AMTAW 2:3 - Khumi Common Language Bible

³ Naibaly palaichi ly mai ka-tawm nichi teng y amji iy ahei nai nichi teng y amteng bo; naibaly nichi i lu tleirei y chym.

AMTAW 2:3 Iomraidhean Croise

ATITI AWM ANGCHEI NAI 11:6

Mymy ly “Khumichi ly cheng harei, leu py harei khyh nai deaungkho y, vai i ka-so mychi i ngai nai kamta sa u veangveang ai bo!

SAM 55:9

Aw Areng, kai i paleung ka-echi ai athli piupa hai kyh ba! Mary theung y khrukhra naira hawi, lawm naichi ai kai ly kaniu.

ISAIA 6:5

Kaimy py, “Kai teng y athang khai naira by y leang bo. Kai ly taham si parai na ly! Ati mana nai mo nabaly kai i labeaung mang theu nai leu ngiereichi ly chai y i, chai y nai leu naini katheu reng nai khumichi theung y kaawm nai ne. Na i py vai, kai ly ati cheaungkhang sa thai nai Areng! napi nai samrang ai kaniu lawh bo,” napi.

JEREMIA 23:29

Kai i leu pei nai ly mai hawi atawm iy, lengseaung ai atum phiu thai nai chaki hawi atawm.

MATTHAI 3:11

“Kai ly nangchi uikhei ai nai tui hawi baptis kang sa nai teu; na i py kai i nithun y ang jeu ai nai ly kai tleaung y len keh nai ne, kai ly ni i phainai syn ai nai py ataing y leang; mymy ly Phailo Kachai hawi mai hawi baptis ang sa pi ai mang.

MATTHAI 3:15

Na i py Isu my ni teng y, “Vai avo tanga sy, hinai kamta hawi naira bawibawi patawm ai nai ly ani i vui y apu,” nanai pathang. Hunaibaly avo napi bo.

LUKA 24:32

Naibaly nini ly “Lam y ani hawi arum nai hawi, Tameuh i cha-iu leu ang thui pi pachai nai thym khala y ly, ani paleung pran ti y a?” na hawi.

AMTAW 1:15

Hunai khala y ly (nichi bawibawi ly chungvai atlo leaung apomrei mo awm i) Petera ly amjo amnauchi theung y angdo iy,

AMTAW 2:11

Krit tlawn i awm naichi hawi, Arabi pri i awm naichi py Tameuh i atiti sa nai nang parai naichi nichi i thui nai, amy i leu ana pa-rei achi thai na ly,” napi.

AMTAW 2:2

Naibaly tlenrei khyh my kani pri mang i dengdairei ali khu theu nai ka-tawm tym miu, naibaly huni ly nichi i ateh nai yhm verei kawi bebe.

AMTAW 2:4

Naibaly nichi bawibawi ly Phailo Kachai my kawi bebe i, Phailo my leu katheu hai nai ka-tawm leu takhra takhra katheu u amteaung bo.

I KORINTH 12:10

khumi takhra teng y ly atiti rengrang sa thai ai nairachi pei nai ne; khumi takhra teng y ly phailochi ai pany thai ai naira pei nai ne; naibaly khumi takhra teng y ly leu athai y nai takhra takhra thui thai ai naira pei nai ne; khumi takhra teng y ly leu athai y nai takhra takhra thui pi pachai thai ai naira pei nai ne;

JAKOB 3:6

Naibaly palai ly mai ne; achi i tlang kangpreichi theung y hawi y reng naira ly palai ne:huni ly tlang bomrei chai hai y i, khaileaung pri ai kang hai, naibaly ngari angawm ly palai ai kang hai teang.

AMTENG HAI NAI 11:3

Naibaly kai i leu pany hai nai keung nyhrei teng y ly leu kapei ai i, nini ly mawi mui kanih akhiu naimy kani sang atlo chungvai nyh pa-thom kani vui tariu ryrei ly leu thui hawi ai,” ang napi.

AMTENG HAI NAI 14:6

Naibaly kani pri i amtaw thau nai takhra leaungrei ly kani laileaung y angkheang nai kaniu: khaileaung pri y awm nai theaung cheaungkhangchi hawi, cheng cheaungkhangchi hawi, leu cheaungkhangchi hawi, khumi cheaungkhangchi teng y py deaungtasarei Satang Kahawi thui pi ai nai mymy teng y au bo;