DANIELA 11:36 - Khumi Common Language Bible

³⁶ “Suria samrang ly mymy i paleung y ngai nai kamta sa ai. Mymy ly tameuhchi bawibawi tleaung y len keh nanai py, tahm asang parai nai Tameuh tleaung y len nanai py, amlyh nai leu katheu ai. Ni ly mymy ai Tameuh my kamngo pajeng nai neng tym nai ryrei, hina nai amlyh pajau ai. Ati mana nai mo na baly Tameuh ly mymy i dawn nai kamta, sa ai nai deaungkho y ne.

DANIELA 11:36 Iomraidhean Croise

SAM 136:2

Tameuhchi bawibawi tleaung y len keh nai keung ai ly kawn naimy palo u; mymy i tamen nai ly deungtasarei ne.

SAM 33:10

Areng ly khumi cheng cheaungkhangchi i dawn nairachi phra hai bo. Nichi i dawn tau naichi ai py, amcheang hai y ai nai paka vui nai ne.

LEU KACHENG 19:21

Khumichi ly ati cheaungkhang adawn pasym pajau; na i py Areng i kangai naini tym ai.

ISAIA 10:23

Ati cheaungkhang sa thai nai keung Areng ly mymy i leu pei yb nai kamta, pri verei tamyh pawn khyp ai.

ISAIA 10:25

Nangchi ai pajeng chum baly kra y naimy kai ly nichi ai tamyh ai.

ISAIA 10:5

Areng my, “Aw Asuria chengchi awi, kai i kado theu hai nai khumichi tlang tleaung y, nangchi ly samtleang lawm ai nai kaimy teaung ai.

ISAIA 14:13

Nang ly kani mang tym pa-rei lyn iy, asang keh nai ka-sichi salo y nangmy i samrang atehra khai ai nai leu pacheang yb bo. Nang ly tameuh takhrachi akachu u nai tosyh mang i mawi salo y samrang leaungrei kamta ateh ai nai nga ai, nanai athang khai bo.

ISAIA 14:14

“Kai ly tamaichi salo y lyn iy ati cheaungkhang sa thai nai keung hawi atawm pa-rei sa ai,” nanai thui bo.

ISAIA 26:20

Kai i khumichi awi, nangchi ly nangmychi i yhm theung y kun iy, katheuchi akho u. Tameuh i kado theu nai rym nai ryrei, neng tanareichy aheu u daw.

ISAIA 30:33

Jangni khala y my Asuria samrang ai mai hawi patawi ai nai, patawira yhm sa yb nai ne. Huni patawira yhm ly tamdo thiu iy kau bo. Huni meingtym y thengheaung pui ka-sang harei py awm. Areng ly labeaung mang dengdairei mai kangveaung patheu iy, huni thengheaung ai mai amtawi i, kang hai ai.

ISAIA 46:10

Kai ly angchei khala i dengdairei, leu kangtem kang thuipi yb nai ne. Mo mang y tym ai nai atitichi ai, jangni khala my kang thui pi yb veng bo. Kai i dawn pasym naichi ly mana khala py phra ai ny y, nanai kaimy thui pi yb nai kamta, kai i pasym yb nai atitichi ly sa ai.

ISAIA 57:9

Nangchi ly rimui hang hawi mui kahawichi amjui amthyp iy, Mole tameuh ai chiu ai nai chei u bo. Kamlo kang sa hawi tavau pri y khrairei py, savaichi pato iy tameuhchi ai hau u nai ne.

Ezekiela 28:2

Mymy ly “Nang khumicho awi, “Turu samrang teng y sa thai naira angym nai kai, Areng i leu pei nai amti pi ai nai ly: nang ly paleung len amlyh naimy nangmy ai tameuh ne na iy, pangli my katanmeuh nai samrang atehra tleaung y tameuh kamta ateh ai nai nga, nanai thui bo. Nang ly tameuh kamta cheng naira awm, nanai athang khai teu i py, nang ly tameuh ny y, khumicho teu.

