DANIELA 10:12 - Khumi Common Language Bible

¹² Huni my, “Daniela awi, jei moh. Nang ly cheng naira nga pajau ai nai molam, paleung apanem ai nai paleung adawn manme nai kani dengdairei, Tameuh ly nang i chiu sa nai tangai pi bo. Nang i hnei takeng nai pathang pi ai nai, kai ai ang pato nai ne.

DANIELA 10:12 Iomraidhean Croise

SAM 69:10

Kai ly biu hai nai dengdairei, amymy ai tahm apanem nai khala y, khumichi ly kai ai mei aniu y nai sa u bo.

ISAIA 35:4

Paleung phra atho di nai khumi bawibawichi teng y, “Khaw parai naimy awm u! Tameuh ly nangchi ai atleu ai nai ang jeu ai; nangchi i paleung ka-echi ai py vawitheung tha ai,” nanai thui pi u.

ISAIA 41:10

Jei u moh, kai ly nangchi hawi vanrei awm! Kai ly nangchi i Tameuh ne; ati mo ra py nangchi ai jei hyn hai ai ny y! Kai ly nangchi ai khaw hai iy sabawm ai. Nangchi ai ama hai iy atleu ai.

ISAIA 41:14

Areng my, “Israela chengchi awi, nangchi i cheng ly theang, atho di teu i py jei u moh; nangchi ai kaimy kang sabawm ai. Nangchi ai atleu nai keung kai ly Israela chengchi i chai parai nai Tameuh ne.

ISAIA 58:9

Nangchi chiu sa nai khala y tangai pi ai. Nangchi kasabawmra hnei nai khala y kang pathang pi ai. “Nangchi ly pahyp y naimy ana naichi anawn iy, teng y naimy neng hai nai amkyn khala, chai y nai leu ngiereichi khai su;

ISAIA 65:24

Nichi i kai ai chiu nai tem y rai khala my, kai ly nichi i hnei nai pathang pi ai.

DANIELA 10:11

Kani pri amtaw thau naimy, “Daniela awi, Tameuh ly nang ai tamen. Angthau iy kai i thui nai leu tangai hawihai ba. Mymy ly kai ai nang teng y ang pato bo,” napi. Hini leu thai nai khala y kai ly anghyn thlyhthlyh naimy angdo nai ne.

DANIELA 10:19

Ni my, “Tameuh ly nang ai tamen nai ne. Hunai deaungkho y paleung mawn moh, jei moh,” ang napi. Hini leu thai nai khala kai ly atho awm teang chum baly ni teng y, “Areng awi, nang i thui ai awm nai ly thui ba. Nang ly kai ai awm hai nem ba,” napi.

Levi 16:29

Nangchi ly hini reitachi ai nangmychi deungrei teaung patawm jojo ai nai tla. Saryh lo, kani horei kani y, Israela chengchi hawi nichi theung y awm nai cheng takhrachi py, biu hai iy atiti kalopchi sa ai nai avo y.

Levi 16:31

Huni kani ly khri pa-rei chai nai kani ne; huni kani y mani mo kalop py sa ai nai avo y. Hini reita ai katu chanau deung khrairei teaung patawm jojo ai nai tla.

Kati Nai 29:7

Nangchi ly saryh lo kani horei kani y jeu achu iy, chiu sa ai nai tla, huni kani y teicha teinei cha ai nai tlo y, kalop py so u moh.

MATTHAI 28:10

Naibaly Isu my nini teng y, “Jei moh, tako hawi ly, Kalili pri y chei ai nai kai i amjo amnauchi ai thui pi; nichi ly hu y kai ai niu ai mang,” napi.

MATTHAI 28:5

Naibaly kani pri i amtaw thau nai my ly neampachy nini teng y, “Jei hawi moh; nangni ly kraws tleaung y tahen nai Isu ai hau hawi nai ne, nanai kai pany.

MARKA 16:6

Hunaibaly mymy ly nichi teng y, “Paleung bi u moh; nangchi ly kraws tleaung y tahen chum nai Nazaret avang Isu ai ly hau u nai ngaw khyh: ni ly angthau teang veng bo: mymy ly hi y by y leang bo: nichi i mymy ai paseaung nai meingtym khen u cham!

LUKA 1:13

Na i py kani pri i amtaw thau nai my ly mymy teng y, “Zakaria, jei moh; nang i hnei nai ly ang thai na a: nang i aju Elizabet my chapo ang tapen pi ai, amyn y Johan pathi ai nai tla.

LUKA 1:30

Naibaly kani pri i amtaw thau nai my ly mymy teng y, “Mari, jei moh: nang ai ly Tameuh my ang tamen mang.

LUKA 2:10

Naibaly kani pri amtaw thau nai my ly mychi teng y, “Jei u moh; khen cham, khumi cheaungkhang i vui Satang Kahawi khri pa-rei kawn ai awm nai kang tym hai nai teu.

LUKA 24:38

Naibaly ni my ly nichi teng y “Ati mana nai paleung bi u mo? Ati mana nai nangchi paleung y dawn nai awm u lawh?

AMTAW 27:24

‘Pawla, jei moh, nang ly kaisara i mo y angdo ai nai tla; naibaly khen cham, paleaung mang nang hawi chei ahawi nai bawibawichi py Tameuh my nang ai ang pei nai mang,’ ang napi.

AMTENG HAI NAI 1:17

Naibaly mymy ai kaniu khala y mymy i kheu keung y dei nai kamta ka-tlym mawp. Naibaly ni ly mymy i lamtang mang i kiu y kai ai nam iy,