DANIELA 10:16 - Khumi Common Language Bible

¹⁶ Naibaly khumi i mo-cha awm nai kani pri amtaw thau nai ly kiu jaha iy, kai i labeaung y nam baly, kai ly kaimy i mo y angdo nai teng y, “Areng awi, hini paleung mei y niu nai ly kai ai khri pa-rei atho di hai nai deaungkho y, kai ly ahyn thlyhthlyh nai ne.

DANIELA 10:16 Iomraidhean Croise

THEU NAI 4:10

Na i py Mosi ly “Aw Areng, kai ai pato mo kyh; kai ly leu haidau by y, nangmy kai ai leu pei nai thym khala malawn py leu haidau by y, kai ly labeaung palai ham y nai ne,” napi.

THEU NAI 4:13

Na i py Mosi my, “Avo y leang Areng, pahen parai naimy takhra leaungrei ai phai pato ba,” napi.

Parip nai leu 1:18

Khumi ly cheng naira nga tleaung ngara nai hawimy, paleung bi naira py nawi tleaung nawira nai ne. Tau cheng naira panyra panyra baly paleung no nairachi py nawira bo.

ISAIA 6:7

Ni ly kai i labeaungteng y mai-ai hawi tabi i, “Nang i labeaungteng ly hini mai-ai hawi tabi chum nai deaungkho y, nang ly kamngo by y, nang ly kamngochi lawira nga veng bo,” napi.

JEREMIA 1:9

Naibaly Areng ly mymy i kiu jaha iy, kai i labeaung y ang teaung chum baly, “Tangai ba, nang i thui ai nai leu, vaimy nang ai kang pei ryp bo.

Ezekiela 1:26

Huni takhuru nai salo y ly saphire lengseaung hawi sa nai areng atehra ka-tawm harei awm. Huni areng atehra tleaung y ly khumi i mo-cha hawi atawm nai leaungrei ateh.

Ezekiela 3:27

Naibaly nang ai kaimy thui hai ali teang ai ngai nai khala y, nang ai leu katheu teang ai nai kang pei ai. Huna nai khala nang ly nichi teng y kai i sa thai naira angym nai Areng my hina nai ang thui pi, nanai amti pi ai nai tla ai. Phyrei khumichi ly nang i leu tangai iy, phyrei khumichi ly tangai y naimy awm u ai. Ati mana nai mo na baly nichi ly tiusi nai khumi cheng ne nai deaungkho y ne.

Ezekiela 33:22

Huni khumi tym y rai nai dym tengsa neng y, Areng i sa thai naira ly kai ai ang khiu nai ne. Khawn khutawi huni khumi ang tym nai neng khala, Areng my leu katheu thai ai nai kai ai ang pei ali teang bo. Hunai deaungkho y kai ly leu katheu y nai awm y naimy, leu katheu pajau nai ne.

DANIELA 12:8

Ni i thui pi nai leu thai teu i py, kai ly pany thai y nai deaungkho y kai ly “Na i py areng awi, huni leaungsaichi ly mana khala tem ai mo?,” nanai deng.

DANIELA 4:19

Naibaly Beltesazar napi nai Daniela ly khri pa-rei kaso theu nai deaungkho y, leu py katheu thai y na bo. Samrang my, “Nang Beltesazar awi, amang hawi amang i awm nai sai molam y kaso theu moh,” napi baly, Beltesazar my, “Samrang awi, huni amang hawi awm nai sai ly nang i vui ny y naimy, nang i paleung ka-echi i vui ne sy.

DANIELA 7:15

Kai i paleung mei y niu naichi molam y kai ly kaso theu i, paleung adi-adiu bo.

DANIELA 7:28

Hini ly tym ai nai leaungsai i tem naira ne. Kai ly khri pa-rei kaso theu nai deaungkho y, meimai takhuisui vui bo. Hini leaungsai bawibawichi ai paleung theung y pateung me jo nai ne.

