DANIELA 11:11 - Khumi Common Language Bible

¹¹ Aikupta samrang ly kado theu nai deaungkho y, Suria samrang ai tavai tiu ai i, ni i atho awm parai nai tavaimi kamkawm ai patiu vui ai.

DANIELA 11:11 Iomraidhean Croise

1 ARENG KEH 20:13

Huna nai thym khala y amo leaungrei ly samrang Ahab teng y tym i, “Areng my, ‘huni tavaimi kanghuchi ai niu iy jei moh! Vaini nang teng y huni tavaimichi ai eaung ai nai kang pei ai; kai ly Areng ne, nanai nang pany ai,’ nanai leu ang pei bo,” napi.

1 ARENG KEH 20:28

Amo leaungrei ly samrang teng y chei iy, “Areng my, ‘kai ly mawi peang nai tameuh ne; adym ai ly peang y leang, nanai Suria chengchi my thui nai deaungkho y, nichi i khri pa-rei nawi nai tavaimi kamkawm ai, nang i kiu y kang-au ai; kai ly Tameuh ne, nanai nang hawi vanrei nang i khumichi pany u ai,’ nanai leu ang pei,” napi.

SAM 76:10

Khumichi i kado theu nai ly nang ai palo tleaung palora naira lawn hai ai; tavai keung y dei y naimy heng rai naichi ly nang i pawi sa naichi typ u ai.

JEREMIA 27:6

Khumi cheng cheaungkhangchi ai kai i miseaung Babulon samrang Nebukhadnezar i anui y tym hai nai keung ly kai ne. Kai ly daichi mawichi ai malawn py, ni i miseaung y lawm hai nai ne.

DANIELA 11:12

Ni ly tavai eaung nai molam y py, tavaimi neangneangchi ai padei pajau nai deaungkho y py, amlyh am-e ai. Na i py ni ly eaung naira nga bi ai ny y.

DANIELA 11:40

“Suria samrang my peang nai deung tlum nai neng kasa nai khala y, Aikupta samrang ly huni samrang ai tavai tiu ai. Suria samrang my py keaungngo atang nai risachi hawi, keaungngochi, sampho neangneang teaung iy, atho sa naimy tiu teang ai. Ni ly lem heung nanai tavo tiu kamta, pri neangneangchira kun iy peang vui ai.

DANIELA 11:44

Naibaly ni ly nisi mang hawi tosyh mang i tym nai satangchi molam y kaso theu i, athorei my atiu nai deaungkho y, khumi neangneangchi dei hai ai.

DANIELA 11:5

“Aikupta samrang ly sa thai naira awm i py, ni i tavailu leaungrei ly ni tleaung y sa thai naira awm keh iy, ni i pri tleaung y len keh nai pri y peang ai.

DANIELA 2:38

Mymy ly nang ai khumichi awm nai khaileaung pri verei ai py, amso tawnbawi hawi tavo bawibawichi ai py, peang ai nai ang pei bo. Samrang nang ly huni myn pui i muku lu ne.

DANIELA 8:7

Kai ly mi-i my beram katai ai deng nai kakhen nai ne. Mi-i ly khri pa-rei kado theu iy, beram katai ai athorei my deng i, beram katai i taki nyhrei tleu vui bo. Beram katai ly amtang ali teang pajau y nai deaungkho y, khaileaung y atlym i, ni ai ly chiu piupa bo. Ami py ni ai atleu pajau y nai ne.