Ezekiela 35:13

Nang ly kai ai ka-awi sa iy atyhtyh naimy amlyh nai leu katheu nai py, kai ly thai nai ne,” napi.

DANIELA 11:16

Tavai amsa nai Suria samrang ly amtang naira avum y naimy, nichi ai mymy ngaingai sa pajau ai. Ni ly adeu nai pri y kun iy, my i kiu theung y angym pa-rei tym hai ai.

DANIELA 11:3

“Naibaly sorai samrang leaungrei amthawn ai. Ni ly empara pri pui ai peang iy, my i ngai nai kamta sa ai.

DANIELA 11:37

Huni samrang ly my i amsi pajochi my ym nai tameuh ai py, neampachychi my ym nai tameuh ai py, tahm khai ai ny y. Amymy ai tameuhchi bawibawi tleaung y hawi nanai py, athang khai nai deaungkho y, huni tameuhchi ai khai su ai.

DANIELA 12:7

Huni kani pri amtaw thau nai ly kiu nyhrei kani mang y pheu iy, deungtasarei heng nai Tameuh i amyn y vaineng abeu nai ly “Huni ly saneng thomrei bo y lo tariurei ateng ai. Tameuh i khumichi avum nai, ana nai leaungsaichi tem nai neng khala y, hini leaungsai bawibawichi py tem ai,” nanai thui nai kathai bo.

DANIELA 2:47

Samrang my, “Nang ly hini thiu parai nai saichi ai thui pachai pi pajau nai deaungkho y, nang i Tameuh ly tameuhchi bawibawi tleaung y len keh nai ne. Samrang bawibawichi ai peang nai keung, thiu parai nairachi ai pany hai pi nai keung ne,” napi.

DANIELA 4:35

Mymy ly khaileaung pri i khumichi ai, ati sai py ny y nai niu; mymy ly kani pri amtaw thauchi ai py, khaileaung pri i khumichi ai py, peang nai ne. Ami py mymy i kangai ei vui pajau y, mymy ati mana sa mo nanai py, deng vam y nai ne.

DANIELA 5:19

Ni ly khri pa-rei tahm asang nai deaungkho y, cheng leu cheaungkhang katheu nai khumi neangneangchi hawi, pri neangneangchi ra i khumi bawibawichi ly jei hyn u bo. Ni ly mymy padei ai ngai nai khumi ai padei iy, heng hai ai ngai nai khumi ai heng hai bo. Tahm pasang ai ngai nai khumi ai tahm pasang iy, tahm panem ai ngai nai khumi ai tahm panem nai ne.

DANIELA 5:20

Na i py ni ly paleung len amlyh naimy paleung tang i, pahyp y naimy ana nai khala y, sa thai naira tama i samrang i nai tla vui bo.

DANIELA 7:8

Huni takichi ai khen nai thym khala, hunichi sala i taki katheang harei theu nai kaniu. Huni taki katheang my, awm yb nai taki thomrei ai takheaung vui nai ne. Huni taki katheangra y khumi kamta meichi hawi, amlyh reng nai labeaung awm.

DANIELA 8:19

ni my, “Tameuh i kado theu nai deaungkho y ati mana tym ai mo, nanai kang pany hai bo. Hini amteng hai nai ly tem ai nai neng patei pi nai ne.

DANIELA 8:4

Huni beram katai ly taki hawi nidym, tosyh, tokalawi meingtym thomrei mang y deng nai kai ly khen nai ne. Ni ai mani amso tawnbawi py paka pajau y. Ni teng i nai ami py tleaung pajau y. Ni ly my i ngai nai kamta sa iy, amlyh am-era nai ne.

ZEKHARIAH 11:16

Kai ly kaimy i beram kanghuchi i vui typ keung leaungrei khai pi i py, ni ly deira avum nai beramchi ai sabawm y; tama nai beramchi ai hau y; tamo nga nai beramchi ai hawi so pi y; dei kamthum beramchi ai py pacho y. Huna nai sa ai nai tleaung y ly veung hawi nai beram ngan cha iy, muikenchi py takheaung nai ne.

