DANIELA 11:32 - Khumi Common Language Bible

³² Amy i ym nai reita khai su nai khumichi ai Suria samrang ly ka-kawi paleung ka-khum hawimy, mymy mang y abawi ai nai pahawi ai. Na i py Tameuh ai ka-ym awm nai khumichi my, ni ai tiu u ali teang ai.

DANIELA 11:32 Iomraidhean Croise

1 NENG SATANG 28:9

Naibaly Solomon teng y, “Deang awi, nang ly nangmy i ampo chiu nai Tameuh ai pany hai iy, ym thai y nai by y naimy paleung apanem nai hawi chiu ai nai kai ly nang ai kalop kang pei nai bo. Mymy ly achi i dawn tau naichi hawi aly ngai nai ngiereichi ai pany pi nai ne. Nang ly mymy teng y ahihawi baly, mymy ly kawn ai. Na i py nang ly mymy ai nithun thun lawh baly, mymy ly nang ai deungtasa ang khai su ai.

NEHEMIA 4:14

Kai ly mipuichi paleung bi paleung mawn nai sai kaniu i, nichi hawi vanrei, nichi i miteaung kehchi hawi peang nai keungchi teng y, “Achi i paleung ka-echi ai jei u moh; Areng ly nang parai nai hawi ka-jei hawi parai, nanai pany u ly nangchi i amjo amnau, aju chanau, yhm hlauchi i vui atiu u,” napi.

SAM 9:10

Aw Areng, nang ai pany nai khumichi ly nang ai ym u ai; nang ly nangmy teng y ahihawi nai ngiereichi ai khai su y leang.

LEU KACHENG 19:5

Tara jeung y ka-chawi thui nai khumi ly pajeng naira avum ai; pajengra i nai tleaung ai ny y.

LEU KACHENG 26:28

Niu ngai y nai paleung awm nai khumi naini, khumi takhra i tlang tleaung y hawi y naira tym hai ai nai katapawp paleung awm pajau. Katau hawi y nai khumi i leu ly phra naira naini sa reng nai ne.

JEREMIA 31:34

Areng ai pany ai nai mary i khumichi tengtawi, pri i khumichi tengtawi apachei leungtang ai nai aly ngai y ai. Ati mana nai mo nabaly katheang keh i dengdairei kalen keh y khrairei, kai ai pany u ai; kai ly nichi i kamngo pahen pi ai. Nichi i sa tamang naichi py kaimy pany pi ali ai ny y. Hini ly kai, Areng i thui nai leu ne,” napi.

DANIELA 11:21

Kani pri amtaw thau my thui bi nai ly “Huni bo y lyn bi nai Suria samrang ly samrang lawm ai nai ataing y, hawi y nai samrang lawm ai. Na i py ni ly athang khai y naimy, parawi hyp nai dengdairei athorei my peang vui ai.

DANIELA 11:34

Atiu u nai thym khala, Tameuh i khumichi ly kasabawmra maidenreichy nga u ai. Hinichi mang y abawi nai khumichi theung y nawi keh naichi ly amy i vui hau naichi ne.

ZEKHARIAH 10:12

Kai ly kaimy i khumichi ai atho awm hai ai. Nichi ly kai ai chiu u iy kai i leu tangai u ai.” Hini ly Areng i pei nai leu ne.

MALAKHI 4:2

Na i py kai i leu ai tahm khai nai khumichi i vui ly kai i atleu nai sa thai naira ly kanito kamta, nichi i tlang tleaung y angvang naimy, kanito kangvang sangso kamta, nangchi i no-nachi hawi hai ai. Nangchi ly hai theung i patleaung nai si chochi kamta, amo theu naimy ampyh u lengleang ai.

JOHAN 17:3

Nang, Tameuh meitang leaungrei awm khyh nai ai hawi, nang i pato nai Isu Krista ai pany nai ly deungtasarei hengra ne.

I JOHAN 5:20

Naibaly achi ly meitang khyp nai keung pany i, mymy i Chapo Isu Krista meitang khyp nai keung y achi awm, nanai ly Tameuh i Chapo ly ang jeu iy achi ai pany thai naira ang nga hai bo. Huni ly Tameuh meitang khyp nai hawi, deungtasarei hengra py ne.

AMTENG HAI NAI 6:11

Naibaly nichi leaung leaungrei teng y kanih kangleung harei pei bawibawi bo; naibaly nichi kamta khyp my padei ai tla nai, nichi i miseaung ahawichi hawi amjo amnauchi py angym y ryrei ly anawn u rai ai nai tla, nanai nichi teng y thui pi bo.