DANIELA 1:8 - Khumi Common Language Bible

⁸ Daniela ly samrang i cha nei kahawi hawi, kreip hangchi cha nei nai dengdairei, amymy ai reita leaungsai molam y, chai hai y nai so y ai, nanai mymy i paleung y dawn bo. Hunai deaungkho y Asapenaza teng y kasabawmra hnei nai ne.

DANIELA 1:8 Iomraidhean Croise

1 ARENG KEH 5:5

Areng ly kai i ampo teng y, ‘Nang bo y samrang lyn nai nang i chapo ly kai i vui Achura Yhm sa ai,’ nanai adeu bo. Naibaly vai, kai ly kai i Areng Tameuh ai chiu ai nai molam Achura Yhm sa ai nai dawn bo.

SAM 106:28

Naibaly Tameuh i khumichi ly Bala tameuh ai peor meingtym y chiu iy, tameuh kadeichi teng y apathyp nai mawichi cha ai nai amkawm u bo.

SAM 119:106

Nang i meitang naimy tara chih naichi tangai ai, nanai kai ly amy i vaineng abeu nai khaw hai ai.

SAM 119:115

Nangchi kamngo sa nai khumichi awi, kai teng i nai theu u pawn; kai ly kai i Tameuh my pei nai reitachi tangai ai.

SAM 141:4

Hawi y naira py, khumi aso y naichi hawi vanrei kamngo sa nairachi py, sa ai ngai nai paleung kai teng y tym hai moh kyh ba. Kai ly huni khumichi i cha nei pawichi sa naira y abawi y ai nai amkyn hai jojo kyh ba.

LEU KACHENG 23:3

Nang ai sawn pi nai cha nei kahawichi ai paleung no moh. Huni khumi ly nang ai ang parawi hyp naimy, pacho panei nai ne lym ai.

DANIELA 1:5

Samrang ly cha nei kahawi hawi, kreip hang kani tleirei cha nei hai ai nai py leu pei nai ne. Huna nai saneng thom ryrei patiu pi chum baly, nichi ai samrang i mo y tym hai ai nai tla.

DANIELA 5:4

muku, tangka, kheupaja, tamo, dengkeaung, lengseaungchi hawi sa nai tameuhchi ai palo u bo.

AMTAW 11:23

Naibaly mymy hu y tym nai khala y ly Tameuh i pahenra niu i khri pa-rei kawn na, nichi bawibawi ai Areng ai hawihai palai amkhaw cheng ai nai pachei;

AMTAW 15:20

na i py nichi ly myn y chiu nai atiti chai y naichi hawi, angai nai hawi, mawi taau ka nai hawi, thi cha nai hawi anawn ai nai, achi ly mymychi teng y cha pa ai nai hawi keh, nanai dawn kai ly.

I KORINTH 7:37

Na i py paleung khaw parai naimy apu iy aly aeang ti y naimy, mymy i ngai nai ly sa jo thai ai nai, mymy i chaniu anglo kachai ai kry jo ai nai paleung theung y tau cheng nai keung ly mymy i sa nai ly hawi.

II KORINTH 9:7

Khumi leaung leaungrei ly pei ei a y iy, pei ai tla nai kamta ny y naimy, amymy i paleung y tau nai kamta pei bawibawi sy; Tameuh ly amo theu parai naimy pei nai keung ai ly tamen.

Leu Thui Nai 32:38

Nangchi ly huni tameuhchi teng y apathyp nai tawnbawi thau hawi kreip hangchi talam u bo. Huni tameuhchi ly vai jeu iy nangchi ai sabawm u na sy, jeu praw iy nangchi ai atleu pi na sy.