DANIELA 1:2 - Khumi Common Language Bible

² Areng ly Nebukhadnezar teng y samrang Jojakim ai patiu ai nai hawi, Achura yhm i yhmtheaung ateaung phyrei ai, la pi pawn ai nai pei. Nebukhadnezar ly langheng hawi naichi ai, Babulon pri y awm nai my i tameuh yhm mang y hawi iy, la pi vui nai yhmtheaung ateaungchi ai, my i tameuh ai chiu nai yhm i vawn khai nai meingtymra y khai bo.

DANIELA 1:2 Iomraidhean Croise

ATITI AWM ANGCHEI NAI 10:10

Mymy i peang angchei nai khu theung y ly Babulon mary, Erech mary hawi Akad Marychi abawi nai ne.

ATITI AWM ANGCHEI NAI 11:2

Nichi ly nisi mang y asyh veangveang nai kha y, Babulon pri y adym ang deng harei niu i hu y awm u bo.

2 ARENG KEH 24:1

Samrang Jehojakim my peang nai thym khala y, Babulon samrang Nebukhadnezar ly Juda pri y tiu ai nai tym. Jehojakim py ni i peang nai anui y saneng thom ryrei awm; huni bo baly tiu bo.

2 NENG SATANG 36:5

Jehojakim ly saneng 25 rei awm nai khala y Juda samrang lawm i, Jerusalem mary y saneng holai harei peang nai ne. Ni ly mymy i Areng Tameuh tlang tleaung y kamngo sa.

2 NENG SATANG 36:7

Achura yhm i yhmtheaung katui phyreichi py la iy, my i Babulon samrang yhm y khai bo.

EZARA 1:7

Samrang Kuru ly Jerusalem mary i dengdairei samrang Nebukhadnezar my la pi vui iy, my i tameuhchi achura yhm y khai vui nai khauchi ai nichi teng y pei pi bo.

ISAIA 11:11

Huni neng kani tym nai khala y, Areng ly mymy i sa thai nai haiho teaung bi iy Asuria pri, Aikupta pri, Pathros pri, Ethiopia pri, Elam pri, Babulon pri, Hamath pri, pangli peang meingtymchi hawi tlawnchira y awm rai nai Israela chengchi ai, mymychi i saleaung khuteng mang y pahawi ali teang ai.

ISAIA 42:24

Ami nai ly Israela chengchi ai, tiu lawm nai khumichi kiu y au lawh mo? Ni ly achi my tamang nai Areng ne na a! Achi ly mymy i ngai nai kamta awm u y. Mymy i leu pei naichi py tangai u y.

JEREMIA 25:1

Josia i chapo Juda samrang Jehojakim i samrang lyn nai palyh saneng y, Jeremia ly Juda khumi bawibawichi molam y, Areng teng i leu pei nai nga bo. (Huni saneng ly Babulon samrang Nebukhadnezar i samrang lyn angchei nai saneng ne.)

JEREMIA 27:16

Naibaly kai ly Areng i thui pi nai leu ai, pathyp pi nai keungchi hawi khumichi teng y amti pi bo. Areng my, “Achura yhm i yhmtheaung katuichi ly kra y naimy Babulon pri i dengdairei ang tym ali teang ai, nanai thui nai amochi i leu tangai u moh. Nichi ly nangchi ai ang tapawp nai teu.

JEREMIA 28:3

Hini Achura yhm i, samrang Nebukhadnezar my Babulon mary mang y syn vui nai yhmtheaung katui ngiereichi ai, saneng nyhrei sala y hini meingtym y, katym hai ali teang ai.

JEREMIA 35:11

Na i py hini mary ly Babulon samrang Nebukhadnezar my tiu nai thym khala y, Babulon hawi Suria tavaimichi theu vui ai nai molam kaichi ly Jerusalem mary y jeu ai nai paleung ka-dawn awm u nai ne. Hunai deaungkho y vai, kaichi ly Jerusalem mary y awm u nai ne,” napi u.

JEREMIA 50:2

“Babulon mary ly phra vui bo! Huni mary i Marduk tameuh ly tleu piupa pawn veng bo! Babulon mary i amso ngai hawi nai mynchi ly kangji nga iy taphra naira avum u lawh bo ly! Hini satang ai khumi cheng cheaungkhangchi teng y thai hai u! Ka-ma-ra tamkhawn patei iy thai hai u! Huni satang ai apha hai vui moh!

JEREMIA 51:44

Kai ly Babulon mary i Bela tameuh ai kamngo pajeng iy, paviu nai vawnsaichi py pei ali teang hai ai. Khumi cheng cheaungkhangchi ly ni ai mo mang y chiu u ali bi ai ny y. “Babulon mary apaichi ly anawi pawn bo.

DANIELA 5:13

Nichi ly Daniela ai samrang i mo y tym hai praw i, samrang my Daniela teng y, “Nang ly Juda pri i dengdairei, kai i ampo samrang my hawi nai, Juda cheng langheng leaungrei Daniela napi nai khumi ne a?

DANIELA 5:18

“Tahm asang parai nai Tameuh ly ngampo samrang Nebukhadnezar teng y peang nai sa thai naira hawi tahm asang parai nai samrang leaungrei lawm hai iy, tahm awm nai hawi phum-ang angym hai bo.

HABAKKUK 1:16

Nichi ly mychi i paleupychi saho y, cha nei ai nai molam avaw y nai deaungkho y, huni paleupychi ai chiu u iy, kapathyprachi malawn py talam u nai ne.

ZEKHARIAH 5:11

Kani pri amtaw thau naimy, “Babulon pri mang y syn nai ne; nini ly huni pri y achura yhm sa hawi ai. Naibaly chiu sa ai nai huni achura yhm theung y takhu khai hawi ai,” napi.

Leu Thui Nai 32:30

Khumi leaung sangreichi ai leaungrei my, khumi leaung meaungkateaungreichi ai leaung nyhrei my ati mana nai tiu pajau nai mo? Nichi i Areng Tameuh my nichi ai khai su nai deaungkho y, nichi i ati cheaungkhang sa thai nai Tameuh my nichi ai sum hai nai deaungkho y ne.

TARA CHIH NAI KEUNGCHI 2:14

Hunai deaungkho y Areng ly Israela chengchi ai khri pa-rei kado theu i, paleung ka-echi my nichi ai tiu ai nai pei nai ne. Mymy ly tengpang sahawi y awm nai paleung ka-echi ai Israela chengchi i tlang tleaung y eaung ai nai pei nai deaungkho y, Israela chengchi ly amymychi ai amo hai pajau y leang bo.

TARA CHIH NAI KEUNGCHI 3:8

Hunai deaungkho y Areng ly Israela chengchi ai katho theu i, Mesopotamia samrang Kusen Rishathaim ai, nichi i tlang tleaung y tavai eaung hai i, ni my saneng tajarei peang.

TARA CHIH NAI KEUNGCHI 4:2

Hunai deaungkho y Areng ly Hazor mary ai peang nai keung, Kanan khumichi i samrang Jabin ai tavai eaung hai bo. Huni samrang i tavailu ly cheng takhra khumichi awm nai Haroset mary i Sisera ne.

1 SAMUELA 5:2

Dakon tameuh i achura yhm theung i, Dakon myn sahawi y khai u bo.