AMTAW 5:3 - Khumi Common Language Bible

³ Na i py Petera my, “Anania, Phailo Kachai ai ka-chawi thui ai nai hawi, meingtym vang ly phyrei um mai veng ai nai py ati mana nai nang i paleung y Setan my kawi hai lawh?

AMTAW 5:3 Iomraidhean Croise

JOBA 22:13

Na i py nangmy, “Tameuh ly ati ai pany nai mo? Mymy ly khupanymchi my deng khyp nai deaungkho y, achi ai ati mana tara chih thai ai mo?,” nanai thui lawh.

LEU KACHENG 20:25

Tameuh teng y talam ai nai vaineng adeu y rai khala, hawihai palai adawn yb; ti y baly kangkhym y vaineng adeu veng nai molam y paleung si ai.

Parip nai leu 5:4

Nang ly leu neangneang katheu baly leu hawi y naichi katheu lawh ai. Hunai deaungkho y nang ly Tameuh teng y sai sairei leu adeu lawh baly, adeu nai kamta sa kaliki ai nai tla. Khumi ka-khum ly Tameuh i vui teaung ai nai ngo y leang. Nang ly nangmy i leu adeu nai kamta so ba.

ISAIA 29:15

Areng teng y amychi i dawn pasym naichi apha vui ai nai atho sa nai khumichi ly taham si! Nichi ly mychi i dawn tau naichi kangviu y sa nai ly amychi ai ami my py niu ai ny y; amychi i atitichi sa naichi ai py ami py pany ai ny y, nanai athang khai u.

JEREMIA 23:24

Kai i niu pajau y nai meingtymra y ami py aheu pajau y. Kai ly kani hawi khaileaung y awm nai meingtym tleirei y awm, nanai nangchi pany u y nai sai a?

HOSEA 11:12

Areng my, “Israela khumichi ly kai ai ka-chawi thui iy tapawp u bo. Juda khumichi ly chai parai nai hawi ka-ym awm nai kai, Tameuh ai vai khrairei tiu u nai ne.

Kati Nai 30:2

Khumi ami mo leaungrei ly Areng teng y ati mo ha harei talam ai nai adeu nai py ne sy, ati mo sai sairei amkyn ai nai vaineng abeu nai py ne sy, huni vaineng taphra ai nai tlo y. Vaineng abeu nai kamta takhawi y pa-rei sa takengkei ai nai tla.

MATTHAI 13:19

Ami py kani pri i leu ly thai iy dawn nai pany y pui baly, kamngo sa reng nai keung ly jeu iy, mymy i paleung y hei nai angchih ly lawm pi ry veng, huni ly lam teng y hei nai ne.

LUKA 22:3

Naibaly Setan my holai nyhreichi theung y abawi nai Juda, Iskariota napi nai i taku theung y kun iy,

JOHAN 13:2

Naibaly dym biu cha nai kha y (huni ny y rai khala py Setan ly Simon i chapo Iskariota Juda i paleung y mymy ai patiu hai ai nai pachei iy).

JOHAN 13:27

Naibaly tako sei pei nai bo y Setan ly ni teng y kun praw ryp. Hunaibaly Isu my ni teng y, “Nang i sa ai nai ly so kaliki jau,” napi.

AMTAW 5:2

naibaly phyrei ly syn iy amtaw thau naichi i kheu keung y khai bo.

AMTAW 5:4

Tuni awm nai sala ryrei ly nangmy i ny y a? Jo nai bo y py tuni ly nangmy i ngaingai awm nai ny y a? Hini leu ly nang i paleung y ati mana nai dawn nai mo? Nang ly khumi ai ka-chawi thui nai ny y leang, Tameuh ai thui nai teu,’ napi.

AMTAW 5:9

Naibaly Petera my ni teng y, “Ati mana nai Areng i Phailo ai cham ai nai nangni leu adyh hawi lawh? Khen cham, nang i juvo ai up nai keungchi i kheu ly katheu pa-kho ahawi y tym bo, nichi ly nang ai py ajeaung ai mang,” napi.

Leu Thui Nai 23:21

“Nangchi ly nangmychi i Areng Tameuh teng y vaineng adeu baly, huni adeu nai kamta sa khyp ai nai pathlai moh, pathlai lawh baly nang teng y kamngo tym ai.

JAKOB 4:7

Hunaibaly Tameuh i kangai awm u; na i py diabola ai ly paka u, hunaibaly ni ly angpreng veng ai mang.

I PETERA 5:8

Amkym u ly, atyp u; nangchi i paleung ka-e diabola ly pa-u reng nai khrangsi takai kamta ly ang cha thai ai naira hau nai ami kalaka na veng;