ napi.

AMTENG HAI NAI 7:1

Huni bo y kacheng y hawi, pangli y hawi, dengkeaung ngierei y py ali my hm y ai nai, khaileaung i ali palyhrei paka naimy kani pri i amtaw thau nai leaung palyhreichi ai ly khaileaung taki palyhrei y angdo nai kaniu.