JOHAN 5:30

“Kaimy tlairei ly ati sai py kaso thai y leang; kai i thai nai kamta ly tara kachih khyh; kai ly kaimy i kangai hau y naimy kai ai pato nai keung i kangai kahau nai deaungkho y kai i tara chih nai ly teng parai mang.

JOHAN 6:38

Kai ly kaimy i kangai sa ai nai ny y naimy, kai ai pato nai keung i kangai sa ai nai kani pri mang i dengdairei kang satla kathiu nai teu.

AMTAW 4:28

Heroda hawi Pontia Pilata hawi, Cheng Takhrachi hawi Israela khumichi py amkheng achu tatang nai bo.

Leu Thui Nai 10:17

Nangchi i Areng Tameuh ly tameuh bawibawichi hawi areng bawibawichi tleaung y py len keh. Areng ly nang parai iy sa thai naira angym nai Tameuh, tahm khai iy jei kaji ai hawi nai Tameuh ne. Mymy ly khumi ai patleh takhra y i, un py cho y nai ne.

II THESALONIKA 2:3

Ami py sai py nangchi ai tapawp ai nai pei u moh: atlym naira ly tym man veng iy Reita Taphra Nai, tama nai i chapo ly amteng y baly huni kani ly tym ai ny y.

II THESALONIKA 2:4

Ni ly Tameuh nanai amyn pathi nai ngierei ai hawi chiu nai amjy bawibawi ai tiu nai, nichi i tlang tleaung y tahm apasang ai; hunaibaly ni ly Tameuh i achura yhm kalen pui y ateh iy Tameuh kamta apalawn ai.

II THESALONIKA 2:8

Huni bo y Reita Taphra Nai Keung ly amteng ai bo, naibaly Areng Isu my ni ai ly mymy i labeaung i taho nai y padei ai, naibaly ang jeu nai hawi amteng nai deaungkho y ni ai tama hai.

JOSUA 22:22

“Sa thai naira len parai nai keung ly Tameuh ne! Mymy ly Areng ne. Sa thai naira len nai keung ly Tameuh ne! Mymy ly Areng ne. Achi i maicham ai ati mana nai y sa ai nai tla mo, nanai mymy ly pany. Nangchi ai py pany hai ai nai ngai. Kaichi ly Areng ai tiu iy, ka-ym by y baly tlang heng ai nai pei moh!

AMTENG HAI NAI 10:7

kani hawi huni theung y awm naichi ai hawi, khaileaung hawi huni theung y awm naichi ai hawi, pangli hawi huni theung y awm naichi ai py sa nai keung, deungtasarei heng jojo nai i amyn y tauh iy vaineng abeu bo.

AMTENG HAI NAI 12:14

Naibaly neampachy ly daichi ka-vym y mymy i meingtym y angkheang iy, pavui i niu pajau y naira y neng hawi, nengchi hawi, neng ka-hyhrei sala y py mymy ai pacho thai ai nai mymy teng y ahm pui pakhi angvawi amtang pei bo.

AMTENG HAI NAI 13:1

Naibaly mawi kasi harei, taki horei lu saryhrei awm nai, pangli i dengdairei theu nai kaniu: ni i taki y ly areng lukhym horei awm, naibaly ni i lu tleirei y Tameuh ai thui tamawn nai amynchi awm teang.

AMTENG HAI NAI 17:17

Tameuh i leu thui nai angym be y ryrei ly mymy i kangai sa ai nai hawi, dawn nai vanrei awm ai nai hawi, nichi i peang naira ly mawi kasi teng y au u ai nai py, Tameuh my nichi i paleung theung y dawn hai bo.

AMTENG HAI NAI 17:3

Naibaly mymy ly kai ai Phailo y daichi ka-vym y ang tym hai; naibaly Tameuh ai thui tamawn nai amyn kawi nai lu saryhrei taki horei awm nai mawi kasi kamsenta tleaung y atang nai neampachy leaungrei ai kaniu.