DANIELA 11:15 - Khumi Common Language Bible

¹⁵ Hunai deaungkho y Suria samrang ly khaw parai nai mary ai katanmeuh iy tiu vui ai. Aikupta tavaimi risachi ly tavai tiu u bi ai ny y. Nichi theung i vawi patyp nai tavaimichi malawn py, amtang pajau ai nai atho by y.

DANIELA 11:15 Iomraidhean Croise

JEREMIA 33:4

Jerusalem mary i yhmchi hawi Juda samrang i yhmchi ly katanmeuh iy tiu naira avum nai deaungkho y phra ai, nanai Israela chengchi i Tameuh kai, Areng my leu pei nai ne.

JEREMIA 5:10

Kai ly paleung ka-echi ai kapato iy, nichi i kreip akhochi taphra hai ai. Na i py kreip keungchi myh pa-rei ly taphra hai ai ny y. Kreip changpichi ly kaimy peang y nai deaungkho y, hunichi ateng pawn ai nai paleung ka-echi teng y kaimy leu pei ai.

JEREMIA 52:4

Juda samrang Zedekiah i peang nai takawrei saneng, lo horei, kani horei kani y, Babulon samrang Nebukhadnezar ly mymy i tavaimi risa bawibawichi hawi vanrei, Jerusalem mary y tiu ai nai amsa u bo. Nichi ly mary angam mang y kheucha sa iy, mary ka-ki abyhra angawmchi tai u nai ne.

JEREMIA 6:6

Ati cheaungkhang sa thai nai keung Areng ly hini samrangchi teng y, Jerusalem mary ai katanmeuh pajau ai nai dengkeaungchi paliu iy, abyhra angawmchi sa ai nai leu pei bo. Mymy ly “Hini mary ly pahyp y naimy ana nai kawi nanai deaungkho y, kai ly hini mary ai kapajeng ai.

Ezekiela 17:17

Babulon tavaimichi ly khumichi ai padei ai nai abyhra amkeuchi sa iy tui apaichi tai u nai khala y, atho len nai Aikupta samrang i tavaimi kamkawm malawn py, Juda samrang ai sabawm pajau ai ny y.

Ezekiela 4:2

Naibaly huni mary y paleung ka-echi my katanmeuh nai leaungsai sa ai nai amkeu, abyhra angawmchi, tavai tairachi hawi amtangrachi panawi nai dengkeaung beang puichi iukhi ka-ki khai ba.

DANIELA 11:14

Naibaly Aikupta samrang ai khumi neangneangchi my ka-awi sa iy tiu u ai. Aw Daniela awi, nang i cheng theung i dengdairei, khrukhra hai naichi phyrei ly paleung mei y niu nai sai angym ai nai tavai tiu u ai. Na i py nichi ly sum ai.

DANIELA 11:6

Saneng neangneang kra nai khala y, Aikupta samrang i chaniu ai Suria samrang hawi apom hai iy, vuinai asa ai. Na i py huni vuinai asa nai ly khaw ai ny y. Samrangnu hawi ni teng y abang nai miseaungchi ai py, ni i juvo hawi chanauchi ai py, padei bebe ai.

DANIELA 8:7

Kai ly mi-i my beram katai ai deng nai kakhen nai ne. Mi-i ly khri pa-rei kado theu iy, beram katai ai athorei my deng i, beram katai i taki nyhrei tleu vui bo. Beram katai ly amtang ali teang pajau y nai deaungkho y, khaileaung y atlym i, ni ai ly chiu piupa bo. Ami py ni ai atleu pajau y nai ne.

JOSUA 1:5

Josua awi, nang heng nai ryrei ly ami py nang ai tiu pajau ai ny y. Kai ly Mosi hawi vanrei awm nai kamta, nang hawi py vanrei awm ai, nang ai mana khala py kangkhai su ai ny y. Nang hawi vanrei kang awm jojo ai.