DANIELA 10:19 - Khumi Common Language Bible

¹⁹ Ni my, “Tameuh ly nang ai tamen nai ne. Hunai deaungkho y paleung mawn moh, jei moh,” ang napi. Hini leu thai nai khala kai ly atho awm teang chum baly ni teng y, “Areng awi, nang i thui ai awm nai ly thui ba. Nang ly kai ai awm hai nem ba,” napi.

DANIELA 10:19 Iomraidhean Croise

SAM 138:3

Nang ai kaimy palau nai khala y nang ly pathang iy, kai ai atho kangtha pei panawi bo.

ISAIA 35:4

Paleung phra atho di nai khumi bawibawichi teng y, “Khaw parai naimy awm u! Tameuh ly nangchi ai atleu ai nai ang jeu ai; nangchi i paleung ka-echi ai py vawitheung tha ai,” nanai thui pi u.

ISAIA 41:10

Jei u moh, kai ly nangchi hawi vanrei awm! Kai ly nangchi i Tameuh ne; ati mo ra py nangchi ai jei hyn hai ai ny y! Kai ly nangchi ai khaw hai iy sabawm ai. Nangchi ai ama hai iy atleu ai.

ISAIA 41:14

Areng my, “Israela chengchi awi, nangchi i cheng ly theang, atho di teu i py jei u moh; nangchi ai kaimy kang sabawm ai. Nangchi ai atleu nai keung kai ly Israela chengchi i chai parai nai Tameuh ne.

DANIELA 10:18

Hunai bo y khumi i mo-cha awm naimy ly kai ai amkhaw nai khala y, kai ly atho awm teang bo.

DANIELA 9:23

Nang ly Tameuh teng y hnei takeng amteaung nai khala, mymy ly nang i chiu sa nai pathang pi bo. Mymy ly nang ai tamen nai deaungkho y, mymy i pathang nai leu nang teng y thui pi ai nai, kai ai pato nai ne. Vai ly amteng hai nai leu thui pi pachai nai thym khala y, hawihai palai tangai ba.

HAKAI 2:4

Na i py aw mipuichi awi, paleung atho di u mo? Kai ly nangchi hawi vanrei awm nai ne iy, nangmychi sa ai awm nai kalop naini, nangchi so u.

ZEKHARIAH 8:13

Aw Juda hawi Israela khumichi awi! Jangni y cheng takhra khumichi ly mychi tengtawi apasawi apatau u nai khala y, ‘Nangchi ly Juda hawi Israela chengchi tlang tleaung y tym nai ka-jeirachi kamta, nangchi i tlang tleaung y tym teang sy!’ nanai thui u reng nai ne. Na i py kai ly nangchi ai atleu ai i, huni cheng takhra khumichi ly mychi tengtawi, ‘Nangchi ly Juda hawi Israela chengchi teng y tym nai amtheaung nairachi kamta, nangchi py ngo u teang sy!’ nanai thui u ai. Hunai deaungkho y sorai paleung awm u; jei u moh,” napi.

ZEKHARIAH 8:9

“Sorai paleung awm u! Nangchi thai u nai leuchi ly kai i Achura yhm sa palum teang ai nai langdeng pala nai neng khala y, amochi thui nai leuchi ne.

JOHAN 11:3

Naibaly mymy i thuicho nini my Isu teng y, “Areng khen cham, nang i tamen nai ly no bo,” nanai leu taviu.

JOHAN 11:36

“Khen cham, Lazara ai ly mana tanrei ang tamen mo?” napi.

JOHAN 11:5

Naibaly Isu my Martha ai hawi ni i amnau ai hawi, Lazara ai py tamen.

JOHAN 14:27

Awmnem naira kang daw pi mang; kaimy i awmnem naira kang pei: khaileaung prichi my pei nai kamta kang pei y leang mang: nangchi i paleung bi u moh, jei py jei u moh.

JOHAN 16:33

Nangchi ly kai teng y awmnem naira nga ai nai kaimy hini satang kang thui pi bo. Nangchi ly khaileaung pri y patang naira avum ai; na i py paleung awmnem naimy awm u, kaimy khaileaung pri ai pajau bo,” nanai pathang.

JOHAN 19:26

Hunaibaly Isu ly mymy i amhm hawi abangnai leaungrei mymy tamen nai ly ahawi y angdo nai niu i amhm teng y, “Neampachy awi khen cham, nang i chapo ly!” napi.

JOHAN 21:20

Naibaly Petera ly amhi i abangnai leaungrei Isu my tamen nai, dym biu cha nai khala y Isu i paleung y anghawi nai keung, “Patiu hai ai nai khumi ly ami mo?” nanai keung ai ly abang nai niu.

I KORINTH 16:13

Atyp u ly, ym naira y ly khaw pa-rei angdo u, vam u ly., ham parai naimy awm u.

II KORINTH 12:9

Naibaly mymy ly kai teng y, “Kai i pahenra ly nang i vui hawi khyp bo; ham y naira y ly kai i atiti sa thai naira ly angym bo,” napi. Hunaibaly Krista i atiti sa thai naira ly kai i tlang tleaung y awm thai ai nai, khrikhri pa-rei kakawn naimy kai i ham y naichi ra y ly kamlyh lawh ai.

EPHESI 6:10

Kangkhym i naira y ly Areng y hawi mymy i atho y ly ham parai naimy awm u.

II TIMOTHEI 2:1

Hunaibaly kai i chanau awi, nang ly Krista Isu y awm nai pahenra deaungkho y ham naira nga ryh nga ryh nai awm ba.

JOSUA 1:9

Hunai deaungkho y kai i leu pei nai kamta vam parai naimy awm ba. Jei nai awm moh. Paleung phra moh. Nang i Areng Tameuh ly nang i chei naira tleirei y nang hawi vanrei awm nai ne,” nanai leu pei bo.

AMTENG HAI NAI 1:17

Naibaly mymy ai kaniu khala y mymy i kheu keung y dei nai kamta ka-tlym mawp. Naibaly ni ly mymy i lamtang mang i kiu y kai ai nam iy,

TARA CHIH NAI KEUNGCHI 6:23

Na i py Areng my, “Paleung awmnem naimy awm ba, jei moh; nang ly dei y leang mang,” napi.