DANIELA 8:15

Kai, Daniela ly paleung mei hawi niu nai i awm nai sai pany pajau ai nai atho sa nai thym y, khumi i mo-cha atawm nai ly kai i mo y angdo nai kaniu.

DANIELA 8:17

Kabriela ly kai i sahawi y jeu iy angdo nai khala, kai ly khri pa-rei kaso theu nai deaungkho y, khaileaung y atlym vui bo. Kabriela my kai teng y, “Dei nai khumi amjy awi, amteng hai nai i awm nai sai ai pany ba. Huni amteng hai nai ly kani khaileaung tem ai nai patei pi nai ne,” napi.

DANIELA 8:18

Ni my hina nai ang thui pi nai thym khala y, kai ly pany y vui na i, khaileaung y atlym bo. Na i py ni ly kai ai pathau praw i,

DANIELA 8:27

Kai, Daniela ly kani neangneang paleung atho di naimy no bo. Naibaly kai ly ang thau iy, samrang my pei nai kalop kasa nai ne. Na i py huni paleung mei hawi niu nai molam y paleung adi-adiu nai deaungkho y, kai ly huni i awm nai sai ai pany thai y na bo.

DANIELA 9:21

Kai ly huna nai kamta chiu sa nai thym khala y, vaichi khala amteng hai naira y niu nai Kabriela ly kai i awm naira y angkheang kathiu bo. Huni neng ly dym mang i apathyp nai neng ne.

LUKA 1:64

Naibaly my i labeaung hawi palai ly vaimy asu ryp iy, mymy ly leu katheu i Tameuh ai palo bo.

LUKA 21:15

Nangchi i paleung ka-e bawibawichi my paka iy ei thai y ai nai, labeaung hawi cheng naira kang pei ai.

JOHAN 20:28

Thoma my ni teng y, “Kai i Areng hawi kai i Tameuh,” nanai pathang.

JOSUA 5:14

Huni khumi my, “Nangchi mang i py ny y, paleung ka-e py ny y, kai ly Areng i tavailu areng ne,” nanai pathang. Huna nai khala Josua ly khaileaung y ambeu naimy chiu iy, “Areng awi, nang i miseaung kai ai leu pei ba,” nanai takeng.

AMTENG HAI NAI 1:13

Naibaly amhi iy muku maisi khai naira saryhrei kaniu; naibaly maisi khai naira theung y ly ami mo khumi i chapo kamta, kheu y tym pa-rei kanih akhiu nai, tangtaang y muku khobai y akawm nai ai kaniu.

TARA CHIH NAI KEUNGCHI 13:8

Huna nai khala Manon ly “Aw Areng, nangmy pato nai khumi ai pahen parai naimy, kaichi teng y pato pi bi kyh ly chapo tapen nai khala kaichi mana sa ai mo nanai py, leu pei kyh,” nanai chiu sa.

TARA CHIH NAI KEUNGCHI 6:13

Kideon my ni teng y, “Aw areng, Areng ly kaichi hawi vanrei awm nai ne khyp nabaly, ati mana nai y hini patang naira tym hai lawh mo? Areng ly mymy i khumichi ai, Aikupta pri i dengdairei pahawi nai saichi hawi, lyh ai awm nai saichi sa pi nai py, amsi pajochi my ang thui pi bo. Huni lyh ai awm nairachi ly ma mang y mo? Areng ly kaichi ai khai su iy, Midian chengchi teng y ang-au su lawh ly!,” napi.

TARA CHIH NAI KEUNGCHI 6:15

Kideon my py, “Aw Areng, kai ly mana nai Israela chengchi ai atleu pajau ai mo? Kai i nupaichi ly Manase cheng theaung theung y, atho di keh naichi ne. Kai py kaimy i yhm dengtheung theung y tahm by y; ati sai py ny y nai khumi teu,” nanai pathang.