DANIELA 11:17 - Khumi Common Language Bible

¹⁷ “Suria samrang ly my i atho awm nai tavaimi kamkawm pui hawi, tavai thau ai nai adawn pasym ai. Naibaly paleung ka-echi i pri phra vui ai nai, paleung ka-e pri i samrang hawi, vuinai asa iy mymy i chaniuhawi apom hai ai. Na i py huni katau ly eaung ai ny y.

DANIELA 11:17 Iomraidhean Croise

2 ARENG KEH 12:17

Huni neng khala y Suria samrang Hazaela ly kath mary y tiu i, pajau vui bo. Naibaly ni ly Jerusalem mary y tiu ai nai amsa nai thym khala,

2 NENG SATANG 20:3

Jehoshapha ly jei phi nai deaungkho y Areng teng y chiu sa. Naibaly ni ly Juda pri verei y biu hai ai nai kani khai pi bo.

SAM 56:9

Nang teng y kai i hnei takeng nai kani y, paleung ka-echi ly anaw u pawn ai. Tameuh ly kai mang y awm, nanai kapany bo.

LEU KACHENG 19:21

Khumichi ly ati cheaungkhang adawn pasym pajau; na i py Areng i kangai naini tym ai.

Ezekiela 17:17

Babulon tavaimichi ly khumichi ai padei ai nai abyhra amkeuchi sa iy tui apaichi tai u nai khala y, atho len nai Aikupta samrang i tavaimi kamkawm malawn py, Juda samrang ai sabawm pajau ai ny y.

Ezekiela 25:2

Mymy ly “Nang khumicho awi, Ammon pri mang y hi iy amo leu katheu naimy thui tamawn ba.

Ezekiela 4:3

Tamo phei harei py la iy mary hawi nangmy sala y apai kamta pado iy khai ly nang ly mary mang y mo tha ba. Mary ly katanmeuh naira avum bo; nang ly mary y katanmeuh nai keung ne. Huni ly Israela chengchi i vui pany hai nai ka-ma-ra lawm ai.

Ezekiela 4:7

“Jerusalem mary y katanmeuh nai hawi hai palai khen. Nang ly nangmy i kiu kasum iy mary mang y pahyn ly huni mary ai ka-awi sa nai amo leu thui pi.

DANIELA 11:19

Samrang ly my i pri y awm nai amtangra meingtym mang y vawi teang ai. Na i py ni ly sum ai i, tama vui ai.

DANIELA 9:26

Naibaly neng kani dym nai khala y, Tameuh my vawi nai miteaung keh ai ly khumi hawi y naimy padei vui ai. Kangkhym y tym iy atho awm nai samrang leaungrei i tavaimichi ly Jerusalem mary hawi Achura yhm taphra u vui ai. Kangkhym y ly Tameuh my sa yb nai kamta, tavai atiu nai hawi taphra naira ly tym iy, tuibai theu nai kamta kangkhym i neng ang tym ai.

HABAKKUK 1:9

“Nichi i tavaimichi ly athorei my tiu i eaung u bo. Khumichi ly nichi tym nai deaungkho y jei hyn u Nichi i patiu nai langhengchi ly spryh jirei nawi nai ne.

MATTHAI 12:30

Ami py kai mang y aso hai y nai ly kai ai tiu nai ne; ami py kai ai lo hai achu y nai ly ahei hai nai ne.

LUKA 11:23

Ami py kai mang y aso hai y nai ly kai ai tiu nai ne; ami py kai ai lo hai achu y nai ly ahei hai nai ne.

LUKA 9:51

Naibaly hina nai awm, mymy ai pahawi kalau ai nai neng tym kasa iy, mymy ly Jerusalem y chei ai nai tau tanga i, mo mang y khumichi ai pato;

ROM AVANGCHI TENG Y PAWLA I CHA PA NAI 8:31

Hunaibaly hunichi i molam y ly achi mana thui ai mo? Tameuh my achi mang y asa baly ami my ang tiu pajau ai mo?