DANIELA 11:19 - Khumi Common Language Bible

¹⁹ Samrang ly my i pri y awm nai amtangra meingtym mang y vawi teang ai. Na i py ni ly sum ai i, tama vui ai.

DANIELA 11:19 Iomraidhean Croise

JOBA 20:8

Ni ly vum y amang amang nai kamta tami veng ai. Khumichi ly mo mang y mana khala py, niu u ai ny y.

JOBA 34:24

Mymy ly pri peang nai miteaung kehchi ai palau iy, huni i jeng y khai takhra ai nai chih chumchi ai nai aly ngai y.

SAM 27:2

Khumi hawi y naichi my kai ai padei ai nai atho sa u nai khala y, nichi ly pathuikhe iy atlym u bo.

SAM 37:35

Kai ly kamjau kamteang sa reng nai khumi hawi y nai leaungrei ai niu vai bo. Ni ly Lebanon daichi i saitleang keung kamta, khumi bawibawichi salo y khiu nai ne.

SAM 37:36

Na i py tlen pa-nyh katako prei nai khala ly ni ly huni meingtym y by y leang bo. Ni ai hau i py niu pajau y leang bo.

ISAIA 24:20

Khaileaung ly ali kamchai chawm nai tai kamta py, nei cha ala nai khumi kamta py, atlym khikha ai. Khaileaung pri ly kamngo mynji my tei nai deaungkho y, anawi vui ai; ang thau ali teang pajau ai ny y.

JEREMIA 46:6

Angpreng rang naichi ly tleaung u y; Tavaimi risachi py tleaung u y, Nichi ly tosyh ngan Euphrat tavo sahawi y athei iy atlym u nai ne.

Ezekiela 26:21

Kai ly nang ai ka-jei awm nai tem naira kang tym hai ai bo. Nang ai khumichi my hau i py avum ai ny y,” napi. Hini ly sa thai naira angym nai Areng i pei nai leu ne.

DANIELA 11:7

Huni bo y kra y naimy, samrangnu hawi amjo amnau ka-bichi theung i leaungrei ly Aikupta samrang y lyn ai. Ni ly Suria samrang i tavaimichi ai tiu ai. Nichi i amtangra theung y kun iy, nichi ai tamyh ai.